憶食尚臘味煲仔飯

營業中

休息中

好耐冇咁放鬆心情食餐飯喇今日同朋友因限聚令二人撐枱腳，叫咗脆炸一口豆腐，港式臘味煲仔飯，同埋菜心。餐廳職員服務好周到，我哋一坐低叫咗玄米茶，就立即送到、唔係用茶包，而係有質素的玄米茶，可見餐廳對食材有要求除咗茶葉之外，小菜都令我哋有驚喜！首先脆炸豆腐一啲都唔油膩，皮薄個餡啲豆腐非常滑溜，加上新鮮即製嘅香蒜，好惹味好開胃，我哋忍唔住清晒佢！主角臘味煲仔飯用料好靚，色香味俱全，店員仲幫我哋起埋啲飯焦，啲飯焦金黃色卜卜脆，諗返都食指大動。連碟青菜廚房都起埋筋，配上清清地嘅蒜蓉汁，我哋又係食晒希望佢開多啲分店，等我可以多啲去食啦。