Mano (The L. Square)

呢日去銅鑼灣行街，朋友推介呢間餐廳，先六點，上到去，估唔到坐滿人，仲要排隊。呢度裝修高雅簡潔，響度食嘢都好有氣氛。芝士焗牛肝菌脆炸雞胸配薯條:吉列嘅外層，咬落酥脆可口，食落去又一層好香嘅牛肝菌，再咬深一層雞肉好Juicy，芝士再向裏面拉絲，充滿口感，配上外脆內軟嘅薯條，係美味嘅組合。忌廉牛油蒜香雜菌:雜菌菇味好濃，同牛油同蒜香好配合，放上鬆軟彈牙嘅麵包上面食，係享受😋Fruit Garden:呢杯飲品顏色奪目，酸酸甜甜，好開胃！Bellini di Mano:呢杯嘢飲有陣蜜桃嘅清香，清新解渴！