霸王川莊 (iSQUARE國際廣場)

營業中

休息中

遲來的生日飯聚，朋友揀咗這間並預先訂定一隻片皮鴨。一坐低就見到一杯杯八寶茶，打開茶蓋聞到香香的炒米味，焗一陣飲落去都幾舒服。片皮鴨比想像中快上，賣相超靚。一份有24塊，每一塊都片得好均勻，手工一流！皮脆肉嫩，加埋醬料配料同餅皮，好有滿足感，連續食上三塊至肯食其他嘢。點咗一份例牌酸菜魚，要咗唔辣。餐牌寫2至3位用指的應該係魚片數量，因為湯同薯粉其實超大份食唔晒；魚片鮮嫩好味。湯底我覺得有一點點比想像中咸不過朋友就個個讚。另外仲有一碟百合炒萵筍，清清地。餐廳在高層可以見到維港，到8點仲睇埋幻彩詠香江。不得不讚係服務，有位男侍應好有耐性又有禮貌，最後仲幫我地影咗幾張超靚海景背景的合照！臨尾拎埋隻鴨身走，其實好大隻剩好多肉，朋友拎回家煲粥。