G Place

營業中

休息中

同男朋友黎試下呢間隱世私房菜，佢地唔接受walk-in，淨係做預約，成個環境佈置都好elegant，加上少人可以同伴侶舒服咁chill番晚，入到黎成個人即刻慢左，逐碟菜式上，有專人介紹，前菜非洲古斯米沙律用非洲小米整，因為有紅椒黃椒所以少辣，但好容易入口，第二道前菜係和風慢煮昆布牛小排，廚師用整塊昆布包住慢煮牛小排，所以每啖都有甜甜既昆布味，牛小排半生熟，口感濕潤，餐湯係好令人難忘既一部分，法式龍蝦湯係我成世人飲過最正既湯，佢地用原隻龍蝦打碎佢，唔洗落鹽都可以好好飲，非常極級濃郁既龍蝦味，即使一少啖都足以令你回味無窮，真心無誇張！！鮮粟米忌廉湯則採用日本粟米直接打融佢，非常之甜！！正正餐廳全部用真材實料，所以味道十分濃郁而且飲完係已經有半飽感覺，好幸福啊☺️鮮菇通心意粉都好出色，鮮菇味同忌廉白汁味互相平衡，小小粒貝殼意粉好得意😂至於Main course則推介燴牛肉面配紅酒汁，平時餐廳多數用薯蓉底，佢地則採用芹菜，一個比較健康既選擇，結果味道又唔錯喎，連埋香濃既紅酒汁，正，第一次食牛肉面口感好稔，有少少似牛腩，連埋紅酒汁更juicy，男朋友都大讚呢間私房菜水準！大家不妨黎試下佢，特別日子