安娣瑪萊

營業中

休息中

近排天氣凍，而友人又鐘意食肉骨茶，所以好早就BOOK咗Auntie Malay一齊食返餐。入座時店員仲好好人安排咗窗口位，可以一覽維港夜景。呢度好加分。因為都好耐無食星/馬菜，所以見餐牌啱就點，最後食到脹住個肚走。哈哈。先黎係招待嘅餐前蝦片＆熱荔枝茶，脆口嘅蝦片同荔枝茶茶味十足，十分開胃。香茅椰糖烤雞全翼：兩隻燒得金黃嘅雞翼，外脆內嫰，表面有淡淡焦糖香茅香味，唔錯。瑪萊沙嗲(雞/豬)：串燒揀咗豬肉，沙嗲醬味道濃郁，辣甜咸都平衡得幾好。個醬十分惹味，之後都用黎配酥餅食埋。招牌瑪萊肉骨茶：濃郁嘅藥材湯底，加上足料排骨/冬菇/枝竹/腐皮，最啱依家濕濕凍凍嘅天氣，食落驅寒又暖胃。仲有個酒精爐KEEP住保溫，食耐啲都仲係熱辣辣。招牌海南雞飯： 雞肉浸得嫰滑之餘，雞味十足。簡單沾上薑油提鮮，味道已經好足。 配上香濃雞油飯同清雞湯一齊食，十分滿足。椰香黃咖哩牛筋牛肋肉：咖哩椰香味濃郁，牛肋肉同牛筋都煮到好入味同軟腍，配埋香脆嘅酥餅，入口唔油膩之餘，因為咖哩辣味溫和，愈食愈惹味。上湯肉碎蝦米浸娃娃菜：食完味道偏重嘅菜式，呢道娃娃菜剛好可以調節一下味蕾，清甜湯頭配埋爽脆娃娃菜，一掃整餐嘅油膩感覺。最後飯

.香港🇭🇰都有高質新派馬拉菜🇲🇾 在海港城海運大廈望👀住迷人的夜景海景真係食咩都好味😋.🌟椰糖燒雞翼 (2隻)好味😋 $20/隻其實幾抵因為好大隻 啖啖肉用椰糖有點特別 甜度啱啱好.🌟馬來沙嗲串燒雞 🍡🍢燒完熱辣辣🔥 雞香滑軟腍淋上沙嗲汁好好味.🌟招牌肉骨茶☕️ 有香濃的中藥味 仲有好多五花腩好🈵足好補身.🌟招牌海南雞 (配雞湯及油飯各一碗)🐔 海南雞去哂 好嫩滑加埋油飯好好味.🌟椰香黃咖喱牛肋肉 (配酥餅一客)🍛 牛肋肉炆得好Lum加上濃郁的黃咖喱🍛配飯好夾.🌟上湯蝦米肉末浸娃娃菜🌟斑蘭咖央多士.好多選擇又樣樣都好味海港城又方便絕對可以encore

最近去咗Auntie MALAY 安娣瑪萊覓食，一踏入餐廳，就感受到一種輕鬆愉快嘅氛圍。餐廳設計充滿馬來風情，營造出溫暖而親切嘅感覺，令人感到十分舒適。佢哋嘅菜式幾吸引我，同朋友點返幾道菜試下先。椰糖燒雞翼雞翼燒得好香，椰糖帶嚟香甜味，咬落仲有肉汁，整體味道唔錯。馬來沙嗲雞肉串醬汁微微辣，香料同甜味出啲，雞肉好入味唔柴。招牌肉骨茶湯底濃郁藥材味幾出，肉嘅份量好多呢！招牌海南雞雞肉好滑嫩，配埋雞湯同油飯好滿足。椰香黃咖喱牛肋肉煮得好好，牛肋肉幾腍嫩，黃咖喱配白飯或者酥餅都好正。上湯蝦米肉末浸娃娃菜食落幾清爽，啱啱好可以平衡其他重口味嘅菜式。飲品方面，我點咗青檸梳打，清新解渴酸酸甜甜，非常爽。朋友點咗菠蘿熱情果沙冰，果味幾突出，好冰涼。當日仲見到餐廳一周年優惠可以加一蚊換購斑蘭咖央多士，當然要換返份嚟食。多士烘得好薄脆，內餡凍凍嘅斑蘭咖央醬，香滑濃郁嘅味道，好推介。整體食物質素唔錯，下次可以再嚟試下其他菜式。

