影片
更多
2023-06-01
30 瀏覽
📍漁正居酒屋 (佐敦)之前同屋企人食過一次呢間居酒屋，佢哋都讚不絕口。今次嚟到揀返上次覺得好味嘅燒雞翼同埋壽司，一樣咁正。💕燒雞中翼 $28/1最特別嘅係佢哋用咗新鮮雞翼，所以啲肉特別甜。雞皮燒得香脆，簡單鹽燒已經好好食。💕雞軟骨 $20💕豬天梯 $28👩🏻鍾意食有口感嘅串燒，所以即刻嗌咗兩串雞腳筋，不過又遇上缺貨。好彩有爽脆嘅雞軟骨。而豬天梯就更加有𡁻勁，表面仲燒得好香。💕脆脆蓮藕片 $48蓮藕片薄脆鹹香，餸酒或者就咁食都好正。💕左口魚裙邊 $68💕三文魚籽 $78💕赤貝 $88💕蟹籽 $38今次試咗四款壽司。赤貝壽司有兩件，一件貝肉，一件係裙邊。貝肉口感爽脆，裙邊就比較柔軟，各有特色。蟹籽粒粒圓潤，鹹香鮮味。💕烏賊紫蘇梅子脆卷 $128烏賊肉彈牙鮮甜，整體配搭清新開胃。新鮮炸好特別好食。💕清酒煮蜆 $78蜆肉極大隻，完全冇沙。湯汁酒味唔重，反而好鮮甜。💕炸蝦天婦羅卷 $118不論係握壽司定係卷物，都比一般居酒屋出品更加出色。壽司飯唔易散開，又唔會冰冷死實。而且呢個炸蝦大隻又薄粉。💕黑糖蕨餅 $38蕨餅暖暖好特別。黑糖同黃豆粉嘅味道都好溫和。📍漁正居酒屋 (佐敦)佐敦庇利金街42號金
之前同屋企人食過一次呢間居酒屋，佢哋都讚不絕口。今次嚟到揀返上次覺得好味嘅燒雞翼同埋壽司，一樣咁正。
💕燒雞中翼 $28/1
最特別嘅係佢哋用咗新鮮雞翼，所以啲肉特別甜。雞皮燒得香脆，簡單鹽燒已經好好食。
💕雞軟骨 $20
💕豬天梯 $28
👩🏻鍾意食有口感嘅串燒，所以即刻嗌咗兩串雞腳筋，不過又遇上缺貨。好彩有爽脆嘅雞軟骨。而豬天梯就更加有𡁻勁，表面仲燒得好香。
💕脆脆蓮藕片 $48
蓮藕片薄脆鹹香，餸酒或者就咁食都好正。
💕左口魚裙邊 $68
💕三文魚籽 $78
💕赤貝 $88
💕蟹籽 $38
今次試咗四款壽司。赤貝壽司有兩件，一件貝肉，一件係裙邊。貝肉口感爽脆，裙邊就比較柔軟，各有特色。蟹籽粒粒圓潤，鹹香鮮味。
💕烏賊紫蘇梅子脆卷 $128
烏賊肉彈牙鮮甜，整體配搭清新開胃。新鮮炸好特別好食。
💕清酒煮蜆 $78
蜆肉極大隻，完全冇沙。湯汁酒味唔重，反而好鮮甜。
💕炸蝦天婦羅卷 $118
不論係握壽司定係卷物，都比一般居酒屋出品更加出色。壽司飯唔易散開，又唔會冰冷死實。而且呢個炸蝦大隻又薄粉。
💕黑糖蕨餅 $38
蕨餅暖暖好特別。黑糖同黃豆粉嘅味道都好溫和。
📍漁正居酒屋 (佐敦)
佐敦庇利金街42號金陵大廈地舖
張貼
