七福神和食亭

營業中

休息中

今晚同男朋友去食久違既日本菜，我地叫左四樣野。八品刺身盛盒有海膽(半板)、八爪魚、帶子、北寄貝、三文魚、金目鯛、油甘魚、甜蝦，全部各三件。全部刺身都好鮮甜，而且唔係切到好薄俾你，好正。最得意係刺身盛盒有一個用壽司醋整既三角飯糰。石鍋香辣海鮮手打烏冬湯底好惹味，好飲到男朋友飲晒啲湯。烏冬彈牙，海鮮種類繁多。七福神奄列飯一定要食，佢係真正既蛋包飯，連個底都有蛋包住飯架，而且落足雞蛋，蛋皮唔會薄身，啖啖都食到厚蛋，好滿足。免治雞肉串配有一隻蛋黄，沾黎食會滑溜啲，雞肉亦都好厚實。