影片
更多
2023-08-18
722 瀏覽
🍘🍢🇯🇵高質日本菜串揚▫️員工有禮，加水收碟都好快，上菜時會逐樣介紹，推薦配咩醬最好▫️10串set $498，另有12串set $698✨醬汁🧂醬汁碟有5格，分別係檸檬/海藻鹽（配海鮮）/ 鰹魚汁（配蔬菜類）/蜜糖芥末/特製肉類醬汁（配肉類）✨前菜拼盤🍱有3款，分別是明太子薯仔沙律、意大利青瓜配味噌醬及漬物茄子。全部都好好味，食材好新鮮。✨串揚げ🍤所有串揚炸粉都好薄好脆，但吾油膩，而入面嘅食材都吾會變老。☑️炸和牛西冷配黑松露醬串和牛超嫩滑，牛味濃，第一粒係冇松露甘食，主要食和牛嘅味道，而第2粒連埋松露食，就味道更豐富。☑️炸天使蝦串佢加左蝦膏係頭果邊，一咬爆汁而且蝦味超濃，蝦好新鮮彈牙。☑️韭黃雞柳卷串呢個係韭菜味好濃，如果唔鍾意食韭菜嘅人應該會唔鍾意，佢係一層紫菜卷住雞柳，雞柳再包住切碎咗嘅韭黃，韭黃新鮮爽口，口感層次豐富。🆗炸紋甲墨魚蟹籽串墨魚滑好彈牙，上面仲有好多蟹籽。☑️清舌餐點豆腐玉子黎，凍食的，清清地，清下個口再食過🤣🆗炸土佐萬願寺甜辣椒串外表較特別，因為連埋木魚絲一齊炸，呢個辣椒串真係辣嘅，但椒絲爽口，但我本身吾中意三色椒嘅味道，所以我吾中意呢串😂☑️炸穴子高湯玉子燒串炸粉內包住左
高質日本菜串揚
▫️員工有禮，加水收碟都好快，上菜時會逐樣介紹，推薦配咩醬最好
▫️10串set $498，另有12串set $698
✨醬汁🧂
醬汁碟有5格，分別係檸檬/海藻鹽（配海鮮）/ 鰹魚汁（配蔬菜類）/蜜糖芥末/特製肉類醬汁（配肉類）
✨前菜拼盤🍱
有3款，分別是明太子薯仔沙律、意大利青瓜配味噌醬及漬物茄子。全部都好好味，食材好新鮮。
✨串揚げ🍤
所有串揚炸粉都好薄好脆，但吾油膩，而入面嘅食材都吾會變老。
☑️炸和牛西冷配黑松露醬串
和牛超嫩滑，牛味濃，第一粒係冇松露甘食，主要食和牛嘅味道，而第2粒連埋松露食，就味道更豐富。
☑️炸天使蝦串
佢加左蝦膏係頭果邊，一咬爆汁而且蝦味超濃，蝦好新鮮彈牙。
☑️韭黃雞柳卷串
呢個係韭菜味好濃，如果唔鍾意食韭菜嘅人應該會唔鍾意，佢係一層紫菜卷住雞柳，雞柳再包住切碎咗嘅韭黃，韭黃新鮮爽口，口感層次豐富。
🆗炸紋甲墨魚蟹籽串
墨魚滑好彈牙，上面仲有好多蟹籽。
☑️清舌餐點
豆腐玉子黎，凍食的，清清地，清下個口再食過🤣
🆗炸土佐萬願寺甜辣椒串
外表較特別，因為連埋木魚絲一齊炸，呢個辣椒串真係辣嘅，但椒絲爽口，但我本身吾中意三色椒嘅味道，所以我吾中意呢串😂
☑️炸穴子高湯玉子燒串
炸粉內包住左玉子燒同穴子，又幾夾wo，玉子燒超滑。
☑️炸帆立貝串
超級推薦，一咬爆晒汁，點海藻鹽食味更鮮。
🆗炸蓮藕明太子串
蓮藕啲窿窿入邊釀咗明太子，明太子味濃，吾洗點醬汁，但淨係得蓮藕果時就比較淡口。
☑️炸秋葵免治豚肉串
將秋葵同免治豬肉撈埋一齊，有咬口，味道都好特別，點特製肉類醬汁食再好味d。
☑️炸三文魚串配三文魚籽串
三文魚保持好嫩滑，炸粉上有他他醬，及大量三文魚籽，爆晒汁！
✨追加單點
☑️蘆筍串 -$38
靚嘅蘆筍黎，冇渣，咬落爽口又juicy。
☑️三元豬柳串-$38
三元豬係混種而成嘅豬，味濃，值得一試。
☑️黑松露薯條-$58
因為係薯條控，所以叫黎食下，薯條新鮮炸，又熱又脆，配左黑松露鹽同少少芝士絲，味道超正！
黑松露薯條
$58
8 瀏覽
0 讚好
0 留言
✨主食
🆗稻庭烏冬
我地2人都選左烏冬，唔食烏冬嘅仲可以揀鷄肉茶泡飯，由於已經好飽，所以我哋請師傅將份量減半。烏冬個湯比較杰，但魚味好鮮，唔夠味仲有薑同埋柑桔俾你倒落去吊味。
✨甜品🍧
🆗夾餡雪糕
是日雪糕是焙茶味，但偏甜，上面仲配咗啲紅豆蓉，個皮好脆。
☑️自家製布甸
布甸個雞蛋碗好靚，布甸好滑，上面仲有焦糖，另外仲有兩塊黃豆粉日式蕨餅，好味。
張貼
