潮盛館

營業中

休息中

陪朋友嚟新蒲崗購物，行完就過咗去越秀廣場地下嗰間「潮盛館」食晏。餐廳主打潮州菜同各款即叫小炒，店內裝潢清雅，設有落地大玻璃窗，空間開揚，環境舒適寫意！點咗午市 2 人餐，套餐包是日燉湯、鵝肉雙拼、1 款小菜、白飯及飲品。今日嘅燉湯係椰子雞湯，湯頭火喉十足，內有雞肉、瘦肉和螺頭等，入口濃郁鮮甜，飲得出無落味精，充滿住家風味。鵝肉雙拼揀咗配鹽香雞，鵝肉半肥瘦，皮下脂肪不厚，細嫩入味，滷汁略帶焦糖香氣；鹽香雞皮薄肉滑，鹽香加上雞香，佐飯一流👍🏻翠綠炒蝦球帶子，蝦球鮮美爽彈，帶子肉厚多汁，配上翠綠西蘭花，色香味俱全。另外仲點咗客蠔餅，蠔餅大大份，外層炸到金黃酥脆，內裡包裏著粒粒鮮嫩多汁嘅蠔肉，配魚露吃，解膩又提鮮。