安娣瑪萊

多年前，此店名曰<少爺>！最有印象是荔枝紅茶和海南雞。現在少爺變做Antie了！來都來了～所以改選擇其他美食。就坐後，職員即上紅茶及炸蝦片小食。  朋友點選小食，湯，雞，肉，菜，多士＆飲品，唔洗諗唔洗煩，解決選擇困難症。下單後，一邊嘆荔枝紅茶，一邊等美食來到。瑪萊沙嗲串燒 馬拉的沙嗲串燒很有名，這個橙紅色沙嗲醬，以鹹辣為主調，帶微酸，花生醬不明顯。而豬肉有香茅咖哩等底味，單食也ok！伴碟的青瓜也不浪費，可沾醬享用。香茅椰糖烤雞全翼 雞翼表面有絲絲香茅，淡淡的香茅味跟椰糖一起，沒有蓋過雞翼原味。星洲胡椒肉骨茶 淺黃色bak Ku Teh帶微微的中藥味，跟KL濃厚藥材味啡色湯底有明顯分別。胡椒味不濃烈。豆卜腐竹蘿蔔墊底，排骨超過五條，肉質不硬容易咬。因肉骨茶不太鹹，排骨沾黑醬油，鹹味剛剛好。森巴蝦仁通菜 sambar魷魚甕菜，是彼方美食。 現在改用蝦仁也ok。淺色森巴醬辣椒味較濃，蝦味不明顯。有了森巴的鹹香辣，通菜無需額外加調味。少爺海南雞飯 ＜例牌＞ 雞湯雞肉雞飯三色醬。 雞湯清甜，蘿蔔粒軟綿綿，吸盡雞湯精華。 啞光雞胸肉仍是滑滑，這個海南雞合格了！ 雞件淋上香葱豉油，帶來特別的香氣，雞肉沾上三色醬，酸辣甘香。雞飯又是另一亮點！一般的雞飯是油膩，這碗雞飯是乾爽的，還透著淡淡的香料味～班蘭？雞油香？雞湯精華？有乾爽的雞飯，才可襯托出海南雞的滋味。招牌火山排骨 排骨配泰國青BB酸酸辣辣的海鮮醬，很醒胃。一邊加熱一邊淋上青色湯底，三段大排骨，不是Baby Rib，以刀叉分件時，要比手力。班蘭咖椰多士 馬拉美食kaya多～青綠色班蘭kaya醬，夾著牛油片。多士 = 一塊白色方包橫向薄切，刀功真犀利！三件長條形多士，剛好是嘴巴的濶度。享用之時要大啖咬，以免班蘭醬滴下來。幸好職員早已提供濕紙巾。飲品 TraChaMue泰茶類特飲可以少冰，但不能少甜。因為糖，已跟手標茶底混在一起了！手標正宗泰式奶茶 泰國常見的紅卜卜茶底，表面雖有一層奶泡，泰茶底依然是勁甜。香水檸檬泰式冰茶 表面那層泡泡，是爆打檸檬的証明。檸茶底跟泰式紅茶底同樣的甜，同樣的茶香。可是這泰檸茶混著厚皮香水檸檬，彼方不會有的！離去之時，才發現有二人套餐。…查看更多

