Gyutan Toku牛舌專門店

營業中

休息中

最近發現土瓜灣有好多美食，今次首先試下呢間牛舌專門店先！極上牛舌定食 $178呢份極上牛舌真係名副其實，牛舌厚切得嚟非常軟淋，燒得啱啱好，外面有輕微嘅炭燒香，裡面粉嫩而且咬落去啲肉汁即刻爆出嚟，牛味濃郁到不得了！配埋珍珠飯同埋小菜沙律，食完真係非常滿足！雖然價錢貴啲，但絕對值回票價！紅酒汁牛舌定食 $98呢款紅酒汁牛舌比較平價啲，但味道一啲都唔輸蝕。牛舌炆得好淋，完全入晒味，紅酒汁帶少少酸甜味，幾開胃，配埋啲暖粒粒嘅白飯，一啖飯一啖牛舌，正！土佐豆腐 $68呢道土佐豆腐真係幾特別，豆腐質感滑溜溜，入口即化，淋上土佐醬汁，帶少少鹹香同甜味，再加埋啲柴魚片，味道好有層次感，係一個幾值得一試嘅前菜！雞肉棒軟骨串 $76呢份雞肉棒串燒真係超正，啲肉非常厚實，而且燒得啱啱熟，表面仲有啲焦香。軟骨咬落去好有口感，帶少少脆口。