七福神和食亭

呢間開業多年的居酒屋位於裕華國貨附近，木系裝潢掛滿日式燈籠，從樓梯到擺設都充滿濃厚東瀛風。環境寬敞坐得舒服，餐牌選擇多到眼花繚亂，價錢貼地得來份量驚人，最啱同朋友點滿成枱美食，邊食邊聊天聚舊。豪華拼盤 $328海膽半板口感滑順帶自然甜味；厚切三文魚勁肥美；深池魚與赤身色澤鮮明，入口冰涼鮮味衝擊，再搭配埋甜蝦，組成必食海鮮組合。麻辣風吉列大雞扒配他他醬 $88雞扒尺寸仲大過我隻手掌，表面撒有微量麻辣粉，對於我呢個嗜辣之人就當然覺得唔夠辣啦，但蘸點他他醬都幾夾幾好食。切落去聽到外皮酥脆嘅聲音，內裡肉質保持濕潤，肉厚嫩滑，呢個價錢真係抵食。魷魚鬚唐揚 $68店家的炸物真係好出色，呢份魷魚鬚炸衣薄脆不厚重，內裡魷魚仍保持彈牙口感，真係食完一條又一條忍唔到口。燒網牛扒 $138牛扒厚度實在又大塊，燒烤程度約七成熟，切面呈現粉紅色。肉質柔軟有肉汁，搭配底層吸收肉汁的洋蔥更顯滋味。海膽蟹肉茶碗蒸 $38蒸蛋質地細滑，海膽與蟹肉的鮮味融入其中，每啖都係海洋精華，其實$38有海膽加持已經要抵讚！蕃茄泡菜豚肉鍋 $88熱辣辣的豚肉鍋足夠兩人分享，豚肉片偏瘦唔肥膩，吸滿番茄湯的酸甜，配料有冬菇豆腐金針菇等，泡菜則另上，可自由調節辣度，夠晒貼心。芝士富士山乳酸梳打 $48打卡神品！藍白漸層真係好似富士山咁靚。鹹香芝士奶蓋撞擊乳酸梳打，清爽解膩仲有靚相呃like。活乳酸沙冰 ＄48新鮮打製的士多啤梨沙冰，果肉纖維仲睇得到，食完炸物飲一啖即刻refresh！生忌廉吉士銅鑼燒 $45都係打卡影相之作，賣相好精緻。銅鑼燒外皮鬆軟，內餡生忌廉與吉士比例適中，甜度控制得宜。…Read More

最近我哋帶住兩個小朋友去位於元朗西裕街 食飯，朋友仔媽咪推薦餐廳夠哂闊落，放得落BB車，仲要有埋BB凳提供🪑附近就已經有一個好大嘅停車場泊車！🦀蟹籽沙律 蟹籽沙律色彩繽紛，搭配新鮮的生菜與豐富的蟹籽，口感清新🍓乳酸沙冰 乳酸沙冰口感滑順，清涼可口，微酸的乳酸風味讓人感到清新，完美地解渴。🐙魷魚鬚唐 魷魚鬚炸物外酥內嫩，搭配特製醬料，香氣撲鼻。🍖串燒 5品盛盒 佢有五種不同的串燒，每一種都各具特色，從肉類到蔬菜，口感多樣，擺盤令人賞心悅目🐷吉列豬扒 大大份嘅豬扒外酥內嫩，肉質鮮嫩多汁，搭配的醬汁恰到好處，讓人一口接一口，吃得停不下來🐟花魚一夜干 一夜干保留了魚的鮮味，肉質緊實，煙燻的香氣令人垂涎。搭配米飯或啤酒都是絕佳選擇。🍣 三文魚親子丼新鮮的三文魚和蟹子色澤鮮艷，米飯香軟，唔怪得呢度嘅刺身朋友大力推介🍱鰻魚炒飯 炒飯又炒得真係幾香！鰻魚的鮮美與米飯的Q彈完美融合，食落去有豐富的口感九州豚肉拉麵 🍜拉麵湯頭濃郁，豚肉軟嫩，搭配自家製的拉麵，整體風味十分出色七福神和食亭的料理料製作好精緻，充滿日式風味，無論是味道還是擺盤都好令人感覺越療癒🥰…Read More

