小島料理

小島料理,是朋友長年心儀的愛店,前陣子因為宣布停業,直到今年十月才第一次試味。對於牛肉料理,我非常討厭帶著一陣「騷」味的,尤其是坊間的熟成牛肉,特別容易吃到那種不喜歡的味道,不論4/500元還是100多元都有機會出現的「伏」。然而吃過兩次小島料理,每一次都吃到處理牛肉的用心,有牛味而不騷,M4牛肉跟西冷有明顯的差距,但一樣都感受到滿滿的誠意,不擴展不開分店,有時真的是保持出品的要訣。在飯面的乳酪很解膩,翠玉瓜的清甜剛好能在肉與肉之間作一個完美的過度。明明是生雞蛋拌飯卻沒有腥味,真的讓人好奇是怎麼做到的。小島成為了我的新寵兒,但早已是很多人排隊一兩小時也要吃的「心愛料理」了吧。…Read More

餐廳開返之後再嚟食物方面 叫左個並盛份量都幾多下慢煮牛 d肉唔會好鞋有好多塊既 唔係得小小食到尾都仲有好多牛🤣份量多到有d嚇親下次應該Lunch時間會再去小d人排隊🫣…Read More

我知係小店， 門外排隊排3組客人諗住20分鐘都入到去，一邊排一邊太陽曬正頭頂。 下個到我但點知比外賣同大group人打我尖。 sad. 如果要排一個鐘， 真係要好好好食先值得。…Read More

喺佢未上MM 之前已經食過牛丼好食，同埋一定要叫增量版如果唔係有啲唔夠喉，同埋因為好食，所以想食多啲哈哈佢唔係每一次都有同樣嘅部位供應，啲牛好快就賣晒其實佢Menu其他嘢望落都好吸引之後有次中午想叫外賣，就叫咗個沖繩豬肉塔可飯，嗰個我覺得就不過不失，但真係好辣，辣到流眼水。雖然依間嘢好多味都係靠個醬扶持，但呢個飯都真係太多醬，令到件事有啲太濕。今日終於試埋餐牌剩低嘅另一個菜，就係牛油咖喱雞，當初都有少少擔心佢會唔會仲辣過個沖繩塔可飯，因為上次嗰個真係辣過火屎。但點知勁好食！ ！ ！佢個味道我唔識形容，但唔係普通咖喱咁，淨係食到重口味嘅感覺，佢係有少少溫和嘅咖喱味。同埋唔只得雞，啲薯仔紅蘿蔔之類嘅配菜都煮到好入味，好淋好好食！甚至有一刻覺得佢係比牛丼耽誤嘅咖哩雞飯店！！！！唯一我要挑剔嘅地方就係食到三份二嘅時候有啲太Heavy，咁咪唞吓食吓囉，我覺得又唔係好大影響，都幾啱做Desk lunch嘅，可以慢慢食，不過記得之後要飲咖啡，如果唔係會好眼瞓如果要我排成間餐廳嘅菜嘅排名嘅話，我估如果你係一個喜愛健康嘅人士，一定係牛第一名，第二就係咖喱雞，但如果你係味覺行先嘅話，第一就係咖喱雞，第二先係牛！覺得佢哋而家個生意模式唔錯，牛嗰度可以引到好多人流，支持住佢哋生意，咁你食唔到牛，都可以去食吓咖喱雞，一樣好好食，如果兩樣都食唔到你先去食嗰個沖繩塔可飯，當去試晒成個menu 咁啦…Read More

Book mark咗呢間餐廳好耐上次諗住排嘅時候太多人了 食唔到佢最出名嘅牛丼飯🥲咁唯有買個奶油咖喱雞飯返去食.📍奶油咖喱雞飯 $65附送一杯茶同一個小食飯嘅份量同配搭咖喱嘅比例啱啱好咖喱好Creamy，佢嘅咖喱比出邊嗰啲好食但係呢間主打都係牛丼，咖喱我覺得冇咁出色下次真係可以早啲排隊試吓牛丼😋…Read More

我最近光顧了這家良心小店，點了他們的招牌慢煮牛肉。牛肉的賣相非常吸引，色澤誘人，搭配新鮮的配料，看得我直流口水。味道方面，牛肉煮得非常入味，口感鮮嫩，搭配特製的醬汁，真是絕配！而且價格相對其他地方來說，性價比極高，讓我感覺每一分錢都花得值。我在12:30到達，雖然排一個半小時的隊，但對於這樣的美食，我完全不覺得浪費時間，反而期待得更加迫不及待。不過，我聽說這間小店最近要光榮結業休息，這讓我心裡有些不捨。希望他們能快點捲土重來，重新開業，因為像這樣良心的小店在香港實在是太少了。真的希望他們能夠再回到我們身邊，讓更多人品嚐到這麼美味的食物。加油！…Read More

