憶食尚臘味煲仔飯

營業中

休息中

又到冬天食煲仔飯嘅時候啦，可惜禁晚市堂食，唯有午餐去食啦！見到呢度靚靚嘅裝修，又點會諗到主打係食煲仔飯呢！入到嚟坐低，覺得好似去咗高級餐廳食西餐，以藍色為主題，靚到可以打咭。呢度有3款茶，分別係鐵觀音，玄米茶，同埋菊花茶可以選擇，最後我哋叫左菊花。第一時間叫咗個招牌煲仔飯，上菜時侍應好細心先問你食唔食蔥同芫茜，之後會幫你加豉油撈飯。煲仔飯好香口，粒粒分明，臘鴨好有咸香味，食到尾，侍應仲會主動幫我哋起咗啲飯焦，香脆好食。之後，見到隔離枱叫咗個咕嚕肉幾靚，我哋以再叫咗一個試下😆咕嚕肉炒3色椒，看似普通，但食得出佢用咗蜜糖去煮，同出面啲咕嚕肉唔同，幾值得推介。最後，食得太多肉，加咗個菜心balance一下。