招牌肉骨茶醬油味好濃郁 裡面材料都好入味入口嗰陣藥材味唔會太搶 餐前飲啖都幾開胃馬來沙嗲串燒(豬)🐷肉質好冧唔駛好用力就咬得開 個醬汁帶有香料味 食落好fresh一啲都唔覺油膩招牌海南雞有齊三種醬汁夠哂正宗雞件滑嫩juicy 飯係有味雞油飯，成件事夾哂椰香黃咖喱牛肋肉🐮係星馬風味嘅咖喱 入口香甜而帶有好重椰奶味令人唔覺意食多左好多 牛筋肉煮到好冧又入味配埋薄餅食無得輸啊上湯蝦米肉末浸娃娃菜係我最喜愛嘅娃娃菜用上湯煮到入哂味,入口即溶帶有少少蝦米香味，係正嘅斑蘭咖央多士斑蘭咖央醬香味好濃得黎又唔算太甜配埋烘到鬆化嘅多士外脆內軟當甜品食簡直一流熱情果沙冰有少少似泰式沙冰成杯打到好smooth入口超順唔會有冰粒水果味好重，啱哂配合星馬菜嘅濃味風格 食住嘢飲啖好fresh👍👍話梅蜂蜜梳打酸酸甜甜好開胃又潤喉，岩晒食完串燒驚熱氣嘅我

今次想同大家介紹一間鋪面唔大，但有落地玻璃可以睇海景嘅餐廳。呢度食物質素平均好高，價錢亦都唔貴。瑪萊肉骨茶呢碗肉骨茶有好多料，豬骨同五花腩都好足！除咗有沙參同玉竹等中藥嘅甘香，仲帶有少少微微嘅辛辣味。泰式滷水豬手隻豬手大過我隻手，經過長時間炆煮，皮薄得好似入口即化，滷水汁完全入咗肉心，真係好味！香茅燒豬頸肉呢個豬頸肉比拼盤嗰個薄好多，但食落去仍然好開胃，口感冇咁油，仲加咗酸汁，真係好合味。椰香黃咖喱牛筋牛肋肉椰香味濃，咖喱同炆到超軟嘅牛筋腩一齊食，絕配嘅香味道好正！招牌大蝦雞絲喇沙呢個喇沙湯底濃得滯，湯要濃到可以掛到粉上面，佢哋用米線加米粉代替麵條，味道依然好豐富，椰香四溢！

餐廳明亮光猛，餐牌係介乎傳統星馬菜但又有少少新意思。入座先附上一籃蝦片，都幾有welcoming 嘅感覺。不過蝦片就唔算非常脆，覺得有少少腍腍地。 香茅椰糖烤雞全翼 見係 Openrice熱門菜式，就試吓。食唔到名字上嘅椰糖味或者蜜糖味，亦都冇咩香茅味。但係就以一隻燒雞翼嚟講，味道係唔錯嘅，烤得幾香幾夠味。👌🏼泰式豬肉船麵湯底味道好濃郁，係符合預期中船麵嗰種非常濃郁厚重嘅味道同口感，帶非常非常輕微嘅酸同埋辣。不過材料味道就麻麻，豬肉丸冇咩味，豬肉片都係硬硬實實，冇咩好食。👌🏼椰香大蝦冬蔭功 味道濃郁，頗酸頗辣，屬於重口味嘅冬蔭功。入邊有兩隻開咗邊嘅大蝦，材料都算豐富。👌🏼海南雞煲仔飯 頗有新意嘅組合。味道方面，海南雞就係正正常常。煲仔飯好夠熱有飯焦。整體味道唔算驚喜，符合預期嘅正常水平。👌🏼上湯時菜正常味道。💯 班蘭咖椰多士 呢個咖椰多士非常正！！整得好有水準，係全餐最最滿意。睇相嘅賣相已經好想食，嚟到都冇令人失望。麵包烤得非常薄脆，咖椰醬亦都好香滑，味道不輸於喺吉隆坡食到嘅正宗咖椰多士。係香港可以食到咁地道嘅水準，讚！