趁打風前食餐日本菜，約朋友於佐敦食《七福神和食亭》。蟹子沙律(細)~ 唔好講笑，"細''都咁大盤，超大量青瓜絲，仲有好多蟹子，個底有生菜絲添，撈埋蛋黃醬特別美味。豪快刺身盛合(五款)~ 大拖羅、深海池魚、左口魚、厚切三文魚及帶子，每款刺身都好新鮮，特別鮮甜。芝士焗天火蠔~ 忌廉汁加煙肉，鋪滿芝士焗嘅蠔，非常惹味。網燒牛扒~ 香濃牛味。鹿兒島鰻魚飯團~ 加咗鰻魚汁燒嘅飯糰，食到飯焦香，仲有肥美嘅鰻魚。炸雞軟骨唐揚~ 即叫即榨雞軟骨，香脆可口，越食越想食。 壽喜燒牛肉鍋燒烏冬~ 壽喜燒湯底唔算太甜，選用肥牛，配料仲有冬菇、豆腐、菜同本菇。 欣賞店員友善嘅招待，值得一讚。  …Read More

放咗工去佐敦行街搵嘢食，去咗一間日式料理專門店。裝修充滿日本風格，環境寬敞，有好多日式擺設，好精緻，坐得舒服。蟹味噌甲羅燒配魚雪干(4塊)甲羅燒有味噌蟹肉蟹膏混在一起，味道豐富。配上脆卜卜的鱈魚乾薄片，兩樣拼埋一齊層次豐富。芝士天火蠔仔新鮮上枱即叫即焗，芝士厚厚的蓋在生蠔，連殼上。拉絲芝士味香濃，把生蠔的口感提升。燒網燒牛扒成大塊牛扒上枱，份量十足，燒到大約七成熟，能保持牛扒的肉汁。魷魚鬚唔會太韌， keep到肉汁啖啖肉，用料新鮮好鮮味。豆腐風野菜湯清清地健康之選，材料有菇類，豆腐、椰菜，湯呈乳白色，用咗豆乳做湯底，有益健康。西京燒銀雪魚銀鱈魚係高質食材，配上西京燒的煮法，燒到外脆內軟，把魚的味道提升。滑蛋豬扒飯大大碗，滑蛋配上啖啖肉的炸豬扒，豬扒厚切，炸起上嚟唔會太韌，大滿足。紅荳吉士銅鑼燒賣相好精緻打卡一流，銅鑼燒夾住滿滿的吉士醬，而吉士醬並不簡單混了紅豆，口感豐富，好美味。總括嚟講，餐牌好多選擇價錢合理。食物質素唔錯，全部新鮮即製熱辣辣好有誠意，值得推介。…Read More

早前同朋友去咗呢間七福神和食亭，真心覺得大滿足！餐廳有濃厚日式感覺，地方幾寬敞，多得朋友早訂位。個人認為必試天婦羅，炸粉夠薄夠脆，價錢親民又多選擇，食物水準穩定，非常適合同朋友聚餐！😋1. *刺身拼盤*（大拖魚、左口魚、三文魚🍣深海池魚）全部新鮮厚切，魚生鮮味突出，每啖都好享受。深海池魚味道鮮美，絕對不遜色於高級日料店。3. *天婦羅拼盤*：有三隻蝦同野菜用極薄炸漿包住，外層脆卜卜完全不油膩，內裡保持食材原味。4. *醬油燒京蔥雞肉串*：雞肉多汁燒得香口，配埋大蔥更添風味。5. *味噌豚肉串*：豬肉厚實肉質嫩滑，味噌味濃郁鹹香惹味。6. *鹽燒油甘魚鮫*：魚皮帶點微脆，魚肉嫩滑無腥味，調味岩岩好，出色👍🏻7. *蕎麥冷麵*：麵質彈牙冰冷爽口，食落非常清新舒爽。8. *青蘋果生姜梳打*：飲品酸甜開胃，有生姜味之外有大量生薑在飲品內清新解膩。9. *楓糖蕨餅*：煙韌軟糯，帶淡淡楓糖香唔會太甜。😍…Read More

