喜多嬉牡蠣屋 (已結業)

打風喺屋企煮咗兩日飯仔，星期日終於好天，出去食大餐😋試咗呢間90分鐘生蠔放題。一坐低冇耐，侍應就端來一個茶壺，原來係海洋湯，有個蠟燭一路溫住壼湯👍🏻湯好鮮甜，裏面仲有蝦仁同埋蜆可以食添😋一邊飲湯一邊食味琳魚干，前菜小食已經好好食😋跟住就到懷石八品，擺盤勁靚，一定要相機食先😍店員建議我哋由淡味嘅蟹肉羊羹開始食，蟹肉鮮味，清新開胃👍🏻然之後就食煙燻鰹魚，肉質好柔軟。跟住食啲沙律清清味蕾，就食月見雞軟骨免治肉棒，燒汁甜甜咸咸，燒得焦香，沾上蛋液又香又滑😋跟住就食茶漬飯清清個口，再食肥美甘香嘅燒白鱔，肉質厚身而且爽😍最後食埋個秋葵清清油膩😌跟住落嚟就到主角，生蠔、焗蠔、焗扇貝，全部都係任食勁正。喜多嬉牡蠣係嚟自北木島，係日本多間米芝蓮高級餐廳選用嘅一種蠔，生蠔鮮甜肥美，口感幼滑😋。焗蠔隻隻脹卜卜，鮮味甘香😍焗扇貝都好大隻，厚肉啖啖肉，而且都係鮮味十足👍🏻原味主要食海鮮嘅鮮味，蒜味就帶上惹味。每人有一碗松葉蟹五島手延烏冬，唔好要為呢個一定係想塞飽人🙈呢個都好有誠意㗎，松葉蟹鉗鮮味😋加上比較硬身有咬口嘅烏冬，湯頭清淡得來又幾鮮味。串燒都係任食，其中我哋最鍾意食羊肉、雞腎、燒雞翼同埋燒日本番薯仔。調