影片
更多
2022-06-16
37 瀏覽
.📍小島料理📍#饅頭去大角嘴 #饅頭食日本菜------------------------------1️⃣ 慢煮西冷牛丼 大盛 ($98)呢個套餐嘅前菜係牛蒡同海帶湯，牛蒡非常爽脆冇出水，調味偏甜，但同藥材味幾match；海帶湯味道上就冇乜特別，唔係呢個set嘅重點。呢間小店主打牛肉丼飯，食物水準超有驚喜，有成12塊西冷咁多，每一塊都唔會片到好薄啖啖肉，牛肉味好香濃🐮，肉質鮮嫩冇筋，帶少少肉汁，再用少少黑椒調味，增添牛肉香味，撈蛋黃漿嗰陣仲有種食壽喜燒嘅感覺🥹🫶🏻；至於珍珠米飯濕度適中，即使嗌咗少飯份量都係好足，每一啖感受到牛肉汁脂香mix麻油嘅香氣；乳酪醬味道就似mix咗咗酸忌廉嘅牛油，微微嘅酸味中帶有奶嘅鹹香😚，又唔會過份油膩，側邊仲有 唔同種類嘅新鮮生菜，成件事真係好滿足。◾評分：8.5/10------------------------------2️⃣ 慢煮牛板腱牛丼 並盛 ($95)呢個套餐係小編嘅友人嗌嘅，牛板腱食落同西冷相比，肉質明顯地更加軟淋juicy，但牛肉味相對無咁濃郁，不過絕對可以接受😋，整體味道各有千秋，不相上下，就睇大家鍾意食咩口感。最後想讚一讚呢度嘅店員超級
📍小島料理📍#饅頭去大角嘴 #饅頭食日本菜
------------------------------
1️⃣ 慢煮西冷牛丼 大盛 ($98)
呢個套餐嘅前菜係牛蒡同海帶湯，牛蒡非常爽脆冇出水，調味偏甜，但同藥材味幾match；海帶湯味道上就冇乜特別，唔係呢個set嘅重點。
呢間小店主打牛肉丼飯，食物水準超有驚喜，有成12塊西冷咁多，每一塊都唔會片到好薄啖啖肉，牛肉味好香濃🐮，肉質鮮嫩冇筋，帶少少肉汁，再用少少黑椒調味，增添牛肉香味，撈蛋黃漿嗰陣仲有種食壽喜燒嘅感覺🥹🫶🏻；至於珍珠米飯濕度適中，即使嗌咗少飯份量都係好足，每一啖感受到牛肉汁脂香mix麻油嘅香氣；乳酪醬味道就似mix咗咗酸忌廉嘅牛油，微微嘅酸味中帶有奶嘅鹹香😚，又唔會過份油膩，側邊仲有 唔同種類嘅新鮮生菜，成件事真係好滿足。
◾評分：8.5/10
------------------------------
2️⃣ 慢煮牛板腱牛丼 並盛 ($95)
呢個套餐係小編嘅友人嗌嘅，牛板腱食落同西冷相比，肉質明顯地更加軟淋juicy，但牛肉味相對無咁濃郁，不過絕對可以接受😋，整體味道各有千秋，不相上下，就睇大家鍾意食咩口感。
最後想讚一讚呢度嘅店員超級有禮貌，服務態度非常之好❤️，成個用餐體驗都幾滿意。如果我途經大角咀又諗唔到有咩好食嘅時候，都會考慮Encore。
◾評分：8.5/10
------------------------------
🔸整體評分：8.5/10
🔸小編回頭率：8/10
張貼