今次我地去左海港城呢邊行街，呢度既泊車優惠勁易就有，消費$100就有1個鐘，係度行完食埋飯都仲得，我地就揀左一間馬來西亞餐廳食飯🇲🇾香茅椰糖烤雞全翼（2隻）（$20）呢隻燒雞翼佢燒得好香，有BBQ feel，椰糖我覺得都係同蜜糖咁上下味🐥瑪萊沙嗲（3串）（$58）沙嗲串我地揀左要豬，個串燒幾入味，有個辣醬跟，點埋更好食🍡椰香大蝦冬蔭功（$138）個冬陰功湯幾有睇頭，裡面既大蝦真係好大隻，佢係中間切開左，令到隻蝦既鮮味都入到個湯，同時隻蝦又入曬湯味，個湯就偏酸多過辣🦐🫕少爺海南雞飯（例牌）配 清雞湯（$98）個海南雞個樣雖然好似淡左d，個皮唔係黃色，但食落其實雞肉嫩滑，三色醬齊曬，碗湯係椰子湯，好清甜😋椰香青咖喱配豬頸肉（$118）咖哩配豬頸肉呢個配搭幾特別，燒豬頸肉同咖哩汁都幾夾，最好就叫多碗飯就成件事perfect😆森巴蝦仁通菜（$68）個通菜落左d辣醬炒，加埋三隻蝦仁都唔錯🥬班蘭咖椰多士（$48）馬來西亞餐廳必叫既野食，佢呢個多士仲要係多醬既薄多士，鐘意食醬既我係大滿足🥪手標牌正宗泰式奶茶（$35）呢度既泰式奶茶比較多奶，椰香味十足🧋羅漢果龍眼冰（$35）龍眼冰夠曬清甜，仲有幾多既龍眼肉有得食👍🏻呢間餐廳環境都唔錯，裡面仲有海景位，我地坐外面都幾靚，野食佢唔止係馬來西亞菜，仲有泰菜，我地叫叫埋埋都幾款泰式野，質素都幾好😄…查看更多

Auntie MALAY一向都鍾意食星馬菜， 朋友話喺海港城開咗間星馬菜，一路都未食過，難得今日得閒，一於去試下先瑪萊沙嗲雞肉串 $58香茅椰糖烤雞全翼 $20首先前菜叫咗兩款，分別係沙嗲雞肉串同埋香茅椰同烤雞全翼。沙嗲雞肉全一共有3串，雞肉帶有淡淡嘅沙嗲香，配上側邊嘅濃厚醬汁更美味香茅椰糖烤雞全翼就有兩隻， 香茅加椰糖嘅配搭令到雞翼味道隱約帶有椰糖香，難怪係餐廳嘅特色菜式之一椰香大蝦冬陰功 $138食星馬菜一定要叫冬陰功，冬陰功湯用酒精爐上枱保溫，入面有兩隻劏開一半嘅大蝦，仲加入咗唔少泰式香料，味道帶有冬陰功獨特嘅酸辣， 加入大蝦更添鮮味少爺海南雞飯 $98叫咗份例牌嘅少爺海南雞飯， 配搭清雞湯同埋油飯，海南雞切件上枱，方便食用。側邊有3款常見嘅海南雞飯醬汁，海南雞件嫩滑，肥瘦適中，配搭粒粒分明嘅油飯及清香嘅雞湯，係一道質素好在線既主菜香草青檸汁蒸原隻釀魷魚 $188另一款就叫咗香草青檸汁蒸原隻釀魷魚，需時20分鐘，原條 釀魷魚其實係將肉餅放喺魷魚筒入面，切件蒸熟，底下就有香草青檸汁，魷魚整得啱啱好肉餅軟淋易咬，配搭青檸汁更帶出魷魚嘅鮮味上湯蝦米肉末浸娃娃菜 $58叫咗一款上湯蝦米肉末浸娃娃菜，娃娃菜切件浸喺上湯入面，口感爽脆，加上蝦米肉末，味道清爽既同時亦不失鮮味斑蘭咖椰多士 $48最後甜品叫咗班蘭咖椰多士， 呢款係餐廳嘅招牌菜之一， 多是一共有三件，多士中間加入滿滿嘅班蘭咖椰醬，仲夾雜咗一片牛油，外脆內軟，真係好邪惡手標正宗泰式奶茶 $35桂圓紅棗蜜 $35最後亦都叫咗兩款特色飲品，分別係正宗泰式奶茶同埋桂圓紅棗蜜，泰式奶茶味道香濃， 甜度適中；桂圓紅棗蜜味道清甜…查看更多