位於海港城海運大廈，位置方便。雖有餐前小食及茶芥，但整體性價比不錯，全因環境舒適，服務殷勤，加上食品優質，單價亦不算貴。香茅椰糖烤雞全翼 $20/隻火喉控制得好好均勻受熱，椰糖為醃味增加層次，由頭到尾都金黃焦香，亦好有馬來西亞風味瑪萊沙嗲豬肉3串 $58豬肉串粗身多肉，上碟熱辣辣，紅色醬汁鹹辣平衡，同時突出沙嗲濃香瑪萊肉骨茶 $158 原煲上仲有個爐熱住，慢慢飲都唔怕凍晒，入面有腩片同肋骨，豆卜同腐竹都索晒藥材湯味，真材實料好清甜。加$50仲可以無限添飲，不過我哋想試多啲款，加上人數唔多就飲一煲足夠。招牌海南雞飯 $98首先一讚跟餐雞湯勁鮮甜零味精。雞肉無骨嫩滑，油飯粒粒分明油香十足。椰香黃咖喱牛筋牛肋肉 $148馬來西亞咖喱嘅椰香味真係特別重，甜甜地唔會太辣，老少咸宜，牛筋牛肋肉煲得軟腍印度薄餅 $32咖喱配上酥餅係天作之合，酥脆可口唔油膩上湯浸時菜 $58揀咗娃娃菜，有好多蝦米肉碎好鮮甜，上湯都係飲得嘅質素，娃娃菜份量好多都夠三至四人食，性價比好高班蘭咖椰多士 $48咖椰加咗班蘭顏色翠綠，唧花有心思打卡一流，食落幼滑濃郁，薄薄一層牛油已經足夠邪惡，加上樂趣多士，一口咬落淡淡滿足手標

喺海港城食嘢，最重要係搵間望到超靚海景嘅餐廳。所以我提早半個月就提早訂位，務求有靚靚窗邊位。「Auntie Malay 安娣瑪萊」喺我心目中都係香港最好食嘅馬來西亞菜。我最愛佢無骨海南雞。雞肉係喺香港食到數一數二嘅嫩滑。油飯吸晒雞油、雞湯，真係香到不得了。馬來沙嗲又係超正。肉質好腍，而且香茅嘅味道滲晒入去。鐘意香口啲要試椰糖燒雞翼 ，雞皮好香脆。招牌肉骨茶藥膳味道好濃，有排骨又有五花腩，夠晒正宗。椰香黃咖喱牛肋肉口味香甜，椰香濃郁。牛肋肉好軟熟，仲有唔少牛筋。想營養均衡啲，嗌咗個上湯蝦米肉末浸娃娃菜。上湯好清甜，娃娃菜仲煮到好腍。壓軸係斑蘭咖央多士，斑蘭咖央加牛油嗰種好味真係超誇張。記得試埋充滿大馬風味嘅特飲。我哋嗌咗怡保白咖啡、班蘭紅豆冰。班蘭紅豆冰味道好清香！

