長阪燒 (已結業)

今日同多月不見朋友聚舊，約左係交通方便既旺角，見有間日本野食評不錯，位置在朗豪坊附近就訂位試下。一入到去環境不錯，係日式高級居酒屋feel，坐位有私穩度高既卡位，bar枱都有，見閒日人少少就坐bar枱。望下menu 選擇都多，沙律、刺身、串燒、卷物等等都有，啱晒我啲花心咩都想試既人。首先叫左個前菜蟹肉沙律， 蟹肉鮮甜， 菜都新鮮。之後叫左個生蠔set，包左蠔同白酒。啲蠔比想像中大隻又肥美， 問職員係來自九州既， 自己不飲酒， 朋友試左白酒就話同蠔都夾。再來就是飽肚既雲丹拖羅蓉山盛， 在飯卷面有滿滿既拖羅蓉、蟹子及海膽， 超級新鮮，真是大滿足。雜錦天婦羅， 就有三隻大大既蝦同幾種常見蔬菜。串燒就試左少見既雞胸軟骨同雞肝， 同雞肉大蔥串， 雞肝有啲似鵝肝質感， 配甜甜既燒汁都不錯。最後， 就是今餐最好味既松葉蟹膏多士， 松葉蟹膏十分咸香惹味， 再配香脆既多士真是超正。