朋友好想一試他們的牛肉， 拉我一齊去食， 知店內坐位不多，都預計要排隊等位， 營業時間是12:15開始， 我們在12:20到達， 前面已有起碼二三十人在排隊， 幸好我們前面有幾台客等得太耐放棄了，最終我們在14:20入坐。 由於已沒有了餐牌上的牛肉， 今日就叫這個好似係叫做A5 牛腹肉既飯，肉質好鮮嫩， 另外還附送海帶湯。不過食一次就夠， 實在等太耐了。…Read More

知道小店快要暫停營業，所以專程提早45分鐘去排隊食午飯。原本吃不到第一輪，但很好彩地我只是一位，最後有一個空位俾我坐到入去😄因為知道可能有一段長時間吃不到，所以特意點了大份的慢煮肉眼牛丼（$138）。雖然在烈日當空下等了很久，入座後亦等出餐等了很久，但到食的時候還是心甘情願地覺得值得，因為牛肉的質素實在太好了，而且以這價錢來說份量很慷慨，老闆亦有很俾心機地有熟度煮得剛剛好。本人覺得就算去日本，也未必找到那麼好味和相宜的牛丼店但大家前去的話必須要有心理準備，可能要等1-2個鐘🥲經營食店很不容易，多謝兩個老闆咁俾心機做。健康最緊要，好好休息、慢慢放個長假才再決定下一步點走吧…Read More

於網上見到小島將暫停營業,徐可惜之外,亦要再食多次。（已經幫襯好幾次）認識小島料理亦是網上的介紹,兩位年青人有心有力有熱誠,出品亦非常之有水準,慢煮的牛肉菜式亦相當嫩滑,小店舖亦都有大酒店一般的水準,難得的是質素一直以來都可以保持到,從來冇走樣。今次沒有和牛供應,感覺有一點可惜。但慢煮牛肩肉同慢煮西冷牛扒亦沒有令人失望,西冷牛肉味豐富,牛肩肉亦非常嫩滑,兩者同樣肉汁豐富,兩碗飯擺盤亦見到落足心思。兩位年青人用心經營,多年來犧牲自己的休息時間,用心保持著出品的水準,這份堅持已經值得欣賞。他們於網上義公佈營業至五月尾,未知日後是否再有機會品嚐他們的出品,這篇食評就當一個紀錄,紀錄他們對自己出品的品質一種堅持態度！…Read More

-之前食過一次之後就已經好想再食，自從MM條片出左之後，小島日日排長龍，我真係好想食到，見夜晚6點會再開門，就大約5點4左右去定排隊，點知原來我已經係第一輪最後一枱，一round大約份到13個人左右，入左去之後好快就已經有前菜同湯，前菜係好好食嘅海藻、湯係昆布湯，大約半個鐘後就有飯食了大盛係勁多牛肉☺️，大盛同並盛主要係肉量嘅分別，粉紅色排到靚靚，個飯底係珍珠米再配有一啲燒汁，牛肉同埋飯之間仲有啲生菜絲隔住，伴菜嘅翠玉瓜同埋粟米筍用牛油煮過，勁香，有衝動想加錢叫菜食，睇過網上唔少圖片，西冷同埋牛板腱就係大家最鍾意用嚟打卡嗰隻賣相，牛肉保持原味、枱上面亦都有黑椒同埋鹽等調味料可以俾自己按個人口味調味西冷牛配上乳酪醬汁同埋生蛋黃，勁好食，最估唔到係乳酪醬汁下面都係牛，想舐乾淨隻碗，肉眼牛啲肉深不見底，食極都仲有，肉眼嘅肉味比西冷更加濃郁，除咗一片片嘅肉眼扒之外，仲有肉眼粒喺飯入面，勁好食，見到小島先生一直都好忙做到停唔到手，本身有衝動食完之後再外賣多一個飯，見到openrice外賣自取得返咖喱飯😂最後附上清碗圖，我地有食得乾淨的，下次要試奶油咖喱雞！食完之後發現出面嘅人龍一直都冇少過，其實有時都覺得小島都好無奈，openrice有唔少人排太耐隊、期望過高就鬧-▶︎慢煮西冷牛丼（大盛）少飯 | $108▶︎慢煮肉眼牛丼（大盛）少飯 | $138🏠【小島料理 KOJIMA】📍大角咀櫸樹街58號地舖🕑星期一至六 12:15 - 15:00 18:00 - 21:00 星期日 全日休息…Read More

