影片
更多
2023-01-05
37 瀏覽
同朋友傾開計，講起之前食過呢間焱丸水產唔錯，咁就黎試一試佢啦。一行入餐廳就覺得呢到既佈置有好濃厚既日本氣氛，真係好似去左日本旅行咁，餐廳入面充滿住好香既浜燒海鮮味，搞到一坐低都未叫野食已經覺得好肚餓。《麻醬蕃茄豆腐沙律》沙津菜同埋蕃茄都好新鮮，加上滑身豆腐，再淋埋日式芝麻醬，作為前菜非常開胃。《炸一口芝士》新鮮炸起熱辣辣，一咬落去外脆內軟，入面全部都係芝士，芝士味超濃郁，食完一粒會停唔到口忍唔住繼續食下一粒。《炸蓮藕片》唔好睇佢外表冇咩特別咁，食落原來好有驚喜，好似薯片咁薄薄一片，非常脆身，上面加左少少鹽調味，真係好似食緊薯片咁，鍾意食薯片既話必叫呢個，一樣係會食到停唔到口。《刺身5盛》刺身有5款，包括三文魚 、油甘魚 、 吞拿魚 、帶子 、海膽 。三文魚，油甘魚，吞拿魚同帶子全部都係厚切，肉質彈牙又嫩滑。海膽份量都唔少，味道好鮮甜。《壽司盛合》呢個盛合有齊10款唔同壽司，可以一次過試晒咁多款壽司，好滿足。壽司同刺身一樣都好新鮮，仲有我最鐘意既海膽軍艦。《 蟹味噌甲羅燒 》 《 芝士蟹肉甲羅燒 》 《鮑魚殼燒》黎到呢到緊要試埋佢既浜燒，呢到既店員會幫手燒好所有海鮮。甲羅
《麻醬蕃茄豆腐沙律》
沙津菜同埋蕃茄都好新鮮，加上滑身豆腐，再淋埋日式芝麻醬，作為前菜非常開胃。
《炸一口芝士》
新鮮炸起熱辣辣，一咬落去外脆內軟，入面全部都係芝士，芝士味超濃郁，食完一粒會停唔到口忍唔住繼續食下一粒。
《炸蓮藕片》
唔好睇佢外表冇咩特別咁，食落原來好有驚喜，好似薯片咁薄薄一片，非常脆身，上面加左少少鹽調味，真係好似食緊薯片咁，鍾意食薯片既話必叫呢個，一樣係會食到停唔到口。
《刺身5盛》
刺身有5款，包括三文魚 、油甘魚 、 吞拿魚 、帶子 、海膽 。
三文魚，油甘魚，吞拿魚同帶子全部都係厚切，肉質彈牙又嫩滑。海膽份量都唔少，味道好鮮甜。
《壽司盛合》
呢個盛合有齊10款唔同壽司，可以一次過試晒咁多款壽司，好滿足。壽司同刺身一樣都好新鮮，仲有我最鐘意既海膽軍艦。
《 蟹味噌甲羅燒 》 《 芝士蟹肉甲羅燒 》 《鮑魚殼燒》
黎到呢到緊要試埋佢既浜燒，呢到既店員會幫手燒好所有海鮮。甲羅燒既賣相好吸引，蟹膏味濃郁，入口creamy，加上芝士更加惹味，果然係招牌必叫。黎之前已經知道呢到出名海鮮夠晒新鮮，果然碟鮑魚一上枱真係好新鮮，仲係識郁架。鮑魚大大隻，好厚肉。店員加入少少醬油黎燒，燒到外面有少少焦，而入面肉質仲係好juicy彈牙，一啲都唔乾。
呢到除左野食豐富，就連有酒精同無酒精既飲品都各有好多唔同選擇。我地除左叫左杯Sapporo，仲叫左杯巨峰啤酒，飲落去就好似飲緊巨峰汽水咁，甜甜地好易入口，就算平時唔慣飲酒都可以試試。總括黎講呢到既炸物，刺身壽司，同埋浜燒海鮮都好有水準。搞到我對啲野食好念念不忘，依家打呢篇食評又再餓多次...😫
張貼
