黑門水產すいさん (Fashion Walk)

北海道秋刀魚，魚皮燒得好脆，魚味好濃郁。帆立貝半魚籽醬，帆立貝好大隻，上面鋪咗啲新鮮魚籽，夾埋紫菜同埋紫蘇葉一齊食，味道清新鮮甜。蟹味噌甲羅燒，侍應即場燒埋，蟹膏味濃郁，配埋蟹肉絲同埋蟹籽，配梳打餅上邊一齊食又香又脆。三文魚加州反卷，呢個必食，壽司飯醃咗，味道非常美味，配埋牛油果、蟹柳、紫菜、三文魚，上面重鋪左沙律醬配魚籽，大口一件，非常滿足。龍蝦湯煮海鮮，海鮮通通好新鮮，有蠔、蝦、螺肉、魔芋絲，配埋龍蝦湯底，非常鮮味。蟹油辣椒炒魷魚，醬汁味道濃郁，配埋洋蔥同魷魚，好啱送飯食。豚肉湯牛肉稻庭烏冬，上枱仲熱呼呼👍🏻，白雪雪豬骨湯濃郁，配大大塊牛肉，牛味鮮，加上彈牙稻庭烏冬岩哂。海鮮茶碗蒸，大大隻鮮鮑魚，配埋新鮮海蜆，下面係蒸滑蛋，味道鮮甜。