山見台式火鍋 (如心廣場一期)

營業中

休息中

自從呢間火鍋放題開咗喺新都會之後，一直都好想試，但係每一次經過都好多人等緊位，今日好彩早咗放工，等15分鐘就入得啦。因為第一次試，所以我哋只係叫Level 3套餐，但係佢已經有好多唔同嘅海鮮食，而且出面仲有好多唔同種類嘅食物拎。今個月做緊澎湖主題，出面有好多台式食物，連我最鍾意嘅台式夜市烤香腸都有啊。今期主題係台式美食澎湖遊，所以我哋嘅湯底都揀咗古早藥膳牛骨湯，而且仲唔使加錢。湯底味道好濃郁，好大浸藥味，而且入面仲有好多牛肉，非常抵食。因為佢嘅中藥味好重，如果唔係太鍾意食藥是味嘅，都可以免費揀其他湯底㗎。估唔到呢個Level嘅肉類都好多選擇，性價比非常高。我同朋友比較鍾意食海鮮，所以我哋就叫咗好多新鮮大顯，佢嘅上菜速度好快，而且份量好多。我覺得最抵讚嘅係佢啲大蜆真係完全冇沙，而且食落好新鮮好清甜，蜆肉非常大隻，襯埋牛骨湯底真係一流。佢出面有好多免費自助食物，仲抵過食自助餐。食飽之後就同朋友一齊出去睇雪糕，估唔到有咁多選擇，佢連雪糕雪條都係任食㗎。呢間日式火鍋放題非常多選擇，而且價錢公道，位置都坐得好舒服，見到好多人都係朋友聚會，一大班人又可以飲酒又可以打邊爐，真係一個好好嘅選擇。