胡爐 (已結業)

銅鑼灣胡爐食火鍋，有好幾款創新既湯底。價錢大眾化！店員服務有禮，環境柔和。和風蕃茄沙律，清新開胃，微微酸香既醋汁提鮮，我就簡左胡椒豬肚花膠雞湯！湯頭好香胡椒味，飲起黎好暖身暖胃，豬肚帶綿密，花膠夠厚身！雞肉幾夠嫩帶清滑，幾重雞味胡爐牛拼盤，包有幾款靚牛！ 手切牛頸瘠夠牛香，質夠緊緻帶軟嫩！牛胸爽帶有濃濃油脂香味，質感夠爽口，牛舌芯薄切唔會太 un, 爽脆口感幾正。霜降牛粒最為濃香！滿滿牛肉汁，呢份拼盤唔錯，樣樣有齊幾岩食。丸類夠多花款，而且用料夠豐富，餃類更加出色，皮幾薄，餡夠多，特別係 黑松露蟹肉餃，黑松露幾夠 creamy, 菇香十足！ 韮菜餃夠好飽滿。手工餃子好出色，必叫之選！