好燒式串燒專門店 (砵蘭街)

營業中

休息中

早幾日和朋友到旺角逛街，夜晚我好想食串燒，朋友提議去好燒式，於是就去試下。地點都幾就腳，離鐵路站不遠。燒日本鯖魚，皮燒得微脆，肉質保持鮮嫩，一點都不乾柴，真係燒得幾好味。厚燒玉子，都幾大串，夠厚身口感不錯，蛋香味濃，入口軟滑。塩燒大眼雞，比想像中大條，魚皮燒得超脆，好似薯片，好好味，魚肉卻鮮嫩有肉汁，可見廚師用心處理，好有質素。鮑魚汁海鮮荷葉飯，當一打開荷葉，香味湧出，熱騰騰，飯粒分明油潤，入口有淡淡荷葉清香，炒飯調味恰到好處，夾雜著好多蝦仁、蜆仔等等，十分美味。墨西哥薄餅雞肉，薄餅煙韌有質感，雞肉嫩滑，配合醬汁，真是一加一大於二，味道相當好，而且很有口感。串燒豆腐，外脆內軟，很有水準，比一般的炸豆腐好食多，最難得的是不會太焦燶。番茄青酒煮沙白，沙白幾大隻，又很新鮮，最好的是無沙，番茄青酒煮有一種清新的感覺，淡淡酒香和番茄的甜很配合。