G Place

哎吔，今次黎到GPlace，個心情high咗一整個level！首先係個和風慢煮昆布牛小排，溫暖到心坎入面🥩，個牛小排喺昆布嘅擁抱下真係滑到响啲，嗌牛的同時帶嚟嗰陣陣昆布鮮味，食落正！再嘆下非洲古斯米沙律，辣辣酸酸啲感覺啱晒夏天，小米彈牙過龍蝦波，爽口得嚟啲蔬菜又鮮 crunchy，真係唔錯。轉戰湯品，我哋揀嘅法式龍蝦湯好似高級版嘅味啤蝦餅咁，帶勁但又唔會蓋過龍蝦鮮味，粟米忌廉湯就軟滑得滯，甜甜地溫潤心房。正！來到主食，鮮菇通心麵嘅豐富口感同香氣攞得今晚最正宗嘅用餐体验，燴牛面肉同紅酒汁嘅搭檔，嗰種蔓延開嘅味道，喺口腔裏頭翻滚，簡直係叫人停唔到口。真係慢慢享受每一啖食物嘅細微差別，啖啖都好過癮！这次食評我決定唔搞嗰啲專業术语，就係要講出最真切嘅食客體驗，GPlace，食得開心，食得洽滿！👍👏🍷…查看更多

今次踏足咗一間隱藏喺山林小徑嘅食堂，真係一個美味探險！食堂氣氛輕鬆，減低咗城市嘅喧囂，等你可以悠然享受每一啖食物。一嚟就俾燒得啱啱好嘅麵包籠打開味蕾，緊隨其後嘅係幾款我覺得幾正點嘅開胃菜🍽️。試咗一個超級惹味嘅酸辣湯，勁開胃！再嚟個主菜，有種“真材實料”嘅滋味俾我嗌咗幾個“靚”字，份量就啱啱好，唔會令人覺得攰。最正係甜品，份檸檬撻甜而唔膩，整體來講食物賣相同味道都係上佳水準👍🏽。之後嗌咗啖茶，嗌齊咗成個大滿貫，食物、服務、氣氛都係掂嘅。總之嚟呢度食飯，真係一場舌尖上嘅快樂派對！下次有機會都要再嚟回味啲美食嘅🎉。…查看更多

約兩三個星期前同朋友一行四人到這間餐廳慶祝生日。確實有點失望……份量真的也太少，我們四個女生每一個都覺得是吃不飽:(，相信男生一定會吃不飽~食物味道不過不失，可是完全沒有擺盤，以一間西式私房菜來說確實有點兒"hea"。 最後那個甜品朱古力蛋糕，真心自己做應該也比它好吃。 如果以600幾蚊一個人，性價比係比較低，我同朋友都覺得一定唔會再去。（加上當晚除了我們還有另一枱六個女生，都有啲嘈……所以環境感覺一般般）…查看更多

見到網上食評幾好，又同朋友試吓，4個人都選了六道菜的 lunch。餐廳主人好貼心咁俾咗個video我哋，如果冇video其實有少少難搵，諗唔到山林道最篤篤有一間私房菜餐廳。因為係中午嘅關係只有我們一枱，大聲講笑都冇問題 ☺️ 前菜係西瓜波牛蒡，跟住係一個熱帶水果配乳酪沙律，再跟住一個青蘋果凍湯，我覺得好好味 🙂 唔鍾意飲凍湯嘅朋友可以揀另外一款魚嘅熱湯。之後係一個雞肝米形意粉；我覺得係今日 the beat！ 簡直想添多一碗！主菜揀咗黑毛豬肩胛肉，不錯。甜品係一個朱古力流心蛋糕，啱晒我鍾意食朱古力！ 店主服務好好，每上一道菜都有介紹俾我哋聽究竟係乜嘢材料。有機會可以再去喎 🙂 …查看更多

