醉胡爐 (已搬遷) 新店位置

呢間都會間中同朋友嚟食，因為好鍾意佢個湯底，先叫黑白啤酒同朋友啤啤佢鍋底係我平時食開嘅胡椒豬肚花膠雞鍋，一望啲湯色就知好足料，胡椒微微香辣仲有嫩諗豬肚，酸菜及支竹喺鍋入而雞件本身都熟，放湯加熱就食得，食落都好嫩滑，有黃油香味，而花膠都好厚切，成個湯底好滋補養顏安格斯肥牛油花適中，紋理都好靚，烚一陣剛好轉色就食得，咁先夠嫩滑腍身，牛脂香都不錯另外五寶餃及五寶丸看似平平無奇，但好有自家製味道，雲吞、魚皮餃、韭菜餃都好好味，另一款黑松露餃更係我最愛而五寶丸滑隻隻都好新鮮，入口爽口彈牙，墨魚滑及牛肉滑鮮香與肉香，兩款我都鍾意叫一個菜籃就啱哂，每款菜都有一啲