初十約出嚟團拜，今次去海港城地下個層食泰菜。兩個朋友嚟過話唔錯，佢地預早book 好枱。正正喺賣波鞋果條電梯落，都好易搵。今晚6:45嚟到，都算多人等位。餐前小吃係蝦片，我地點咗四人套餐，朋友係會員所以套餐會員價係$780，原價大既9xx. 不過做會員好簡單，dl 個app 就係會員。套餐每項食物二選一，我地點咗烤雞翼、青咖喱、船麵、海南雞飯、冬陰功、上湯浸時菜、斑斕㗎椰多士、四杯飲杯。上菜速度唔錯，唔駛等太耐。最正嘅係 「香茅椰糖烤雞全翼」 ，本身對烤雞翼無期望，最怕係又乾又硬凍冰冰。點出喜出望外！香茅椰糖配搭好香，燒雞翼火侯剛剛好，令到每啖肉咬落去都好嫩滑，仲要有汁滲出嚟。雞翼唔肥唔油，似乎用心挑選亦烤得勁好食。真心推介一定要點！第二樣驚喜「泰式豬肉船麵」，好鍾意船麵個湯底香濃但唔杰身。船麵配搭一少碟油炸鬼，配料份量好足，配菜係通菜同芽菜。分四碗，每碗都分到均勻。其次出色係「招牌海南雞」跟四碗油飯。半隻海南雞，完全唔肥，唔會油淋淋。肉質嫩滑，送飯唔覺唔覺食咗半碗。（再撈吓青咖哩送飯）。好在有條菜心清清地！ 「上湯浸時菜」菜心唔老又清甜。老實講，又飯又麵又餸，加上份量唔少，個餐五個人

今次我哋兩個人，各自點咗一人晚餐：泰式滷水豬手 + 蝦餅兩件 + 白飯燒豬頸肉 + 雞肉沙嗲兩串 + 白飯另外+$10加配上湯浸菜 豬手滷汁鹹香，皮同肉各佔一半份量，酸菜減少肥膩嘅感覺。蝦餅外脆內軟，口感唔錯。燒豬頸肉略帶油香，配埋酸辣醬，味道不錯。雞肉沙嗲連沙嗲醬，經典味道OK。成餐飯都系我中意既啖啖肉, 所以特別加+$10 要返個上湯浸菜, 味道清清地，但食得舒服。每位加一後大約$140，喺海港城嚟講呢個價錢算OK又夠飽。

趁小朋友學校假期，約埋朋友一家去中環AIA 燒錢。玩完搭天星過尖沙咀。 去到海港城又話要去玩具反斗城～放晒阿媽啲電！正當我地大人腰酸骨痛想早啲搵間餐廳之際，就喺玩具反斗城前面有間裝修唔錯嘅泰國餐🇹🇭。門口餐牌仲做緊4人套餐。唔諗咁多攞飛食飯！唔洗等好耐有張大枱俾我地，環境舒服，座位好寬敞。香茅椰糖烤串雞翼呢隻雞翼烤得非常出色！表面平平無奇，一拎上手已聞到香噴噴嘅椰香，無諗過烤雞翼會肉嫩多汁，仲要微微脆口！老實講，食一隻真係唔夠。招牌海南雞飯真係無得輸！我地一家好鍾意食海南雞，食過唔少餐廳嘅海南雞飯，並唔係時時會食到唔肥、唔油、又香又滑又大大碟嘅海南雞。auntie MALAY 嘅海南雞飯，令我念念不忘。啖啖肉都嫩滑，加埋佢嘅醬汁同雞油飯。小朋友好快就清晒碗飯！大蝦冬陰功份量好足，料好多！酸酸辣辣好開胃，大蝦新鮮無死實實，大既分到6碗。小食拼盤值得推介，串燒同豬頸肉好好食，好香好入味。蝦餅同肉碎生菜包正正常常。泰式奶茶～好正！話梅蜂蜜梳打～正正！餐飲包檸茶檸水，加錢可以轉特式飲品。我見泰奶有推介，即刻點杯試試。超讚！我哋仲叫咗大蝦雞絲喇沙、椰香青咖喱雞。份量好足，套餐款式多，地方闊落鬆動