疫情終於回穩，孝子食評又可以回歸啦，返嚟寫嘅第一篇，當然要寫最近嘅母親節。母親節book枱相對困難，終於揀咗呢間叫G Place嘅私房菜，雖然呢間餐廳對上一篇食評已經成一年前，但見佢一個劣評都冇，感覺都可以一試。更重要嘅，係個環境適合娘親打卡。先上環境。（冇錯，食咗環境先）打卡位。點解淨係畀娘親出鏡呢？因為我只想捧佢做網紅。咁點解呢張又冇呢，因為表情失咗手XD　間餐廳唔大，得3張枱，如果6人以上早啲Book，應該就可以坐呢個角落。當晚因為有另一枱客，所以費事周圍影，而呢個位我都已經好滿意。需要一提嘅係，間餐廳係極為偏僻嘅，但餐廳負責人喺你訂枱時會發個短片教你點行過去，所以其實都唔難搵嘅，地鐵站行過去， 10分鐘應該到。個負責人亦會同大家確認當晚食咩。上菜單。作為食量正常嘅女仔，感覺6道菜會唔夠食，因為每一碟都好精緻，但如果你飯後仲要切蛋糕，其實都ok。　終於到上菜嘞。第一道︰廚師精選小食係牛蒡醬油漬配24個月風乾火腿，呢度係3個人份量。兩樣都係鹹嘅嘢，感覺如果另一樣換返清爽啲嘅嘢，好似會合理啲。第二道︰頭盤1係澳洲紅菜頭他他配希臘乳酪，撈埋一齊幾好食，但我對紅菜頭一般麻麻，所以唔會高分，但切得都好工整嘅。　第三道︰頭盤2係龍蝦汁蒸蛋配北海道帶子，味道係好嘅，但蛋蒸得老咗少少，入面係蜂窩結構，唔係好光滑嘅蛋，自然有少少影響口感，但整體都係好食。　第四道︰南瓜湯，好creamy好好飲第四道另一個選擇︰深海魚清湯，屋企人飲話好清甜　第五道︰火炙西班牙紅蝦配薯蓉，味道唔錯，蝦嘅糕同汁可以倒落薯蓉度食，急凍蝦嘅肉質都算煮得唔錯，但點解會得3分呢？因為佢冇挑蝦腸，我覺得精緻嘅西餐唔挑蝦腸係唔合格嘅。　第六道︰松葉蟹膏蟹肉米型意粉，睇落似意大利飯，其實係意粉，煙煙韌韌有口感，味道都好好。　第七道︰法式雞肉卷配西蘭花蜆肉汁，我點咗呢款主菜，雞肉口感好好，入面仲釀咗少少豬肉，口感更豐富，味道鹹咗啲啲。第七道選擇2︰燉鮟康魚配苦白菜芥末汁，父母點咗呢款，話魚好好食，但娘親覺得個汁係真係有啲苦。第七道選擇3︰燴牛面肉配紅酒汁。我哥佢哋點咗呢款，影相角度已盡力……味道幾好嘅，但佢哋都係話鹹咗少少。　第八道甜品係士多啤梨果醬鮮奶布丁，唔記得影（不過都冇乜特別）。　整體嚟講，成餐飯體驗係唔錯嘅，係慶祝特別日子嘅好選擇，相信帶人去食，對方都會好驚奇你竟然搵到呢個地方。上菜係根據大家食飯速度嘅，我哋8點零開始食，食到近10點，娘親係好滿意嘅。唯一冇咁好嘅係餐廳會有少少油煙味，其實我自己係唔覺，但我屋企人有聞到。我諗我自己都會再去。…查看更多

預定左哩間餐廳過7夕情人節餐廳好隱祕，簡單的裝修但氣氛很好前菜不過不失，合格而已 3分粟米湯超甜，清新，如果你鍾意甜，絕對係首選 3.5分龍蝦湯普通，味道鮮但偏淡3分蘑菇通心粉味道濃郁，通分有嚼勁，上佳菜式主菜上場，絕對係整晚高潮魚煎到香脆，然後配上甜甜的番茄醬，吊出魚的新鮮味，魚肉煮的滑嫩，入口即溶慢煮西班牙煙燻風乾豬扒，豬扒經過風乾7日，肉汁鎖緊，肉質厚實。肉係煮前先用桃木燻30分鐘，然後慢煮，結果成就左一世人食過最美味的豬扒…查看更多

為另一半興祝生日 點了6 courses每道都是精心泡制Couscous salad 非洲古斯米小米配上青紅椒帶點微辣，還有茄子洋葱，味道帶酸帶點點辣，作為頭盤口感豐富也很開胃法式龍蝦湯法式龍蝦湯更是招牌菜，香濃濃郁，滿滿龍蝦味，另人停不下來鮮菇通心意粉意粉烹調剛好，有別坊間的軟棉棉口感，用上鮮菇，香氣滿滿煙燻伊比利亞豬鞍煙燻伊比利亞豬鞍，aged5-7 days令肉質更加香嫩，油脂入口融化，味蕾充斥了幸福的味道幸福其實很簡單…查看更多