放工同朋友聚會🎈去左呢間日式居酒屋地鐵站行過去@1分鐘🥢我地叫左🍣🍱🍢🍹~海膽蟹肉茶碗蒸 $38食落去又幾特別🙈~網燒牛扒 $138牛扒肉質好嫩滑,唔會好嚡~大阪燒醬油豚肉炒麵 $92~串燒5品盛盒 $108肉質好Juice👍🏻可以試到唔同種類既串燒~刺身盛盒 $238 (大拖,三文魚,左口魚,深池 各兩件) 刺身好新鮮好肥美😋~富士山乳酸梳打x2 $96富士山梳打飲落去唔會好甜~三文魚子壽司 x2 $120~油甘魚壽司 x2 $80 …Read More

18件壽司拼盤壽司拼盤包括三文魚、玉子、北寄貝、赤貝、比目魚裙邊，拖羅用軍艦、炸蝦卷等，十分豐富。刺身拼盤刺身拼盤奢華豐富，海膽軟綿鮮甜，三文魚油潤滑嫩，油甘魚細膩甘香，拖羅入口即化，油脂豐盈。秋日雙拼：蟹子沙律拼炸蠔蟹子沙律是七福神必點！超大一碗！炸蠔外酥內嫩，蠔肉多汁！串燒5品盛盒串燒盛盒香氣撲鼻，香菇鮮嫩多汁，雞翼皮脆肉嫩，金菇豬肉串油香彈牙，豬腩肉軟糯入味，適合下酒。鮮柑桔青提子梳打柑橘酸甜香氣突出，加入提子的果香，清新解渴。…Read More

居酒屋位於一樓，沿梯級掛滿日式燈籠，拾級而上好有氣氛亦好有儀式感，門口位置擺放咗靚靚打卡鳥居，餐廳裝修亦充滿日式風格。嚟得居酒屋當然要整番個靚靚刺身拼盤先啦👇🥢活赤貝$70肉質彈牙，鮮甜脆嫩。🥢油甘魚$88順滑爽彈，油脂甘香鮮甜。🥢深海池魚$90口感鮮嫩細膩，爽滑清甜。🥢中拖$138 油脂平衡，甘甜鮮味，肉質軟嫩。🥢鹽燒油甘魚鮫$90燒到魚翅都脆卜卜，好香口，肉質細嫩鮮甜，油脂甘香，跟咗柚子醋，可減低油膩感之餘更可增添風味。🥢花魚一夜乾$98原條花魚燒到表面收乾哂水，但肉質仍然鮮嫩緊致，味道鹹鮮又富油香，餸酒一流。🥢活鰻西京燒$68燒到表面夠哂焦香，鰻魚肉質軟腍，油脂豐盈，味道甘甜醇香。🥢軟殼蟹手卷$30軟殼蟹炸到外面脆卜卜內裏肉軟腍，並配上青瓜絲，清新又香口。🥢甜蝦唐揚$55放上檯已經聞到超香嘅炸蝦味，脆卜卜好惹味，確係餸酒佳餚。🍺麒麟生啤500ml$70呢款唔係普通嘅生啤，口感超正，面層係綿密嘅泡沫並夾雜住細緻嘅冰粒，飲一口透心涼。…Read More

之前去過呢間居酒屋食dinner就已經bookmark咗要再嚟！呢度環境舒適, 食物種類多而且質素高, 主要提供刺身、壽司🍣、一品料理、清酒🍶, 價錢合理, 係佐敦食日式料理嘅好去處🍴𓌉◯𓇋 ︎三文魚腩、中拖羅 厚切三文魚腩刺身充滿魚油香, 油脂豐厚, 超肥美！中拖羅魚油甘香, 味道鮮美！𓌉◯𓇋 ︎玉子燒 口感滑嫩, 帶有甜甜嘅蛋香～🍣 火炙左口魚邊壽司、油甘魚壽司 、軟殼蟹手卷火炙左口魚邊好肥美, 炙燒過逼出魚油；油甘魚滑嫩；手卷嘅軟殼蟹炸得夠脆𓌉◯𓇋 ︎牛舌芯串 每一粒都好爽彈, 調味啱啱好👍🏻 🐟 西京燒銀鱈魚魚皮煎至焦脆, 魚肉嫩滑, 食落有味噌醬油味同豐富嘅魚油香, 醬油甜甜的, 好滋味！ 𓌉◯𓇋 ︎法式燒羊扒 熟度剛好, 啖啖肉, 羊肉味香濃…Read More

