影片
更多
2024-03-08
21 瀏覽
九龍城一向以美食聞名，今晚我哋去咗打邊爐，呢家餐廳獨特地結合左港式火鍋同日式料理🥳🥳三文魚刺身💯先黎一客三文魚刺身熱下身先，刺身厚實肥美，一份有八大片，一啲都唔吝嗇。鮮豔嘅顏色同光澤展現佢新鮮甜美嘅特點。椒鹽海蝦🫶海蝦非常大隻，咬落去肉質爽口，連外殼都鬆脆，蝦頭內仲有豐富嘅蝦膏。搭配埋避風塘蒜粒一齊食，味道更加誘人。菜膽鮮魚濃湯鍋🍲餐牌上有多達14種湯底供應，我嘅選擇困難症又黎，店員就建議我地試下菜膽鮮魚濃湯鍋，因為係每日限量供應，我地今日真係有幸飲到呢個湯。個湯一上枱就散發出濃郁嘅魚香味，湯色雪白，內有魚腐同豆腐，仲有鶴斗白菜。飲一啖充滿濃郁嘅鮮味，絕對係用上真材實料熬煮而成，令人飲完一碗又一碗，欲罷不能。對於平時缺少湯水嘅我黎講，真係要飲多幾碗。手打芝心鮮蝦丸拼手打黑白墨魚丸🉐墨魚丸彈牙十足，咬一啖竟然可以做出拉絲芝士，令人驚喜。蝦丸全用新鮮蝦肉製成，熱騰騰時芝士溢出，咬落時更係芝士盈溢。田園菜籃🥦🥒🥬🌽所有蔬菜都非常新鮮甜美，顏色翠綠，店員同我地講呢啲都係有機蔬菜，老闆自家農場出產，所以品質非常之有保證。鮮蝦水餃皇🥟🥟水餃皇既份量真係好大，大到好似湯匙咁大，內餡非常豐富，豬肉同雲
三文魚刺身💯
先黎一客三文魚刺身熱下身先，刺身厚實肥美，一份有八大片，一啲都唔吝嗇。鮮豔嘅顏色同光澤展現佢新鮮甜美嘅特點。
椒鹽海蝦🫶
海蝦非常大隻，咬落去肉質爽口，連外殼都鬆脆，蝦頭內仲有豐富嘅蝦膏。搭配埋避風塘蒜粒一齊食，味道更加誘人。
菜膽鮮魚濃湯鍋🍲
餐牌上有多達14種湯底供應，我嘅選擇困難症又黎，店員就建議我地試下菜膽鮮魚濃湯鍋，因為係每日限量供應，我地今日真係有幸飲到呢個湯。個湯一上枱就散發出濃郁嘅魚香味，湯色雪白，內有魚腐同豆腐，仲有鶴斗白菜。飲一啖充滿濃郁嘅鮮味，絕對係用上真材實料熬煮而成，令人飲完一碗又一碗，欲罷不能。對於平時缺少湯水嘅我黎講，真係要飲多幾碗。
手打芝心鮮蝦丸拼手打黑白墨魚丸🉐
墨魚丸彈牙十足，咬一啖竟然可以做出拉絲芝士，令人驚喜。蝦丸全用新鮮蝦肉製成，熱騰騰時芝士溢出，咬落時更係芝士盈溢。
田園菜籃🥦🥒🥬🌽
所有蔬菜都非常新鮮甜美，顏色翠綠，店員同我地講呢啲都係有機蔬菜，老闆自家農場出產，所以品質非常之有保證。
鮮蝦水餃皇🥟🥟
水餃皇既份量真係好大，大到好似湯匙咁大，內餡非常豐富，豬肉同雲耳嘅口感都好爽，而原隻鮮蝦亦都好鮮甜。
有機洛神花茶✨✨
花茶都係餐廳自家製作，除了洛神花仲加入山楂，飲起來酸酸甜甜咁好好味，開胃消滯，相比一般火鍋店嘅酸梅湯更具特色同健康。
店員嘅服務非常周到，時不時都幫我地換碟同加湯水，佢仲同我地講樓上有獨立房間，好適合三五知己聚會、商務會議、派對同家庭慶典等場合用餐。呢啲房間可容納不同人數，由2人到12人不等，甚至可以打通兩個房間使用。店員表示，租用房間可以擁有自己嘅私人空間，即使攜帶寵物都無任歡迎（pet friendly）。此外，響香港呢個土地寸金尺土嘅地方，老闆為左可以俾大人安心用餐嘅同時，特地闢出一個定時消毒嘅兒童遊樂區，等小朋友可以開心玩樂，大人就可以輕鬆享受美食，老闆有呢個心意真係難得。此外，呢間餐廳嘅食材用料上乘，絕對值得推薦👅👅👅👅👅
張貼