9 0 後 的 味 蕾唔講你肯定唔知，隱藏喺山林道有間私房菜，私隱度超級高，而且每晚都只係招呼三台客。-Gplace係隱藏係一條巷入邊，想食佢哋嘅嘢係要預先Booking，星期六日就要再早啲book!餐廳用左昏黃嘅燈光，內裏裝修同擺設用簡單嘅歐式復古風， 感覺舒服一坐低，餐具碗碟已經一絲不苟咁整齊擺好呢間餐廳淨係食私房菜，係做Booking嘅時候，餐廳已經會提供Menu俾你去選擇你當日既菜單，咁我就揀左下面呢一set-📸粟米湯 用咗日本白粟米同有機粟米打磨而成，無添加任何糖，但一入口超甜，嗰種甜係啲植物天然嘅甜，加埋濃郁既粟米味，好好味，力推！同埋我鍾意個湯唔係好稀個種，係洁身食到粟米蓉個種。.📸龍蝦湯用咗原隻龍蝦連殼磨碎，再煮，如果鍾意食勁濃郁龍蝦味嘅朋友要試下，佢個湯唔只係蝦肉味，係好似食咗成個蝦頭既感覺。.📸昆布牛小排 用昆布包住牛小排再慢煮 等昆布嘅味道滲入肉入邊，一放入口先會食到昆布嘅味，但係肉嘅質感，慢慢咀嚼嘅時候，啲牛肉嘅香味充斥成個口腔。.📸古斯米沙律用咗非洲一種植物叫古斯米，好似藜麥咁，但係幼細好多，配合埋切得好細粒嘅青紅椒，少少辣辣地，強烈青紅椒味，好醒胃。.📸鮮姑通心意粉 通心粉經過後期製作，廚師好細心，將通心粉逐粒逐粒切，令到意粉更加掛到多啲汁，同時保持到意粉既彈性。我鍾意個忌廉sauce 唔會過分creamy，食到菇嘅鮮味。 .📸煙燻豬鞍豬鞍放入雪櫃風乾6-7日，再用櫻桃木煙燻30分鐘，再煎，聽到呢啲步驟已經感受到廚師嘅熱誠，同對食物嘅要求。-未食之前已經聞到煙熏味，食入口，豬鞍外皮同邊位好脆，但內裏係煎到粉粉地色，入口軟綿綿.有時又食嘢真係唔止食個味道，食埋環境、熱誠、餐廳嘅細心，佢哋呢間私房菜每一隻熱盤上菜，嗰碟都係熱既，唔怕食物好快凍。-同埋每食一款菜，餐廳都會有人同你介紹點樣製作，俾你真係用心去感受到佢哋對食物嘅執着…查看更多

聽朋友介紹，佐敦有間隱蔽嘅私房菜😏只做預約不做walk in,同男朋友懷著好奇心態去試一試😁電話預約店員已通知當天的菜式，教我哋點樣入去添，好細心👍地方三四張枱，好寬敞好闊落，超高私隱度，而且服務仲好好添Menu簡單只分六和八個course，揀咗六個course非洲古斯米沙律🥗 好特別買相一流㖭，稍微辣辣地酸酸地幾開胃，作為前菜很不錯招牌菜法式龍蝦湯加＄50，非常值得一試超濃郁嘅龍蝦味，聽店員講佢哋用龍蝦連學攪拌過篩，所以會到超級濃郁，口感好smooth 😋😋鮮菇通心意粉，幾特別，陣陣🍄嘅香味烤鱈魚配鮮茄醬加$60賣相真係好鬼靚，鱈魚鮮甜嫩滑，加上有機蕃茄整成嘅番茄最酸酸甜甜，同鱈魚一齊食口感層次好分明🥰🥰有驚喜有驚喜，環境服務都一流，稍為食物份量較少，下次是八個course先😆…查看更多

今次朋友帶我食好西,朋友已經預先訂位，餐廳位置比較偏僻，想去試就要訂定位啦。因為小編慶祝生日朋友豪氣叫左六道菜餐單Couscous salad 其實小編唔好三色椒，因為覺得有青草味，店員好用心介紹個沙律，食落三色椒蔬菜配搭青椒都幾爽口👀味道帶辣，同埋有淡淡既菜甜味，還不錯幾新鮮配搭龍蝦湯招牌👍🏻店員介紹每日用新鮮龍蝦打勻而成，所以非常濃厚, 入口順滑，勁厚實質感，如果有埋龍蝦肉就完美鮮菇通心意粉通心意粉軟硬度岩岩好，咬落帶有口感，鮮磨菇配上稠身忌廉汁味，不膩又香濃，不知不覺食曬主菜燴牛面肉配紅酒汁👍🏻👍🏻用咗低溫慢煮嘅方法，真係非常嘅軟腍，而且唔會散開，慢煮牛真係勁好食，而且牛味濃郁，個底用芹菜打成蓉狀，店員唔講都唔知🤫，吃落口感同薯容非常似👍🏻唔鍾意食芹菜既我都覺得非常好食😋…查看更多