《餓🐶探店》 七福神和食亭🔥係香港能夠做食肆超過18年講嘅一定係本事，絕非偶然嚟試過就知，大件、好食夾抵食！🤩🐟 刺身類：· 活赤貝刺身：超爽甜！一食就知係新鮮貨，口感正到爆！💥· 油甘魚刺身：油脂甘香，入口即化，魚油香喺個口度停留好耐～🤤· 深海池魚刺身：清淡得嚟帶點爽口，推介！🍤 炸物 & 熱食：· 軟殼蟹天婦羅：脆而不油，蟹肉仲好juicy！· 法式燒羊扒：羶香肉質嫩滑～🐑· 網燒牛扒：外香內嫩，肉汁鎖得住，牛魔王必點！🥩· 清酒煮大蜆：酒香入味，蜆肉爽彈，連湯都想飲埋！🍶🍚 主食：· 海膽海鮮炒黃金飯：鑊氣十足！海膽鮮甜，炒飯乾身唔油，醬汁調得剛剛好！🍳環境舒服，服務員態度友善，上菜速度都好快⏳。💯😆 因為碟碟都大大份，建議帶晒親朋戚友過黎食，咁就食到最多款既食物啦！😉🖇️七福神和食亭（佐敦店）📍佐敦彌敦道311-313號1樓☎️23882302（佐敦） 🖇️七福神和食亭（元朗店）📍元朗西裕街5-11號金福閣地庫☎️3462 3545（元朗）…Read More

原來佐敦地鐵站附近有間唔錯嘅樓上日本菜，食物款式好多，環境幾大又舒服，好適合一家大細過嚟開餐😙✨清酒煮大蜆：蜆肉大大粒，飽滿鮮甜，清酒香好出，味道濃郁。✨蟹味噌甲羅燒配鱈魚乾：賣相吸引，面頭蟹籽脆卜卜，蟹膏味超濃，夾埋帶甜嘅脆鱈魚乾一齊食，好正。✨芝士焗天火蠔：面層芝士焗得香濃，入面係熱辣辣嘅忌廉汁、煙肉同軟滑蠔肉，配搭得啱啱好。✨網燒牛扒：塊牛扒真係大過手掌，牛味香濃肉質軟腍又多汁，唔使點汁已經好好味。✨牛舌串：燒得香口，簡單用黑椒調味，食落爽身有嚼勁。✨金龍蝦反卷：吉列蝦炸得脆身，加埋蟹籽雙重脆口感覺，口感好豐富～✨海膽蟹肉茶碗蒸：蒸蛋超滑，面頭鋪上海膽同蟹肉，入面仲有洋蔥同本菇，味道清甜，個女都好鍾意。✨三文魚腩刺身：厚切三文魚腩，肥美得嚟帶點爽口，夠晒新鮮。✨海膽海鮮炒黃金飯：個飯未食已經睇到好吸引，金黃色炒飯加上三文魚子、海膽、魷魚、青口、帶子等多款配料，味道同口感都好豐富。✨柚子生忌廉吉士芭菲：食完濃味嘢，呢個甜品清新得嚟唔會太甜，柚子雪芭好refreshing，忌廉同吉士滑溜，底層仲有粟米片同木糠碎，大滿足！…Read More

