影片
更多
2022-11-12
43 瀏覽
呢排亞女公司忙到甩轆，終於有忙完嘅一日，於是要食番餐好嘅慰勞吓佢自己，當然有我份啦🥰餐廳主打鐵板燒日本料理，有師傅喺你面前為客人烹調亞女發辦點咗A5宮崎和牛龍蝦鮑魚二人前套餐，非常豐富啊😍前菜三小點有明太子、味噌茄子同煙燻雞肉刺身，份量少少，先開開味蕾沙律海葡萄沙律配柚子醋汁，酸爽醒胃，當中的荷蘭豆爽脆清甜極上刺身五點有牡丹蝦，活帶子，拖羅，油甘魚同赤身，店長話全部由日本空運到港，所以非常鮮甜，就連伴碟的蓮花莖都可以食用，口感爽脆帶點清甜，更可將菊花加落壽司豉油增加香氣，真喺長知識季節時令生蠔宮城縣生蠔，口感濃厚滑溜，配埋紅薑蓉、蔥花及酸汁非常夾鮮活南非鮑魚南非鮑魚口感煙韌帶爽再淋上師傅特製的昆布鰹魚高湯汁配埋墊底的新鮮紫菜，鮮甜味更突出，最後食埋鮑魚的肝臟，簡單用椒鹽及牛油炒過非常惹味茶碗蒸將蛋液混和黑松露油及高湯一起蒸，再加入木耳，魚籽及蔥花增加口感，蒸好後再淋上黑松露油增加香氣，難怪一打開蓋就聞到陣陣松露香氣鐵板燒日本野菜配A5宮崎和牛西冷厚燒宮崎和牛西冷油花均勻，脂肪豐腴，平時食慣五成熟，但店長推薦七成熟更加可以食到油脂的香脆，入口溶化而不油膩，可以配搭埋香脆的獨子蒜片再蘸點岩
餐廳主打鐵板燒日本料理，有師傅喺你面前為客人烹調
亞女發辦點咗A5宮崎和牛龍蝦鮑魚二人前套餐，非常豐富啊😍
前菜三小點
有明太子、味噌茄子同煙燻雞肉刺身，份量少少，先開開味蕾
沙律
海葡萄沙律配柚子醋汁，酸爽醒胃，當中的荷蘭豆爽脆清甜
極上刺身五點
有牡丹蝦，活帶子，拖羅，油甘魚同赤身，店長話全部由日本空運到港，所以非常鮮甜，就連伴碟的蓮花莖都可以食用，口感爽脆帶點清甜，更可將菊花加落壽司豉油增加香氣，真喺長知識
季節時令生蠔
宮城縣生蠔，口感濃厚滑溜，配埋紅薑蓉、蔥花及酸汁非常夾
鮮活南非鮑魚
南非鮑魚口感煙韌帶爽再淋上師傅特製的昆布鰹魚高湯汁配埋墊底的新鮮紫菜，鮮甜味更突出，最後食埋鮑魚的肝臟，簡單用椒鹽及牛油炒過非常惹味
茶碗蒸
將蛋液混和黑松露油及高湯一起蒸，再加入木耳，魚籽及蔥花增加口感，蒸好後再淋上黑松露油增加香氣，難怪一打開蓋就聞到陣陣松露香氣
鐵板燒日本野菜配A5宮崎和牛西冷厚燒
宮崎和牛西冷油花均勻，脂肪豐腴，平時食慣五成熟，但店長推薦七成熟更加可以食到油脂的香脆，入口溶化而不油膩，可以配搭埋香脆的獨子蒜片再蘸點岩鹽，又或者試吓師傅獨家調製的味噌汁，與和牛非常夾可以帶出牛的甜味
鮮活龍蝦
原隻澳洲龍蝦肉爽味甜，加上用本身的蝦膏做醬汁配搭牛油、胡椒同鹽調味，入口更加鮮香惹味
鐵板炒飯
炒飯用櫻花蝦配搭白飯魚再加上梅醬炒成，飯粒炒得乾爽分明，口感煙韌彈牙，食落有淡淡的酸梅味，幾特別，食到一半可以加鰹魚湯變茶漬飯，一飯兩食
龍蝦味噌湯
將之前煎香過的龍蝦頭加入味噌湯熬煮而成，入口多了分香氣
甜品
黃金朱古力雪糕，唔太甜，朱古力味好濃，但唔苦，而且仲夾雜有碎朱古力，非常好味
張貼
