影片
更多
2025-05-14
179 瀏覽
國內超過60間分店，主打四個椰子做湯底，不加一滴水，以及用海南文昌雞的火鍋店，終於來到屯門啦﹗前兩日，本來想上深圳食火鍋，但有啲攰，唔想遠行，知道屯門市廣場開左間椰子雞，試下先。環境：清優裝潢，地方寬敞，有部份卡座有大玻璃窗，地方清潔，舒服。服務：秉承國內質素，好多服務員，會主動幫你計時、放雞、撈飯、教你食物次序等等，感覺非常好，另外有位好精神的叔叔，貌似店長，非常健談。食物：我同太太揀左個招牌必點2人餐：海南文昌雞，配椰子湯底，滾5分鐘就食得，雞味濃，肉滑，平時怕肥唔食雞皮，但呢隻雞嘅雞皮脆口，感覺唔多脂肪，照食不誤😂😍不過食雞之前，試下個湯頭先，非常清香甘甜，一流👍👍👍貴州紅托竹蓀(竹笙), 冰鎮登場，非常新鮮，入口爽脆，夾雜椰香以之特制醬油，出色👍👍非遺双拼丸，牛丸正常，但非遺丸非常彈牙，魚味濃郁👍娃娃菜，正常3秒響鈴，響鈴用作掛湯，都幾好。臘味煲仔飯，呢個不得了，首先服務員非常細心，會問要唔要飯焦同芫茜，之後會幫你撈飯同添飯。飯焦香脆，臘腸腦肉肥瘦與份量都適中，令米飯充滿油香，當中仲有芋頭增加口感，無得輸👍👍👍茶芥，選用「鷓鴣茶」(同音)，雖然我唔識，味道亦唔似平時的紅茶綠茶，
前兩日，本來想上深圳食火鍋，但有啲攰，唔想遠行，知道屯門市廣場開左間椰子雞，試下先。
環境：
清優裝潢，地方寬敞，有部份卡座有大玻璃窗，地方清潔，舒服。
服務：
秉承國內質素，好多服務員，會主動幫你計時、放雞、撈飯、教你食物次序等等，感覺非常好，另外有位好精神的叔叔，貌似店長，非常健談。
食物：
我同太太揀左個招牌必點2人餐：
海南文昌雞，配椰子湯底，滾5分鐘就食得，雞味濃，肉滑，平時怕肥唔食雞皮，但呢隻雞嘅雞皮脆口，感覺唔多脂肪，照食不誤😂😍不過食雞之前，試下個湯頭先，非常清香甘甜，一流👍👍👍
貴州紅托竹蓀(竹笙), 冰鎮登場，非常新鮮，入口爽脆，夾雜椰香以之特制醬油，出色👍👍
非遺双拼丸，牛丸正常，但非遺丸非常彈牙，魚味濃郁👍
娃娃菜，正常
3秒響鈴，響鈴用作掛湯，都幾好。
臘味煲仔飯，呢個不得了，首先服務員非常細心，會問要唔要飯焦同芫茜，之後會幫你撈飯同添飯。飯焦香脆，臘腸腦肉肥瘦與份量都適中，令米飯充滿油香，當中仲有芋頭增加口感，無得輸👍👍👍
茶芥，選用「鷓鴣茶」(同音)，雖然我唔識，味道亦唔似平時的紅茶綠茶，但解油膩，唔錯㗎！
總結：
2位約500蚊，可以食到呢個質素的食服同服務，性價比高，唔使次次北上喇😋
張貼