真係有啲嬲，成日都唔開我連續三次去都摸門釘一次都未食過真係唔知係咪真係咁好食，大家去之前記得睇下佢有冇開，客人多老細好易做得辛苦就話唔開，我就食唔到啦唔知有幾好食，唯有咁樣提醒下大家。…Read More

差唔多7點開始排隊排到8:30後先入得去坐。原本想食西冷牛丼，但係只剩返和牛咁照試下，都等咗咁耐，仲嗌咗塔可飯。個牛係幾好食，口感味道都唔錯，但個塔可飯就一般，感覺上係加咗香料嘅肉醬飯。唔會再食嘅原因同食物無關。等咗個幾鐘，入到去食咗15分鐘。等咗半個幾鐘嘅時候，隊頭有2個女仔話未齊人，原來佢哋六個人，等左咁耐原來先知係要等更耐。入面食嘢嘅人全部都食差唔多成個鐘，因為排隊排得耐，所以入邊要食返咁耐？窗口枱有一對男女，佢食幾耐我排隊望佢食幾耐，個女仔冇食一啖要傾5分鐘計要加1分鐘鹽，而條仔就早就食完。佢哋或者店入邊嘅人完全冇考慮過出面嘅人可能捱緊肚餓。呢個可能係香港做飲食嘅悲哀。客人坐低食嘢想食得輕鬆舒服係無可厚非，但係喺外邊排隊嘅人就有差天共地嘅感受；但係，如果要店員控制客人用餐時間同埋管理如何排隊，又好似有點那個。有咩可以做到呢？只可以講係香港飲食業嘅悲哀？會體諒但唔會再食，想支持都支持唔落。…Read More

8點嚟排隊 排到8點半左右貼左通知冇曬牛飯 姨姨亦都親自講聲咁就試下奶油雞飯同蛋卷啦(難得嚟到)前菜幾特別 又爽又有少少彈原來系海帶芽姨姨話冇晒熱湯 俾左杯茶我☺️ (thank you)等待期間 老闆問我要唔要試下牛 我問吾系賣晒咩？佢話仲有少少 即刻多謝老闆 好好食啊🤤不愧系鎮店之選😍奶油雞飯同蛋卷都ok 但如果冇雞皮就更加perfect la😂😂多謝老闆嘅和牛 真係入口即融 好正啊🤤多謝姨姨同老細們嘅人情味☺️真係好平靚正👍 下次再嚟過😚…Read More

早前有YouTube channel介紹小島料理，所以就特登過黎大角嘴試下。本身都知道要排隊，所以就係午市開門前就黎排隊，好可惜，岩岩好full咗入唔到，要等下round。一等就等咗1個鐘頭15分鐘，以為自己去咗日本排隊食人氣百名店。排隊時都有少少意見，客人都係靠馬路邊排隊，但當你排到頭位時，店舖油煙出風口就會對正你本人，所以如果你預計到自己唔係第一輪入座就記得唔好著好吸味嘅衫。基本未入去已經全個人都有浸牛同油煙味。🙂小店內部座位有限，所以先令到大排長龍，而且客人座位安排都跟日本餐廳一樣，一位客人都無需同其他客人搭檯。店舖內擺滿日本擺設，有好多唔同動畫嘅公仔，音樂都係播日文歌（應該都係同動漫有關？）。食物方面，食物選擇有限，即使menu上印出黎有但都會人手畫線閂咗。本身想試豚肉西京燒，但order時店長就通知已經售罄，所以最後轉咗西冷丼。丼前有一客小食，一碗海帶湯。西冷牛相當嫩而不韌，肉本身無太大調味，但傍邊有黑椒，鹽等調味料，客人可以自行調味。比較特別嘅地方係個醬，本身以為係沙律醬，但試一細啖時先發現係乳酪。牛肉配乳酪拎到整體唔會覺得好膩，所以都係一個加分位。…Read More

⭐️ 「小鳥料理」位於大角咀，係一間專注於日式丼飯嘅小店，環境溫馨，且僅有約10個座位，由於人氣旺盛🔥，建議提前排隊👭🏻！好彩今次係中午開市前15分鐘到達，順利係第一輪就入到享用美味嘅丼飯，呢度嘅食物都令人期待🤤，值得一試！⭐️丼飯有「並盛」同「大盛」兩種選擇，飯量一致，係牛丼嘅肉量會隨著size增加，主菜前仲會提供漬物同昆布湯，味道👅都唔錯😌…Read More