百花漁莊

營業中

休息中

不久前係呢間餐廳食粥底火鍋，感覺唔錯，今日就嚟飲茶，試吓佢嘅中式點心。位處28樓，日光充足，景觀十分開陽👍🏻仲有多款特色午市套餐，燉湯、小菜等等。我們選擇單點，較有彈性。餐前小碟$16：醋漬蓮藕片，味道酸甜，蓮藕爽脆～開胃醒神。荔枝烏龍茶茶膽比較新派，荔枝烏龍香甜味甘，有別於一般傳統嘅香片、普洱。水晶蝦餃皇超大隻，餡料好豐富好吸引，蝦餃皮再薄一點就Perfect。鮮竹牛肉球一客四件牛肉球，肉質結實彈牙。豉汁蒸排骨排骨酥香半肥瘦，味道唔會太鹹。 金絲香芋酥熱辣辣即叫即做，外皮香脆鬆化，包着芋蓉少少糯米質感，香甜美味！蜜汁叉燒包一客三個啱啱好，叉燒餡料味道標準。頭抽和牛炒飯$118炒飯好香好夠穫氣，醬油香氣和和牛非常夾，但整體唔算好乾身。鮮蝦炸春卷$42中式點心最喜歡的炸物，春卷皮鬆脆，味道唔錯😋紅糖果仁冰粉新張期間午市訂位贈送每位「紅糖果仁冰粉」一客，加上紅糖和碎果仁清爽美味又健康，估唔到中式酒樓都有咁特色甜品。