影片
更多
2024-12-11
252 瀏覽
📍 江蘇銘悅 🔍上環干諾道中130-136號誠信大廈2樓-----上次嚟呢間餐廳，喺上一份工嘅Last Day，同舊同事一齊食咗一餐最後的晚餐，雖然離別帶愁緒，但係都記得呢一間餐廳食物水準甚佳。今次與家人再訪，體驗依然很不錯，侍應禮貌又細心，無論服務，還是食物，都保持之前都水準。🫖 茗茶（龍井） $28/位龍井茶香清新，入口帶少少甘甜，唔會太濃亦唔會太淡，侍應仲會幫客人適時加茶水，服務貼心。雖然好飲，但茶味價錢比坊間普通茶樓確係貴唔少。.🍴前菜：紫菜花生及酸菜紫菜花生脆香中帶絲絲紫菜碎，比平時酒樓嘅花生🥜更添風味。酸菜則微甜多酸，切成細細幼幼的一條一條，爽脆開胃。.🥢全日套餐 （$498 每位）1. 雙色鎮江肴肉、蔥油海哲頭、魚子醬海鹽糖心燻蛋- 拼盤擺盤精緻，令人賞心悅目。鎮江肴肉是長方形的一塊，前面咖啡色的部分是醋啫喱，後面深粉色的部分是肉味濃郁的鹹香肴肉，無需蘸醋，調味已是恰到好處；蔥油海哲頭爽爽脆脆，帶點鹹鮮；燻蛋則是半熟嘅蛋黃流心配上魚子醬，加上撒在表面的少許海鹽，微鹹的調味鹹得有層次，最後吞落去會有煙熏香氣散發到口內。2. 雲南真菌螺頭老雞燉湯- 湯底濃郁，螺頭味非常突出
🔍上環干諾道中130-136號誠信大廈2樓
-----
上次嚟呢間餐廳，喺上一份工嘅Last Day，同舊同事一齊食咗一餐最後的晚餐，雖然離別帶愁緒，但係都記得呢一間餐廳食物水準甚佳。今次與家人再訪，體驗依然很不錯，侍應禮貌又細心，無論服務，還是食物，都保持之前都水準。
🫖 茗茶（龍井） $28/位
龍井茶香清新，入口帶少少甘甜，唔會太濃亦唔會太淡，侍應仲會幫客人適時加茶水，服務貼心。雖然好飲，但茶味價錢比坊間普通茶樓確係貴唔少。
.
🍴前菜：紫菜花生及酸菜
紫菜花生脆香中帶絲絲紫菜碎，比平時酒樓嘅花生🥜更添風味。酸菜則微甜多酸，切成細細幼幼的一條一條，爽脆開胃。
.
🥢全日套餐 （$498 每位）
1. 雙色鎮江肴肉、蔥油海哲頭、魚子醬海鹽糖心燻蛋
- 拼盤擺盤精緻，令人賞心悅目。鎮江肴肉是長方形的一塊，前面咖啡色的部分是醋啫喱，後面深粉色的部分是肉味濃郁的鹹香肴肉，無需蘸醋，調味已是恰到好處；蔥油海哲頭爽爽脆脆，帶點鹹鮮；燻蛋則是半熟嘅蛋黃流心配上魚子醬，加上撒在表面的少許海鹽，微鹹的調味鹹得有層次，最後吞落去會有煙熏香氣散發到口內。
2. 雲南真菌螺頭老雞燉湯
- 湯底濃郁，螺頭味非常突出，啖啖都飲得出係用時間慢火燉出嚟嘅精華。金華火腿同瑤柱加深咗湯嘅鹹鮮味，而瘦肉同雲南真菌則令湯水更加清潤。
3. 宮保海虎蝦球
- 蝦球大大隻，彈牙鮮甜，醬汁類似甜辣醬，唔會太辣，蝦球旁邊的炸辣椒乾，香而不嗆，看似係伴碟裝飾，但其實值得咀嚼一下。
4. 百葉子櫻桃肉
櫻桃肉其實就是東坡肉，入口即化，調味帶少少甜味但唔會過重，百葉子則是豆腐皮，本身不濃味，正好平衡五花肉的濃味，非常高質的一道餸，據說係佢地嘅招牌。
5. 海苔酥脆魚片
魚片外層炸得好酥脆，內層魚肉則的非常滑嫩，搭配海苔沙律醬幾夾。
6. 乾煸四季豆
四季豆煸得好香口，豆帶輕微焦香，就是油膩了些。
7. 招牌小籠包
皮薄肉餡扎實，一咬就爆湯汁，熱辣辣嘅湯汁亦好鮮甜，肉餡唔會太肥膩，難怪係招牌之一。
8. 甜品（雪耳紅棗桂圓羹）
甜品係每日唔同，今次就係雪耳紅棗桂圓羹，湯羹入口順滑。
張貼
