Sushi N

營業中

休息中

收工約左朋友銅鑼灣食晚飯。平時食嘅廚師發辦起碼1000人頭埋單，今次食嘅呢一間位於銅鑼灣居然$700內，品嚐到美味佳餚！先由前菜介紹，沙津菜清新並且打開胃口，甜蝦他他分量十足，味道甜美，放係鱈魚片上面品嗜更加係精華所在。另外刺身方面亦都係選用高質食材，分別有深海池魚同劍魚腩，魚味出眾，欣賞佢嘅黑松露自家製醬汁，唔會過分搶掉風頭。壽司方面都有多款魚類可以品嘗：🍣 梳子魚🍣 鯖魚🍣 黑鯥🍣 中拖羅🍣火炙左口魚邊🍣北海道海膽🍣清酒蒸鮑魚和食、茶碗蒸、麵豉湯、甜品茶碗蒸絕對係比到好大嘅驚喜我，份量頗多，食落去好滑溜而且大方地用上多種配料。熱食方面，同樣以魚類作為食材，令我喺唔同嘅口感層次上面品嚐到油甘魚！我同朋友都食到捧住個肚走。呢一間性價比高又高質嘅餐廳一定會再捧場。