玩具屋

營業中

休息中

今日嚟到位於天后附近嘅日式居酒屋玩具屋食飯，餐廳嘅佈置好有心思，四周圍都放咗日式嘅玩具，讓人可以一邊食飯，一邊望住啲咁可愛嘅玩具。餐廳嘅餐牌唔少都係以串燒為主嘅，同時亦都有少少刺身同炸物等等。清酒焗蠔蠔肉好厚身，入口非常之鮮甜，蠔味香濃，清酒味突出，非常好味。鰻魚串鰻魚串去骨去得幾好，入口有油香，鰻魚汁燒過之後，亦非常惹味。松露醬燒大頭蝦大頭蝦入口爽口彈牙，有蝦嘅鮮甜味，同時又唔會燒得太過乾，再加上松露醬，真係睇到都流晒口水。熊本牛串牛串嘅牛肉味非常之香濃，肉質柔軟，入口充滿肉汁。宮崎黑豚豬腩串黑豚豬腩串外皮燒得非常焦脆，入口充滿黑豚豬嘅油香味，肉質非常之軟冧，令人食完一串仲忍唔住想再食添。免治雞肉棒免治雞肉入口富有口感，除咗雞肉之外，仲有少少軟骨添。另外，呢款雞肉仲有幾種口味可以揀，我就揀咗海膽，味道非常之鮮甜，口感又夠creamy。燒飯團飯團外皮燒得香脆，有少少似飯焦，一咬開，入邊係軟綿綿嘅飯，呢個飯團處理得非常之好。吞拿魚拖羅拖羅油脂味豐富，魚油味突出，入口即溶。整體來講，今次呢間餐廳嘅質素真係非常之高，無論係串燒，定係刺身等等，所使用嘅食材都非常之高質，如果有機會嘅話我都想再嚟