影片
開飯介紹
標榜椰子水火鍋湯底絕不加水，使海鮮、各式肉類味道更鮮甜。裝潢走懷舊風格，以綠色為主調，設有多個廂座，環境舒適。
繼續閱讀
營業時間
今日營業
11:00 - 21:00
星期一至日
11:00 - 21:00
以上資料只供參考, 請與餐廳確認詳情
有關獎賞計劃
今日同朋友仔食四季椰林海南椰子雞, 之前都覺得椰子雞好食☺️一入去鋪頭新裝修，而且店員好熱情介紹，我地叫左半隻原味海南雞，叫左啲配菜，鮮活水培菜，丸類雙拼、火山肥牛、響玲同午餐肉😊另外仲叫左個臘味煲仔飯🥰個椰子雞由店員幫我地安排計時，叫我地個陣就食得啦，雞係用上海南文昌雞，5分鐘岩岩好好滑，湯底係由4個椰子做成一鍋湯, 不加一滴水,我地即刻一人飲左兩碗湯先，好清好好飲☺️啲雞都好嫩🥰個鮮活水培菜好得意😎自己採既生菜自己食，感覺好新鮮好玩，而且加埋上湯底好鮮甜😊潮汕丸類雙拼係牛丸同魚蛋，牛丸好彈牙😊魚多都好味。火山肥牛肥瘦適中，而且擺盤好靚，兩個心好快食晒😊響玲淥3秒，岩岩好，仲有個午餐肉都係打邊爐必食☺️我哋仲叫咗個臘味煲仔飯，呢個好香，同埋好鍾意食佢嗰啲飯焦脆卜卜好好食，整得啱啱好，入面有臘腸同香菇，中煲可以裝到5碗左右，哩個我覺得必叫😊成個食後感好好👍餐廳新裝修員工好熱情，而且食物質素好高😊下次會再encore
繼續閱讀
終於唔使返大陸食係香港都可以食到，四季椰林海南椰子雞火鍋終於開分店，地點非常方便唔使再北上啦。出哂名不加一滴水四個椰子做一個湯鍋諗起都流口水，座位大部份卡位坐非常舒適，價錢大眾化，店員十分細心建議先飲湯後食雞。海南文昌雞半隻文昌雞走地雞，雪白雞肉，肉質彈牙順滑超嫩，先飲湯後加雞，雞肉烚至剛剛熟即刻食口感一流。椰子湯底湯底係靈魂之作，四個椰子不加一滴水，哇哇哇好鮮甜，不知不覺飲咗幾碗先開始開餐，飲湯都已經飲到飽。潮汕牛筋丸，魚丸雙拼魚丸彈牙，牛筋丸好香中間有肉汁流出來火山肥牛肥瘦適中，唔錯，牛肉味濃，打邊爐必叫鮮活水培菜自家種植培菜（生菜），我都係第一次試又可以玩吓，一邊擇菜一邊淥菜，生菜口感爽脆幾得意。午餐肉看似簡單嘅午餐肉，一落湯就變得非同凡響。炸腐竹腐竹吸湯一流，等於一邊飲湯，一邊食豆皮，豆皮有豆香只刷2秒剛剛好。招牌臘味煲仔飯熱辣辣香噴噴原個煲仔上，店員會灑上蔥花芫荽豉油。趁煲仔熱辣辣嘅時候不斷翻炒，蔥花芫荽即時發揮作用，臘味油香再加上飯焦好惹味，每個人都有三碗份量。今次體驗唔錯，環境舒服食物有水準。
繼續閱讀
馳名國內的海南椰子雞鍋專門店在屯門開了新分店，今晚慕名而來一嚐特色海南雞鍋。餐廳裝修雅緻，卡位寬敞舒適。服務員彬彬有禮的歡迎客人到臨。坐下來，先來一壺海南特產“鷓鴣茶”，味甘而帶清香，有消滯解膩的功能。特色調味料：砂薑、辣椒、甘桔，最宜點雞肉吃。服務員先放下一鍋用4個椰子不加一滴水的純天然椰子水，傳來陣陣椰香，待水滾後才由服務員放下雞塊。倒轉沙漏計時，約5分鐘後便可享用。“原味椰子雞”由自家養殖到屠宰的新鮮海南文昌雞，肉質幼嫩無比，雞味濃郁，加上椰子香味，味道更上一層樓。