彩福皇宴 (已結業)

今日同媽媽行開銅鑼灣shopping買到累累地 所以去搵間中式酒樓坐底慢慢嘆個dinner 由於我地6點就黎到岩岩開市無耐 所以間餐廳無乜客人可能人少容易留意到 呢到員工比例好高 目測約有10位員工係樓面 落單送菜都好快手每次黎到酒樓一定會點童年回憶-北京烤鴨 再加一碟櫻花蝦炒飯 今次呢位哥哥好有心機係我地面前慢慢片隻鴨 肉多過皮～一睇就知食過下夜粥 出面好多間餐廳都做唔到呢個水準 好多時都係皮多過肉另外櫻花蝦炒飯 值得一讚！炒得好有鑊氣 啲飯粒粒分明炒得平均！