最近同朋友發掘咗呢間七福神和食亭，一入去就感受到濃濃日本居酒屋氛圍～燈光柔和、音樂舒服，無論係下班放鬆定小聚約會都好啱。今次試咗幾款刺身、熱食同小食，每款都令人驚喜！✨ 推薦菜式🍶 清酒煮大蜆熱騰騰上枱，一打開蓋已經聞到清酒香氣～蜆肉鮮甜多汁，酒香滲入湯汁，飲落暖胃又開胃。🧡 海膽刺身＋甘蝦刺身海膽入口即化、甘甜無腥味；甘蝦鮮度一流，肉質軟糯細緻，係海鮮控必試組合！🦪 活赤貝刺身＋北寄貝刺身＋帶子刺身三款貝類刺身都處理得好乾淨，口感爽甜彈牙。尤其係帶子，新鮮香甜，食得出質素。🥚 麻辣風溫泉蛋豆腐創意小食，豆腐滑到入口即化，加上微辣醬汁同溫泉蛋，味道層次豐富，好特別～🥗 慢煮雞胸沙律清新健康之選，雞胸肉嫩滑無渣，配上清爽沙律菜，好啱想食得清淡啲嘅人。🍵 海膽蟹肉茶碗蒸滑溜茶碗蒸加上海膽同蟹肉，香氣滿滿，每一口都係鮮味精華。🥣 豆腐風野菜湯湯底清甜、帶微微昆布香氣，作為餐前開胃或收尾都非常舒服。無論係刺身定熟食都感受到師傅嘅心機與用料。價錢合理、食物水準高，加上氣氛舒服，係想放鬆心情、飲返杯清酒嘅理想居酒屋之選。…Read More

餐廳環境充滿日式風格，店員都好有禮貌，食物又多款又抵食蟹籽沙律揀咗細都好大份，真係份量十足，青瓜絲、蟹柳、蟹籽撈埋一齊食，入口清新美味海膽蟹肉茶碗蒸芡汁濃郁，蒸蛋十分嫩滑壽司揀咗三文魚籽、中拖羅➕深海池魚，件件都新鮮肥美鰻魚手卷搭配醋飯、香脆嘅紫菜一齊食，滋味滿滿日本雞胸軟骨焦香微脆，值得一試大盛魚生丼🈶牡丹蝦、海膽、帶子、八爪魚、三文魚、吞拿魚➕玉子，非常豐富，每一口都能同時感受到刺身嘅鮮美以及醋飯嘅酸香蟹味噌甲羅燒配鱈魚乾都好好食😋蟹膏味香濃，放上鱈魚乾食就更加可口富士山乳酸梳打粉藍色好igable😍，面層有好香嘅芝士奶蓋，入口酸甜清爽鮮柑桔青提子梳打以鮮柑桔➕青提子為主調，飲落酸甜適中…Read More

佐敦有間「七福神和食亭」嘅日本餐廳, 裝修幾有日本 feel, 好多燈籠好靚. 食物份量好足夠, 味道唔錯, 食材新鮮. 又一推介.蟹籽沙律(大) $72 、 網燒牛扒 $138 、 鹽燒三文魚頭 $75 、 風味花魚燒 $98 、18件壽司拼盤 $278 、三文魚腩刺身(4切) $85 、 熱咖啡 $20 、 桃雪糕 $35 、 柚子雪糕 $35 ~ 人均消費 $307 網燒牛扒 ~ 軟韌適中, 切開瞬間, 内里是完美的粉红色, 很柔嫩, juicy肉汁滲出. 十分美味. 三文魚腩刺身 ~ 肉質鮮嫩好肥美, 色澤鮮亮, 脂肪紋路清澈, 入口即化, 甘甜醇厚, 餘味清爽. 鹽燒三文魚頭 ~ 魚頭被烤得恰到好處, 表面泛着金黄色的光澤, 像導了一層薄薄的焦糖. 魚皮酥脆, 魚肉雪白. 魚油的醇厚, 每一口都能感受到三文魚頭豐盛的油脂, 經過鹽燒, 變得香而不膩. 好吃. 七福神和食亭佐敦彌敦道311號一樓…Read More

因有朋友生日，我們問一個女服務員拿打火機點蛋糕蠟燭，她沒有，她問另一名男服務員有沒有，男服務員黑面說“沒有，俾石油氣你好無？”這名男服務員由一開始，已經是口黑面黑趕客。真不明白，真的要這樣對待客人嗎？…Read More