成都老碼頭火鍋 (已結業)

早前同朋友好想打邊爐，聽佢介紹就去咗呢間成都老碼頭火鍋，果然冇令人失望！鵝腸爽脆，放入麻辣鍋入面，又辣又爽，非常出色，連擺盤都好有趣😍毛肚都同樣係非常爽脆，淥十幾秒食就啱啱好！黑松露牛丸有好香嘅黑松露味！佢哋筷子牛肉果然係店家推介，同麻辣鍋非常夾，一定要試😍鴨血就非常之嫩，放入口好滑啊😍食麻辣鍋一定唔可以少得內臟，所以我哋仲叫咗其他唔同嘅部位，所有嘅內臟都處理得好乾淨，雞腎同黃喉都好好食，無骨鴨掌就非常適合我呢啲懶人！淥完可以成舊擺落口勁方便💓呢個菇非常之有趣所以我哋都叫咗嚟試吓，佢嘅口感非常之脆，有別平時打邊爐嘅金菇秀珍菇，佢個樣仲好似一支鉛筆咁，好得意呀😍沙冰都不錯～環境都好舒適，裝修都好古風格調，晚市嚟食仲會有折，下次會再嚟！