更多
2023-05-22
28 瀏覽
SOGO感謝祭,去完掃貨,當然要搵嘢食。呢間日本餐廳喺SOGO隔離的澳門逸園中心,呢個大廈有好多不同的餐廳,要試晒都要一些時間😆。餐廳主打係食浜燒,我自己係第一次試呢一種烹調方法。一入到門口已經見到廚師企喺正中間,有一個火爐仔,好似係炭爐,廚師成日都會拎住支火槍,炮製啲海鮮😆。但係就睇唔到佢仔細點樣煮,廚師好好,佢每送一樣海鮮過嚟都會介紹食法,產地等等。佢話浜燒主要係食海鮮食材嘅原有鮮味。活帆立貝浜燒$68一隻:呢個係清酒燒,上枱後不用加任何調味,勁好味,連啲汁都好鮮甜。新鮮鮑魚浜燒 $98一隻: 呢個鮑魚係用咗牛油燒,會配上塊少柚子胡椒醬,個醬好好味,同鮑魚好襯。時令活蠔浜燒$88一隻:廚師說今日的是愛爾蘭生蠔 ,比較濃味,生蠔好飽滿,配上少少檸檬汁,主要食佢嘅鮮味,唔需要再加醬料。另外提提佢有一個前菜,你坐低就會俾你,我開頭以為送的,原來收費$34,不過我想話係超級抵,是一個由沙甸魚和多春魚組成的堤魚醬,仲有個火爐仔熱住,有一杯蘿蔔俾你點嚟食,呢個前菜超正,唔知點解啲味道有啲似蟹膏,好鮮味。相比平時中菜收$20俾碟花生仔真係好好多😆。 油甘魚薄切$288 :呢碟係今餐最貴,好新鮮好
餐廳主打係食浜燒,我自己係第一次試呢一種烹調方法。
一入到門口已經見到廚師企喺正中間,有一個火爐仔,好似係炭爐,廚師成日都會拎住支火槍,炮製啲海鮮😆。但係就睇唔到佢仔細點樣煮,廚師好好,佢每送一樣海鮮過嚟都會介紹食法,產地等等。佢話浜燒主要係食海鮮食材嘅原有鮮味。
活帆立貝浜燒$68一隻:呢個係清酒燒,上枱後不用加任何調味,勁好味,連啲汁都好鮮甜。
新鮮鮑魚浜燒 $98一隻: 呢個鮑魚係用咗牛油燒,會配上塊少柚子胡椒醬,個醬好好味,同鮑魚好襯。
時令活蠔浜燒$88一隻:廚師說今日的是愛爾蘭生蠔 ,比較濃味,生蠔好飽滿,配上少少檸檬汁,主要食佢嘅鮮味,唔需要再加醬料。
另外提提佢有一個前菜,你坐低就會俾你,我開頭以為送的,原來收費$34,不過我想話係超級抵,是一個由沙甸魚和多春魚組成的堤魚醬,仲有個火爐仔熱住,有一杯蘿蔔俾你點嚟食,呢個前菜超正,唔知點解啲味道有啲似蟹膏,好鮮味。相比平時中菜收$20俾碟花生仔真係好好多😆。
油甘魚薄切$288 :呢碟係今餐最貴,好新鮮好好食,擺盤勁靚,仲有啲玫瑰花,蘿蔔用酸汁同Wasabi豉油,餐廳兩款都有預備。
火炙三色刺身沙律$148:有火炙左口魚邊,三文魚同赤蝦♥️,是我最喜歡的火炙左口魚邊,仲有兩隻大大火炙赤海蝦,這個沙律,超級推介,因為我自己喜歡吃。
燒羊架(兩支骨)$128 :朋友吃的,上枱的時候熱辣辣,出晒煙,我見到好厚肉,估唔到$128係有兩大件。
總結:餐廳樣樣嘢都好好食,沒有一樣失望,而且服務很周到,店員很有禮貌,每一個菜上枱都會介紹。
適合偶然想食餐好,或者約會。
(喜歡我的食評請追蹤,按讚,分享以示鼓勵,謝謝。)
張貼