海鍋手工涮涮鍋 (已結業)

聽朋友講，食過海鍋就唔會再食其他火鍋既誇張評價，星期六晚就 walk in去左試下係咪真係咁好食~我地揀左 $278 既 set，無加 $50 無限追加配料，因為覺得佢本身包既份量應該已經好夠飽~佢仲有 2 小時任飲，菊花涼茶，汽水啤酒全部都有，非常好湯底平時我會揀四川麻辣湯，但我見隔離枱既麻辣湯好似好紅，偏油，就轉向揀左多人讚既花膠濃湯，估唔到真係幾好味！佢湯入面已經有幾多花膠，要煮一陣先淋，食得出唔係平價花膠。個湯都好飲，唔係味精味，我地一開始就各飲左一碗湯先。另外湯底已經有粟米，所以配料唔洗再揀粟米。主菜主菜海鮮全部都好滿意~桶蠔有隻手咁大，蝦仲會郁郁下好新鮮，沙白，鮑魚都正！另外肥牛都好食，唔太肥~配料方面，佢會跟人數安排份量，絕對夠食，非常夠飽。星期六晚都無限時，唔會趕你走，可以慢慢傾住計慢慢食，朋友果然無介紹錯，下次一定會再尼食！