山林道盡頭行上一條小樓梯是已有半百年歷史的環海大厦環海大厦樓下有一些富有典雅的小餐廳今日朋友帶我試了其中一間頗有特色的西餐私房菜Gplace它的位置挺隱蔽在環海一期門口Season Plus的後面小小的招牌很容易令人忽略了它的存在餐廳入面的裝修擺設走古典路線小小的餐廳只有四張枱晚上必須先預約不能walk-in預約時會先確認當日的餐牌 我們點了🐱非洲古斯米沙律以北非小米為主配以切得很細的青紅椒青瓜香草味道唔重、微辣微甜口感清脆涼涼地挺醒胃推薦度：👍🏻👍🏻👍🏻👍🏻🐱法式龍蝦湯以新鮮龍蝦原隻打碎少鹽、無蝦粉、味精的味道遠遠已經聞到強烈的龍蝦味是這間餐廳的招牌菜好香濃順滑易入口是我最近喝過最好味的濃蝦湯推薦度：👍🏻👍🏻👍🏻👍🏻👍🏻🐱鮮菇通心意粉每一口通粉都有濃濃的菇味口感很creamy通粉偏硬、煙靭推薦度：👍🏻👍🏻👍🏻👍🏻🐱燴牛面肉配紅酒汁低溫慢煮所以軟硬適中比較特別是底下的是芹菜蓉而非薯蓉清新健康紅酒汁很能突顯牛面肉的酥香推薦度：👍🏻👍🏻👍🏻👍🏻整體而言，第一次吃西餐私房菜。每一碟菜式雖然份量小，但相當精緻，吃之前有專人介紹菜式的特色。走中高價路線，是一間挺有情調的餐廳。…查看更多

Gplace （私房菜）今日去到尖沙咀山林道既隱世私房菜Gplace餐廳唔接walk in 只係接booking ☺️餐廳大概係3-5台客人，環境清靜，擁有安全距離之如仲擁有清靜既環境，適合傾密偈☺️前菜叫咗一個非洲古斯米沙律，有紅椒黃椒綠椒夾埋一齊食好清新。和風慢煮昆布牛小排，真係好好味❤️昆布海草嘅甜味溶入左去牛肉到，又滑又香又甜，值得一試！到新鮮又好味既湯❤️2款湯都好出色，粟米湯係用日本白粟米配有機超甜粟打成既😙😙超甜超好味😚個龍蝦湯係龍蝦連殼連肉打碎煮成既，啖啖龍蝦味❤️好正呀，咁真材實料既湯真係好小餐廳咁落足心思去煮。到期待左好耐既主食啦🥰有超好味蘑菇忌廉通心粉，清新嘅忌廉唔會肥膩又清又好味，真係超級正煙燻伊比利亞豬𩣑，餐廳介紹處理食材上用左好多唔同既step，一食落真係有驚喜，超級香同美味，肉質唔會太老，好難得食到咁高質嘅豬肉❤️電話：2311 8011 （一定要訂座）Whatsapp: 6168 8622…查看更多

朋友好細心一早預訂台,來到G PLACE食晚飯。G PLACE 是食多國菜私房菜餐廳,位置隱秘清靜。原來一問之下,要預先訂台,不能WALK IN 幫襯。如要假期前夕或假期時來,就要預早2-3日前訂台,因這店坐位不多。走進餐廳,映入眼簾是一片古銅色歐陸風裝潢格調。.放置不同古典裝飾品,令餐廳更添格調。..分別有兩款 courses 選擇6 courses Menu (不包海鮮) $538/位8 courses Menu $738/位我地最後選擇6 courses Menu。而Menu每個月更換新菜色。.<Cold Appetizer>朋友選和風慢煮昆布牛小排 另加$30 , 而我就選非洲古斯米沙律.【非洲古斯米沙律】這沙律食起來不錯,特別古斯米柔軟細膩的口感,配上青椒、紅椒、茄子等,吃起來帶些辣,整體清爽和開胃。.【和風慢煮昆布牛小排】這道牛肉用慢煮煮熟,配以昆布同煮,咬起牛肉嫩滑帶有昆布香味在味蕾中不斷四散。..<Soup>【法式龍蝦湯】  另加$50用兩款龍蝦熬製,怪不得湯好杰,可以清晰地飲得出龍蝦香的味道帶咸香,是不錯好飲的湯。..<Pasta>【鮮菇通心意粉】這通心粉尺寸比平時細, 原來將通心粉一分為二, 原因易於掛汁。煙韌通心掛滿濃濃鮮菇忌廉汁,粒粒金黃色,口感好creamy,味道豐富。..<Main Course>【煙燻伊比利亞豬鞍】這伊比利亞豬鞍稍為煎香, 肉質柔軟適中,仲有濃濃的煙燻味,配了配秘粒粒八爪魚醬汁,令味道更好味更提升, 簡直一試難忘。…查看更多

