影片
更多
2024-06-04
151 瀏覽
今次我地過到黎中環食呢個懷石料理，我一早就book定位，帶老婆黎食餐好既比個驚喜佢，事關我地都少黎中環食野，黎到中環順便黎行下HBX睇Humanmade既衫😎我地上到黎，一出lift就已經全層都係餐廳，環境唔錯，店員都好欣勤，一坐低已經過幫我地寫左野飲先，之後隨即就陸續上菜😋呢度基本上叫做一味走天涯，有兩個餐，一款就係包埋任食串燒，另一款就係唔包，我一場黎到話明要食好既，梗係叫埋串燒啦，兩個餐相差$100😉生蠔放題2小時（$438）特選生蠔放題2小時（$538）時令海鮮湯首先黎到既係海鮮湯，細細碗作為前菜，味道鮮甜，仲有d蝦同蜆食，擺放都好優雅，用茶壺裝下面有蠟燭熱住d湯🫖喜多嬉時令懷石八品黎到主要既懷石八品，店員好耐心講解每一味既名稱，同埋教我地由順時針起由梅子漬車厘茄、醋漬青瓜伴蟹肉、時令刺身、燒白鰻、大根煮手打雞肉棒、明大子芝士薯蓉、牛油果醬伴吞拿魚蓉，到中間既柑桔柚子龍蝦肉羊羹既次序去食，呢盤八品無論賣相定係味道都係一流，食完呢個就進入任食既環節啦😆呢度既蠔有分生蠔同焗蠔，每次要叫半打起跳，分別都有唔同口味🦪任食喜多嬉生蠔生蠔原來都有咁多款味，柚子啫哩/辣椒蘿蔔蓉/蔥花/昆布潰
我地上到黎，一出lift就已經全層都係餐廳，環境唔錯，店員都好欣勤，一坐低已經過幫我地寫左野飲先，之後隨即就陸續上菜😋
呢度基本上叫做一味走天涯，有兩個餐，一款就係包埋任食串燒，另一款就係唔包，我一場黎到話明要食好既，梗係叫埋串燒啦，兩個餐相差$100😉
生蠔放題2小時（$438）
特選生蠔放題2小時（$538）
時令海鮮湯
首先黎到既係海鮮湯，細細碗作為前菜，味道鮮甜，仲有d蝦同蜆食，擺放都好優雅，用茶壺裝下面有蠟燭熱住d湯🫖
喜多嬉時令懷石八品
黎到主要既懷石八品，店員好耐心講解每一味既名稱，同埋教我地由順時針起由梅子漬車厘茄、醋漬青瓜伴蟹肉、時令刺身、燒白鰻、大根煮手打雞肉棒、明大子芝士薯蓉、牛油果醬伴吞拿魚蓉，到中間既柑桔柚子龍蝦肉羊羹既次序去食，呢盤八品無論賣相定係味道都係一流，食完呢個就進入任食既環節啦😆
呢度既蠔有分生蠔同焗蠔，每次要叫半打起跳，分別都有唔同口味🦪
任食喜多嬉生蠔
生蠔原來都有咁多款味，柚子啫哩/辣椒蘿蔔蓉/蔥花/昆布潰/雞尾酒汁，總共5款，再加一隻原味岩岩好半打試曬全部，d蠔質素好高，有海水味，又夠肥美，食原味已經夠正，其他口味就按自己喜好選擇encore🙌🏻
任食焗蠔
焗蠔方面都有好多口味，清酒煮/蒜味/辣蒜/麻辣/芝士/冬陰功，總共6款，佢既蠔質素同生蠔一樣咁好，焗蠔我就比較鐘意蒜蓉同芝士，呢兩個配搭我覺得最正😍
任食時令串燒、炸物、小食
串燒既選擇都有好多，佢地會提供埋調味粉比客自己再落，本身熱辣辣即叫即燒，再自己落粉，夠曬惹味🍡🍢🔥
小食都有好多款日式小食，比較出色既有牛肉他他同煎餃子，牛肉他他本身少食，個醬少少酸，又幾好味，煎餃子個火侯岩岩好，唔會太濃，個餡料又好食🥟
牡蠣茶漬飯/手廷烏冬
黎到尾聲會有一碗茶潰飯或者烏冬奉上，呢度既烏冬相對幼身，口感似拉麵，味道係烏冬，又幾新奇🤪
甜品柚子芝士蛋糕
最後以一件柚子芝士蛋糕作結，個柚子味幾濃，仲有d果肉係入面🍰
飲品方面都應有盡有，梳打，汽水，冷泡茶，熱飲都係任飲，如果有興趣飲酒，SAPPORO 生啤放題$58，酒精盛宴（包括果酒/梅酒/燒酎）$88🍻
呢間餐廳真係高質，老婆食得好開心，我自己就覺得佢比起日式放題店價錢唔算差好遠，但係環境，員工服務，串燒質素都高幾班，呢度就會有蠔食，而放題店就有刺身，如果冇特別鐘意食刺身，過黎呢度食係個好選擇😄
張貼
