君子餐廳

營業中

休息中

之前已經嚟過呢間西餐廳，不過改咗名，但係裝修都冇變，又有室內又有室外，咁今日就約埋朋友嚟試吓啦。朋友都大讚呢度嘅環境好舒服，outdoor仲會睇到海景添。我就叫咗個是日沙律白酒煮青口，煎封油鴨髀，另外仲有白汁蜆肉意粉，甜品就係焦糖燉蛋。呢度嘅食物質素一直都好高，我自己就最鍾意呢個煎封油鴨髀。因為好少地方有得食，而且佢份量唔少之餘調味都好好，烹調時間煮得啱啱好食落一啲都唔會柴，竟然仲有嫩滑嘅感覺，非常推薦大家嚟試吓。朋友覺得個白汁蜆肉意粉都好出色，佢絕對唔係街邊買返嚟嗰種，而且有好多大粒嘅蜆肉食落好新鮮，而且意粉嘅口感啱啱好，佢話之後都一定會再嚟食呀。呢間餐廳性價比好高，而且服務態度都好好，同朋友決定咗遲啲都一定會再嚟啊。