陳儀興牛什粉麵 (鴻祥大廈)

營業中

休息中

放假出去西洋菜街睇電器，睇到咁上下就等埋喺附近返工嘅朋友一齊食晚飯，朋友提議食陳儀興牛什粉麵，陳儀興自己都有食過佢嘅潮州菜館同打邊爐，不過佢嘅牛什粉麵就真係未試過。餐廳雖然唔係好大，不過都唔算太逼，而且服務員非常有禮貌，餐牌除咗有粉麵仲有飯及小食提供。招牌牛丸河 ($38) : 河粉份量好大碗，要同朋友share食先搞得掂，因為牛丸係手打關係，口感清爽又彈牙，牛味濃郁又多汁。牛三寶 ($173) : 呢個應該都算係鎮店之寶，三寶分別有牛腩、牛筋、牛肚，淨食每款份量都好多，三寶裏面自己最鍾意就係牛腩，自己一向對牛都有要求，呢個牛腩無得頂肥瘦適中，入口一啲都唔韌，而且煮得夠淋夠入味 ; 牛筋同牛肚洗得好乾淨少少腥味都無，牛筋經過長時間烹煮之後軟化變成膠質，口感淡嫩不膩，質地猶如海參。同朋友都各自加咗 $26 蚊轉套餐。