Hot Pot 熱‧海鮮火鍋私房菜 (已結業)

趁着天氣仲係凍當然要打吓邊爐啦，今次就去咗佐敦食一間叫做Hot Pot 熱•海鮮火鍋私房菜，除咗打邊爐出名之外，佢私房菜都好出名嫁。佢嘅店舖設計都好有特色，係一啲舊嘅香港街景掛畫貼住左喺牆。蕃茄薯仔鍋鍾意食蕃茄嘅人要注意啦，佢嘅蕃茄鍋真係好出色，我鍾意食比較酸嘅，一開始就飲咗碗湯好好味，係最後嘅時候食埋煲軟咗嘅薯仔🥔，真係超正。肉類三小拼盤佢嘅拼盤一嚟到就覺得好靚啦，中間嘅豬肉片係切成左一個玫瑰花，三小拼分別有豬牛羊三款，各有四片，肉嘅質地非常好，特別鍾意食羊肉，羊臊味一流。豬紅豬紅都係好有彈性，而且比較滑身。手打牛肉丸佢嘅手打牛肉丸入面係有芝士，好特別。咬落去中間嘅芝士粒係溶咗，牛肉彈牙嘅口感再配搭左軟心芝士，好味到停唔到口。稻庭烏冬索左啲湯底，夠彈牙。