ASOK THAI GARDEN

營業中

休息中

👩🏻‍🍳Asok Thai Garden🧑🏻‍🍳👣值得科勞指數：🏃🏻‍♀️🏃🏻‍♀️🏃🏻‍♀️🏃🏻🏃🏻Asok Thai Garden 位於荃灣荃新天地，交通便利，店內設計充滿泰式風情，絕對係打卡一流嘅選擇。餐廳主打泰國菜式，無論係小食定大菜都散發住濃郁嘅東南亞風味。是次點左幾款推薦菜色，果然冇令我失望😍😍🍽️ 泰式生蝦刺身：生蝦新鮮爽口，配上酸辣既泰式醬汁，每一啖都係清爽開胃🍽️ 黃咖哩雞加印度薄餅：呢個黃咖哩雞可以話係全場嘅驚喜！咖哩唔會過辣，濃郁香滑，入面嘅雞肉嫩滑多汁。配埋脆口香濃嘅印度薄餅一齊食，真係一流嘅搭配，忍唔住要再加多一份😋。🍽️ 冬蔭公大頭蝦湯：經典泰式湯品！大頭蝦多肉，冬蔭公湯酸辣夠勁，仲充滿鮮蝦同香茅味道🍽️ 和牛炒飯：呢個和牛炒飯份量十足，粒粒飯香氣撲鼻，牛肉鮮嫩炒飯夠鑊氣🍽️ 芒果糯米飯甜筒：甜品係Asok Thai Garden嘅另一亮點，尤其係呢個芒果糯米飯甜筒！香甜既芒果搭配煙韌糯米飯，再加埋鬆脆甜筒嘅口感，真係有夠特別，仲可以用嚟打卡！😍Asok Thai Garden 唔單止環境靚，食物質素都好，絕對值得再三回味！