估唔到喺Harbour City 一間有維港靚景嘅星馬餐廳，一人晚市套餐都只係 $118 加一 （ +$16/茶位）🔖 *茶位$16 及 加一服務費 *🦐 《 脆蝦片 💲12 》 一籃，脆口開胃～🐔《 香茅椰糖烤難全翼 （2隻） 💲20 》燒至雞皮微脆，肉仍然滑嫩～ 🍢《 瑪萊沙嗲(3串) 💲58 》牛/豬/雞，揀咗雞肉～本身已經調咗味，再加上有花生香、帶甜嘅沙嗲醬汁更惹味～🍲《 星洲胡椒肉骨茶 💲158 》湯中有肉排，吸湯嘅豆腐卜同蘿蔔。入口先有胡椒味，然後就有濃濃嘅蒜香味，好暖身～🍛《 少爺海南雞飯（例牌）💲98 》已去骨雞髀肉好滑，蘸黑醬油好食；個湯好有菜嘅甜味，幾好飲，而個飯太乾，配湯食岩晒～🥘《 椰香青咖喱配豬頸肉 💲118 》 份量幾大，豬頸肉爽嫩，加埋青咖喱惹味～🥬《 森巴蝦仁通菜 💲68 》 微辣開胃。🍞《 班蘭咖椰多士 💲48 》好多咖椰醬，班蘭味幾出，甜甜哋但唔會好膩～🥤《 香水檸檬泰冰茶 💲38 》🥤《 鮮凰梨振式冰茶 💲38 》 兩款口味都好fresh，可以減膩～ 都幾多人，記住book枱📞…查看更多

係香港，星馬菜唔係太多選擇，而想同親朋戚友約會或慶生，呢間位於海港城嘅星馬餐廳係唔錯既選擇。一路食飯，一路嘆住維港景，打下卡，心情豁然開朗，而食物質素都好高！🤩餐廳裝修好有馬來西亞及星加坡風情，粉色做主調，牆上好大幅娘惹畫，感覺好精緻，座位亦非常舒適。 😘1）少爺海南雞飯(例牌）配清雞湯 - 店內招牌菜，雞肉皮香肉嫩，脂肪分配均勻，白白滑滑，配上雞油飯及冬瓜椰子湯，非常美味！👍🏻👍🏻2）星洲胡椒肉骨茶 - 味道正宗，好重胡椒味，辣辣地好驅寒。排骨骨肉分離，配上豆卜蘿蔔枝竹等，好足料。呢道菜好有記憶點！🥳3）瑪萊豬肉沙嗲 （3串）- 二人食剛剛好，串燒好juicy，烤得好惹味4）香茅椰糖烤雞全翼（2隻）- 烤得好有焦香感， 甜甜地，肉質嫩滑5）椰香青咖喱配豬頸肉 - 豬頸肉好多件，煮得軟淋，配上濃濃嘅青咖哩，餸飯一流6）上湯蝦米肉末浸娃娃菜 - 好清新嘅一道菜，娃娃菜好鮮嫩，配上蝦米同豬肉碎，食得好舒服7）桂圓紅棗蜜（熱）及青檸梳打 - 桂圓紅棗蜜好暖胃，好滋補。 而青檸梳打好refresh， 仲好解油膩8）泰式糕點雙拼(4件) - 椰汁糕及西米糕， 食落好清爽，好有咬口，完美地完成今晚咁豐富嘅晚餐！…查看更多

見到海港城有新開嘅星馬菜就決定嚟試一試一入座侍應會放低一壺茶同埋一份蝦片 (埋單嘅時候就發現呢啲全部都係收費嘅😅) 蝦片有啲放冧咗🙈不過杯茶係幾好飲 同埋因為為佢放低一整壺所以唔需要成日叫佢過嚟加水加茶我哋叫咗一份豬頸肉 黃咖喱豬肉 雞油飯 印度薄餅 咖央多士豬頸肉偏肥 味道正常 黃咖喱豬肉 入邊仲有洋蔥同埋薯仔 份量都唔少 而咖哩入邊都有埋椰汁 的確係非常好撈飯同埋配薄餅食 講到成餐飯最好食嘅應該係個咖央多士 佢個咖央醬絕對唔手軟 每啖都食到咁濟！再配埋個牛油 認真不錯 …查看更多

