胡爐

營業中

休息中

冬天打邊爐最鍾意揀個夠滋潤又清甜嘅湯底🥳胡爐嘅湯底好正。打邊爐之前忍唔住嘆番幾碗湯先。🔶湯底：招牌鮮椰青雞湯服務生會喺你面前炒雞，然後點火🥳🔥，視覺效果好正啊！再炒下，之後成個鮮椰青水倒落去，再倒入鮮雞湯。滾咗之後，個湯濃郁鮮香又充滿椰青清香，好好飲，飲咗三大碗🤩雞嫩肉滑。飲完湯已經好滿足🤩然後開始打邊爐啦。🔶胡爐牛拼盆鍾意食牛的話💗呢個拼盤真係啱晒！一次過可以品嚐牛嘅五款部位，而且肉嘅質素高。裏面包括有：牛舌心丶安格斯手切肥牛丶極上手切牛頸脊丶牛胸爽丶霜降牛粒。特別鍾意牛胸爽🤤爽脆十足，滿有脂香。牛頸脊牛味濃郁，so good!🔶丸拼盤丶餃拼盤依度嘅手打丸同手工餃子都好正。口味選擇又多。其中最鍾意手打香茜炸菜牛丸，牛丸入口滑彈，味道好似平時食點心嘅鮮牛肉球。而鮮味十足嘅黑松露蟹肉餃同埋內餡有特大蝦肉嘅手工雲吞，都好好味。🔶蔬菜類點咗蔬菜拼盤，同埋涼拌日本和風蕃茄沙律，推薦蕃茄沙律👉🏻 十分清爽，解膩一流。