“中山脆鯇魚片”正宗中山脆鯇，魚肉新鮮爽口，味道鮮甜。“貴州紅托竹蓀”爽滑口感，味道天然，椰香滲透其中，特別滋味。“手打黑虎蝦滑”蝦滑中帶粒粒蝦肉，鮮甜彈牙，有意想不到的美味。“鮮冬菇”、“娃娃菜”新鮮蔬菜，平衡腸胃，自然鮮美，椰香四溢。“金牌非遺臘味煲仔飯”香噴噴的臘味煲仔飯，由服務員送上及拌飯，臘肉、臘腸份量不少，由秘製醬汁煮成的糯米飯，配上臘味，口感、味道都令人一試難忘。原來用椰子雞湯泡飯焦來吃，又是另一番滋味。總括而言，這家餐廳的食物質素高，製作認真，服務殷勤，怪不得開業不久已經其門如市，座無虛席。
繼續閱讀
國內超過60間分店，主打四個椰子做湯底，不加一滴水，以及用海南文昌雞的火鍋店，終於來到屯門啦﹗前兩日，本來想上深圳食火鍋，但有啲攰，唔想遠行，知道屯門市廣場開左間椰子雞，試下先。環境：清優裝潢，地方寬敞，有部份卡座有大玻璃窗，地方清潔，舒服。服務：秉承國內質素，好多服務員，會主動幫你計時、放雞、撈飯、教你食物次序等等，感覺非常好，另外有位好精神的叔叔，貌似店長，非常健談。食物：我同太太揀左個招牌必點2人餐：海南文昌雞，配椰子湯底，滾5分鐘就食得，雞味濃，肉滑，平時怕肥唔食雞皮，但呢隻雞嘅雞皮脆口，感覺唔多脂肪，照食不誤😂😍不過食雞之前，試下個湯頭先，非常清香甘甜，一流👍👍👍貴州紅托竹蓀(竹笙), 冰鎮登場，非常新鮮，入口爽脆，夾雜椰香以之特制醬油，出色👍👍非遺双拼丸，牛丸正常，但非遺丸非常彈牙，魚味濃郁👍娃娃菜，正常3秒響鈴，響鈴用作掛湯，都幾好。臘味煲仔飯，呢個不得了，首先服務員非常細心，會問要唔要飯焦同芫茜，之後會幫你撈飯同添飯。飯焦香脆，臘腸腦肉肥瘦與份量都適中，令米飯充滿油香，當中仲有芋頭增加口感，無得輸👍👍👍茶芥，選用「鷓鴣茶」(同音)，雖然我唔識，味道亦唔似平時的紅茶綠茶，但解油膩，唔錯㗎！總結：2位約500蚊，可以食到呢個質素的食服同服務，性價比高，唔使次次北上喇😋
繼續閱讀
四季椰林海南椰子雞響內地非常出名北上就未食過佢不過就知開得嚟香港都唔惹少難得老公放假所以要食好dd😆屯門開咗分店即刻要拉埋佢去試咁啱嗰日是平日冇乜人包場咁滯👍🏻見到Lunch set 有$99 同 $288咁就入咗去揀左 $288個set lunch店內裝潢以淺木色與椰林綠為主搭配藤編燈飾和綠植點綴營造出南洋度假風情濃郁椰香與清甜的雞湯香氣樸鼻座位寬敞舒適服務與體驗細緻周到「中午臻享雙人餐」$288💚海南文昌雞（半隻）💚原味椰子湯底💚午餐肉（大份）💚甜玉米💚娃娃菜💚四季特色燜飯🥥椰青水湯底 × 🐓文昌雞, 鮮甜絕配👍🏻👍🏻👍🏻😋不加一滴水4個椰子一鍋湯😋湯頭係整鍋嘅精華所在初嘗清清甜甜隨著雞肉嘅油脂融入湯汁越煮越濃郁越食越好味😋海南文昌雞肉質嫩滑、皮薄脂肪少下鍋煮約5分鐘即可食用雞肉吸飽了椰汁的甜味、入口鮮嫩多汁搭配特製嘅沙薑青檸蘸醬、微酸帶辣、更能提鮮👍🏻店內無加一收費但有收醬料費2人$32埋單$320🤝
繼續閱讀