早於海南少爺的時候已常光顧此餐廳，今日與友人於此餐廳食飯，席間有員工不慎將火山排骨傾倒🫗並弄碎茶壺🫖玻璃，在此希望侍應哥哥無事及不會留下陰影。 最想在此讚揚女經理之處理手法，她把我們在桌上的食物全部更換，認為玻璃透明，有機會會滲入食物當中。 我與友人也覺得只是十分少事，更換座位即可，但餐廳的處理實在十分出色，我於香港三十餘年，也從未試過被如此對待。 餐廳的服務實在是服務業的典範，亦會向朋友推薦。希望餐廳事業蒸蒸日上，在此再次感謝女經理及其他職員的親切服務態度！…查看更多

颱風來臨前夕，不愛帶傘又怕淋濕鞋仔的yo，選擇在商場解決一日三餐。當晚，在Auntie MALAY裡一邊欣賞窗外雨夜海景，一邊品嚐星馬美食\(^ヮ^)/二人晚市套餐 $518/ 2位［椰香大蝦冬蔭功］椰香濃郁的冬蔭功湯 盛於古樸瓦煲 經明火慢燉 熱氣氤氳 冬蔭功湯酸辣交織的滋味 啖啖暖胃 與窗外綿綿陰雨的濕涼形成鮮明對比 令人倍感溫暖與幸福🥰［少爺海南雞飯（例牌）配清雞湯］招牌少爺海南雞 例牌份量恰到好處 油香四溢的雞髀肉滑嫩多汁 搭配新鮮而帶嚼勁的雞胸肉 各半均衡 令人滿足！佐以經典三款醬料 酸辣鹹香層次分明 與晶瑩香潤的油飯相得益彰 堪稱下飯絕配 無愧招牌之名👍🏻 隨餐附贈一碗鮮甜清雞湯 湯頭清澈溫潤 暖胃又暖心♡［椰香青咖喱配豬頸肉］青咖喱濃香撲鼻 絲滑椰汁 巧妙中和青咖喱的辛辣 帶來溫和微辣的豐富滋味 搭配外焦內嫩的豬頸肉 口感層次鮮明 特色盡顯~ ［香茅椰糖烤雞全翼2隻］烤雞全翼椰糖焦甜 帶香茅清新風味［瑪萊沙嗲雞肉3串］雞肉串香嫩 沙嗲微辣 更惹味［上湯蝦米肉末浸娃娃菜］娃娃菜軟腍 吸滿蝦米肉末的鮮美上湯 好味又健康［班蘭咖椰多士］超好食！烤香薄脆的多士 夾住半融的牛油與細滑的班蘭咖椰醬 班蘭香油用得濃烈 襯得斑斕咖椰的鮮綠色澤與濃郁香味格外突出~ 手標牌正宗泰式奶茶 $35凍鮮鳳梨泰式冰茶 $38茶位 $8/位脆蝦片 $12…查看更多

海南雞飯性價比超高，仲要比雞髀位，所以肉質特別嫩滑🍗，點埋濃郁嘅黑醬油同薑肉撈埋有飯食，味道就係正常海南雞，但係價錢超抵食(♡ˊ͈ ꒳ ˋ͈)!!招牌咖央多士都推介，多士一開二焗到超香脆🍞，中間夾咗滿滿椰香kaya醬同牛油🧈，點會唔好食？😆仲有好多特色或者新派馬來菜🇲🇾，去開海港城可以去試吓。🧾𝙞𝙩𝙚𝙢𝙨 𝙤𝙧𝙙𝙚𝙧𝙚𝙙:•少爺海南雞飯 $98•星洲胡椒肉骨茶 $158•酸辣青檸汁蒸原隻釀魷魚 $188•瑪萊沙嗲 $58•香茅椰糖烤雞全翼 $20•班蘭咖椰多士 $48•香水檸檬冰茶 / 鮮鳯梨泰式冰茶 $38📍安娣瑪萊 尖沙咀廣東道3-27號海港城海運大廈地下G16號舖…查看更多

