影片
更多
2025-04-13
172 瀏覽
同大少係海港城排隊買完chiikawa之後，都攰到冇朋友，所以就去左下一層嘅安娣瑪萊食返個豐富馬來西亞晚餐抖返一下。餐廳佈置都好舒適，而我地被安排坐窗口位置，係日落時份望住個維港VIEW真係勁正呀！一坐底就先為我地送上蝦味濃郁又脆卜卜嘅蝦片同埋香濃嘅荔枝茶，絕對係開胃之選。一場嚟到緊係要叫返兩杯靚靚又清新解渴嘅打卡特飲，分別係荔枝玫瑰梳打同埋荔枝青檸梳打。先嚟香茅椰糖烤雞全翼，兩大隻雞翼都烤得金黃色，咬落去皮脆肉嫩，而面層仲帶點點香茅椰糖嘅香味，所以食落甜甜地，味道唔錯。之後就嚟一客瑪萊沙嗲豬肉，依個串燒豬肉燒得剛剛好，香濃沙嗲味道同個豬嘅味道好夾，所以唔洗點附設嘅醬汁都已經好夠味。當然唔少得招牌瑪萊肉骨茶，依個完全係驚喜之作，恰到好處嘅濃郁藥材湯底，加上排骨、冬菇、豆卜、腐皮….夠晒足料，而且各樣食材都索晒啲湯汁，所以一啖咬落去超夠味，最好就係用個熱爐係保持住個保溫，所以飲啖湯時即刻驅寒又暖胃。單睇招牌火山骨嘅賣相都已經非常吸睛，入口都一樣唔野少，三大舊排骨煮得好入味，而且肉質嫩滑鬆化，配埋個酸酸辣辣嘅湯底，真係越食越開胃。而另一重點就係個組/白蘿蔔，索晒個湯底所以係勁入味，完全係我
餐廳佈置都好舒適，而我地被安排坐窗口位置，係日落時份望住個維港VIEW真係勁正呀！
一坐底就先為我地送上蝦味濃郁又脆卜卜嘅蝦片同埋香濃嘅荔枝茶，絕對係開胃之選。
一場嚟到緊係要叫返兩杯靚靚又清新解渴嘅打卡特飲，分別係荔枝玫瑰梳打同埋荔枝青檸梳打。
先嚟香茅椰糖烤雞全翼，兩大隻雞翼都烤得金黃色，咬落去皮脆肉嫩，而面層仲帶點點香茅椰糖嘅香味，所以食落甜甜地，味道唔錯。
之後就嚟一客瑪萊沙嗲豬肉，依個串燒豬肉燒得剛剛好，香濃沙嗲味道同個豬嘅味道好夾，所以唔洗點附設嘅醬汁都已經好夠味。
當然唔少得招牌瑪萊肉骨茶，依個完全係驚喜之作，恰到好處嘅濃郁藥材湯底，加上排骨、冬菇、豆卜、腐皮….夠晒足料，而且各樣食材都索晒啲湯汁，所以一啖咬落去超夠味，最好就係用個熱爐係保持住個保溫，所以飲啖湯時即刻驅寒又暖胃。
單睇招牌火山骨嘅賣相都已經非常吸睛，入口都一樣唔野少，三大舊排骨煮得好入味，而且肉質嫩滑鬆化，配埋個酸酸辣辣嘅湯底，真係越食越開胃。而另一重點就係個組/白蘿蔔，索晒個湯底所以係勁入味，完全係我杯茶呀。
森巴蝦仁通菜個醬汁都係十分惹味，辣辣地又唔會太刺激味覺，通菜炒得爽脆得嚟又夠鑊氣，加埋惹味嘅蝦仁，完全係越食越開胃。
少爺海南雞嘅雞肉浸得好嫰滑，滑不溜口之餘仲好夠雞香，而個油飯香口但又唔會過油膩，仲附送埋碗湯，真係勁足料。
雖然主菜都已經食到好飽，但又點可以少得甜品呢？作為斑蘭控嘅我就一定要嚟一份斑蘭咖央多士，多士烘得夠晒脆已經非常有口感，而且牛油同斑蘭醬咖央嘅比例啱啱好，斑蘭味非常香，趁熱食真係好好味呀。
最後就嚟個香甜爽口鮮椰青糕同埋口感層次豐富而又充滿椰香味椰汁西米糕嘅泰式糕點雙拼為我地豐富晚餐作終結。
張貼