XXG今日尋幽探秘 搵到一間隱世西式私房菜🪔 最平$538 5 courses fine dining dinner set~ 包哂前菜、餐湯、Pasta、主菜同甜品🍮▪️8/10▫️<< 非洲古斯米沙律 >> 全素沙律 中東印度小米混合青紅椒碎 酸酸辣辣 食落fresh得來好香口 勁開胃🤤▪️8.5/10▫️<< 和風慢煮昆布牛小排 >> +$30 先用昆布包住牛小排低溫慢煮 質感軟嫩 肉味好香 帶昆布甘甜 亦冇腥味 好特別嘅配搭🥰▪️8/10▫️<< 法式龍蝦湯 >> $50 原隻龍蝦連殼磨成碎🦞 湯身濃稠 蝦味極濃郁‼️▪️7.5/10▫️<< 鮮菇通心意粉 >> 通粉逐一切細 每粒沾滿醬汁 口感偏硬身彈牙 鮮茹同忌廉味好重😋▪️7.5/10▫️<< 燴牛面肉配紅酒汁 >> 牛面肉燴得剛好 淋得來又唔會爛 有口感🌟 紅酒汁提升咗肉嘅香味 配上芹菜蓉 健康之餘冇薯蓉咁飽肚👀🌿地方隱蔽 環境重視私隱度 好有格調🪔 全木色環境+木枱櫈配合異國風情裝飾 有非洲部落感覺🌅 環境寧靜 傾計一流😌🐽總括嚟講 係一間隱世fine dining私房菜 行去餐廳嘅路程都幾難搵 好有神秘感🤣 食物價錢中上 菜式特別同講究 昆布牛小排尤其出色👍🏻 全部客人都係by booking 記得提早預約😉…查看更多

今次黎試左呢間位於山林道嘅隱世私房菜，餐廳只有4張枱，要提早bk位先食到架，餐廳環境清靜，令人食得好舒適👍適合慶祝🥂menu分別係6 courses 同埋8 courses～要係bk位嘅時候揀埋等廚師可以提早預備食材。🔻Cold Appetizer🔻◾️非洲古斯米沙律呢款沙律用左青椒、紅椒、茄子，古斯米食落同藜麥相似，整體調合好啱我嘅胃口，少少酸同埋辣辣地，清新開胃。◾️和風慢煮昆布小牛扒 小牛扒切薄後，每塊都夾左昆布，然後再慢煮，所以每塊小牛扒都有昆布嘅甜味同埋獨特嘅香味～🔻Soup🔻◾️鮮忌廉粟米湯粟米湯清甜順滑，上面加左啲煙肉碎中和返甜味～◾️法式龍蝦湯 呢度嘅其中一個招牌菜，用原隻龍蝦連埋蝦殼同蝦肉用攪拌機打碎再過濾，打成濃湯，超級香濃鮮味，好想再飲多碗🤤🔻Pasta🔻◾️仙菇通心意粉平時食白汁意粉都驚會好漏，但呢就嘅汁調較得好輕盈，鮮菇味非常突出，通心炒好有咬口，係我鍾意嘅煙韌口感，而且每一粒通心粉入面都有細汁～🔻Main course🔻◾️燴牛臉肉配紅酒汁牛臉肉燴得肉質細嫩，保留到肉汁同埋肉味，最特別嘅係墊底嘅並唔係薯蓉，係西芹蓉😳對於平時抗拒食西芹嘅我有啲卻步，不過試咗一啖之後十分驚喜，只有啖啖嘅西芹味，果種幼滑程度唔講嘅話我以為係薯蓉黎！又真係好好食喎😜…查看更多