要揾一間有海景高質素泰國菜餐廳，位於尖沙咀海港城嘅「Auntie Malay 安娣瑪萊✨」絕對係我既首推，同時可以享受美景及美食，餐廳環境一流，面對美麗海影，令人心情舒暢。餐廳招牌泰國美食，海南雞、火山骨、泰式串燒🍢，款款好味有質素。我哋點選左二人餐，超級豐富抵食，$388已經包括湯、主菜、飲品🥤等等，性價比高。🍲 肉骨茶佢哋嘅肉骨茶帶有新加坡風味，比較有胡椒湯味，豬肋條肥瘦均勻，肉嫩好味，豆腐卜吸晒湯汁，非常好味。🔥 馬來沙嗲雞串雞肉香氣撲鼻，配上自製醬汁，非常好味，味道層次分明，肉質嫩滑得嚟又夠彈牙。🍗 香茅椰糖烤雞翼雞翼外皮烤到金黃酥脆，椰糖香氣滲入雞翼，入口香甜又充滿肉汁，啖啖都係熱情南洋風味。🍚 海南雞飯雞肉嫩滑，飯粒香而不黏，加埋秘製醬汁，酸甜鹹完美平衡，香氣逼人，絕對係必點之選！🌋 火山排骨三大塊Ribs堆砌一座小火山，肉質鬆化入味，食落啖啖滿足，湯汁酸甜好味，啱晒我口味。🍤 森巴蝦仁通菜蝦仁爽彈、通菜清脆，炒得火喉啱啱好，簡單一味但味道唔簡單，清新又開胃。🍞 斑斕咖央多士甜品斑斕咖央多士外層烘到微焦酥脆，內裡鬆軟香甜，斑斕醬香氣獨特，甜而不膩。Auntie Malay 真係一個唔可以錯過嘅餐廳，無論係環境定美食，都令人好滿足！😋👍…查看更多

這間位於尖沙咀的【Auntie Malay 安娣瑪萊】，主打馬來西亞菜，有多款地道小食及主食，有質素保證。瑪萊沙嗲雞雞肉串烤至焦香惹味。香茅椰糖烤雞全翼雞翼表皮香脆，肉質保持嫩滑多汁，而且帶甜香。瑪萊肉骨茶肉骨茶是胡椒版，入口帶辣香，有支竹、豆卜、大大件的排骨，份量十足。少爺海南雞飯海南雞皮薄且爽口，雞肉嫩滑不油膩，油飯香口惹味。香草青檸汁蒸原隻釀魷魚蒜蓉青檸汁十分開胃，魷魚新鮮腍滑，中間釀入豬肉，甚有特色。森巴蝦仁通菜通菜翠綠爽脆，加上森巴醬微辣，更添風味。斑蘭咖椰多士香脆多士中間夾著椰香味十足的咖椰，滋味無窮。最後飲返杯泰式奶茶&香水檸檬茶，茶膽香濃好味。…查看更多

我係Facebook 見到有人推薦，所以去試吓，一坐低就有人拎茶及蝦片放喺枱冇講要收錢，我哋就叫咗兩個海南雞套餐，套餐本身有包飲品，所以要冇飲茶，嘢食就好鹹又冇雞味，食完比錢先至發現茶及蝦片係要收錢😡…查看更多

