燒鳥 Tsukada

營業中

休息中

同老公兩個人去慶祝情人節，餐廳有情人節套餐，不過我哋主打想食燒鳥，所以直接單點唔同嘅雞串燒。好少見到有女師傅負責，今日全程都係兩位女師傅，串燒非常出色。餐廳全部用日本刺身雞，大部份燒到八成熟，雞肉入口非常有鮮味而且嫩滑，簡單配上鹽或醬油已經足夠。雞內臟，完全沒有雞嘅腥味，各個部位配上適合嘅調味，燒得香脆，而且有濃郁雞味。雞白湯拉麵亦非常出色，雞湯濃郁。另外叫咗燒白鱔，白鱔香脆爽口，值得推介。香港餐廳越嚟越難做，遇到用心做嘅餐廳值得介紹。