最喜愛星馬菜的我當日行過呢間餐應。先比店內環境吸引住，樓底高、色彩豐富的傢俬令人引象深刻，樓面店員話有窗邊海景位就入去試下。我哋點了海南雞半隻，酸辣鳳爪沙律，小食拼盤，香茅椰糖烤雞翼，瑪萊肉骨茶，紅咖喱豬肉，豬肉船麵，森巴蝦仁通菜班，班蘭咖椰多士。海南雞加油飯：雖然有點肥有啫哩，雞肉嫩滑, 油飯好香好食，飯都粒粒分明夠咬口。酸辣鳳爪沙律：汁醬好開胃，辣度都刺激的，鳳爪都幾大隻，嗜辣的話會推介呢度前菜開一開胃。瑪萊肉骨茶味道好濃味，豬肉都算腍。不過湯唔夠熱。如果有火加住熱會好啲。泰式紅咖喱豬肉望落以為好辛辣，食落原來微辣，還帶點甜，伴飯食一流。泰式豬肉船麵：諗唔到有星馬菜泰式船麵～竟然都幾正宗地道，牛湯底濃郁好有泰式風味，最欣賞佢個豬皮脆口掛湯。森巴蝦仁通菜：蝦仁數量算多，份量十足。最後甜品班蘭咖椰多：麵包外脆內軟，斑蘭醬好香甜，食完一件已經邪惡但好滿足。

今日一家人去海港城逛街，小朋友去玩具反斗城掃貨。掃到又累又餓， 向前走一會就見到Auntie Malay, 名稱都幾特別，原來係一間泰式餐廳，又唔駛排隊，於是入去試下。一坐低就有蝦片食，岩晒小朋友。見到個4人餐做緊promotion, 又唔算貴喎， 就order左1set 4人餐。頭盤係小食拼盤同燒雞翼， 無得輸。 串燒好香口，燒~雞~翼，我~鍾~意~食。 生菜包都幾辣，堅果隻辣，我就食到lam lam脷，老婆就食到噴火。冬陰公湯，足料，但無想像中果種泰式辣，偏重椰香。青咖哩雞，真係有驚喜，我認為全場最好食，咖哩香而不漏，少辣，配上茄子，好出色。海南雞配油飯，海南雞算中上， 油飯就好出色。果種油香會令你不自覺地扒飯， 真係一邊扒飯，一邊有罪惡感。 雞絲喇沙就椰香味重，辣味輕，算係配合香港人口味既fusion菜。呢個時候，已經好飽。 多士同甜品，交比小朋友。 見佢地食晒，就知唔錯。

今晚放工約了屋企人係尖沙咀晚飯，行了一陣海港城。係海運大廈地下一層行了一圈搵餐廳，經過Auntie Malay門面見到有套餐，見價錢有折就入去試下！今餐點了一個4人餐，頭盤先來小食拼盤及椰糖烤雞翼，頭盤算豐富有沙嗲，燒豬頸肉，蝦餅，肉碎生菜包，燒魷魚。正常水準值得推介蝦餅好彈牙，生菜包略嫌比較辣。雞翼全翼燒得非常香及惹味。最欣賞船麵湯底很濃郁，豬肉夠腍，份量亦很夠4人完全一人一大碗。紅咖哩豬肉汁醬夠味，用嚟送海南雞個雞油飯 都好唔錯。森巴蝦仁通菜，辣度適中，係通菜煮得比較硬。最尾甜品有班蘭咖央多士及泰式糕點，咖央醬的味道很夾多士。最後食埋甜品我地一家人都覺得好飽。重要打包2碗雞油同海南雞拎走添。  總括嚟講，以平均2佰多少少係咁舒適嘅環境下食一餐家庭飯，真係唔錯！        

夜晚經過見幾吸引❤️餐廳的二人餐選擇種類頗多有兩款款式選擇☺️試左其中一款比較少嘗試怡保白咖啡奶泡香甜易入口，值得一試！冬陰功湯酸辣香甜，有淡淡椰香，仲有兩大隻蝦😆最有驚喜係滷水豬手，十分入味，入口軟軟糯糯，滿滿膠原蛋白又唔肥膩，仲有半粒溏心滷蛋青咖哩雞肉質彈牙，唔會乾乾柴柴，配飯一流🤣🤣🤣試咗蝦仁通菜，比試清淡，但有淡淡醬香👍🏼👍🏼最後飯後甜品有清甜嘅椰子凍，滿足埋第二個胃🤣🤣