安娣瑪萊．尖沙咀高質馬來菜講起馬來西亞菜，好多人都會諗起肉骨茶同海南雞飯，今次喺海港城Auntie MALAY食到正宗東南亞風味！可以係朋友聚會，亦可以係同HONEY一齊食有海景有美食，唔錯！首先，一坐低就送上嚟嘅炸蝦片，咬落「咔嚓」聲超清脆，蝦味濃得嚟又唔油膩，一路食住等餸飲品方面，試咗兩款泰茶：香水檸檬泰式冰茶同鮮鳳梨泰式冰茶。兩杯都茶底香濃，冰涼透心。香水檸檬夠清爽，檸香超正個人更鍾意鳳梨味，果肉多，香甜好飲同茶底好夾，飲完成個人爽晒！前菜環節已經要鼓掌👏🏻！香茅椰糖烤雞全翼燒到金黃色，外皮香脆，一咬開肉汁爆出嚟，香茅同椰糖嘅甜香滲透晒入肉，好邪惡至於瑪萊沙嗲（豬肉），炭燒香氣十足，豬肉串醃得入味，鬆化唔韌，點埋個濃稠醬，味道又再升華！主菜方面，星洲胡椒肉骨茶一上枱已經聞到濃烈胡椒香，飲一啖湯，辣得嚟好暖胃，排骨煮到軟腍脫骨，仲有大量豆卜，超索湯！正！少爺海南雞飯（例牌）嘅雞肉滑溜到不得了，雞皮爽彈，油飯香而不膩。跟餐嘅清雞湯真係要特別提——超級甜！飲得出冇落味精，係真材實料熬出嚟，飲完成個胃好舒服。香草青檸汁蒸原隻釀魷魚賣相已經滿分！原隻魷魚釀滿蝦肉同香草，蒸得剛熟，口感彈牙，青檸汁清新帶微酸微辣，好開胃。最後嘅森巴蝦仁通菜鑊氣足，蝦仁大隻又爽口，森巴醬辣辣哋好惹味，成碟清晒！壓軸嘅班蘭咖椰多士為呢餐畫上完美句號。多士烘到脆卜卜，夾住冰凍牛油同香甜咖椰醬，班蘭味清香自然，好好食總括來講，Auntie MALAY無論食物質素、份量同價錢都極有誠意食喜來都好驚喜！小食：炸蝦片飲品：香水檸檬泰式冰茶鮮鳳梨泰式冰茶前菜：1.香茅椰糖烤雞全翼2.瑪萊沙嗲(豬肉3串)主菜：1.星洲胡椒肉骨茶2.少爺海南雞飯(例牌)配清雞湯3.香草青檸汁蒸原隻釀魷魚4.森巴蝦仁通菜甜品：班蘭咖椰多士餐廳：Auntie MALAY 安娣瑪萊地址：尖沙咀海港城海運大廈地下G16號舖…查看更多

之前在海港城與 My Melody 打完卡約了朋友食飯又未夠鐘 ...見到 Auntie Malay 的下午茶餐只係 HK$28 咁抵食梗係入去嘆個下午茶 hea 住等啦 ~~。班蘭咖椰多士 + 瑪萊秘製奶茶 (HK$28)薄脆多士夾著幼滑咖椰醬和鮮牛油，香甜好食大熱天揀了杯凍的泰式奶茶，不須要額外加錢又幾好喎奶茶用泰國手標牌茶葉沖製的，上面仲有層奶泡入口順滑，有茶味又有奶香 ~~下午茶餐都幾多選擇最平的 HK$28 得一款 ... 班蘭咖椰多士 + 瑪萊秘製奶茶 其他就要 HK$58 以上 ...** 以上分享是以我的口味、體質和情況作出分享及感受，一試 / 合用與否請自行決定…查看更多

今日放工去左海港城食飯搵左間有海景又吾貴既餐廳香茅椰糖烤雞全翼雞翼外皮好脆，香噴噴沙嗲雞肉串沙嗲味道鲜香濃郁，既有甜味，又带有微微的辛辣感。沙嗲串燒雞肉串瑪萊肉骨茶肉骨茶的湯底由多种草药和香料熬制而成，散發出濃郁的香氣，又有肉的鮮味，令人垂涎欲滴少爺海南雞雞肉的鮮味與香米的搭配，讓整道菜充滿了層次感，令人回味無窮。椰香青咖哩豬頸肉青咖喱中的椰奶，使得整体口感更加順滑，带有淡淡的甜味，辣度溫和豬頸肉肉質爽彈森巴蝦仁通菜通菜口感鲜嫩、清脆，葉子的部分柔软，莖部清爽甜品：招牌斑蘭咖椰多士外層的烤麵包酥脆，內層柔軟，口感豐富，斑斕帶有淡淡的椰子和香草的味道完全不會感覺甜膩泰式奶茶，羅漢果龍眼冰…查看更多