川滿居 (京都廣場)

營業中

休息中

同左幾個鍾意辣嘅朋友去咗間裝修有中國特色嘅川菜館，紅色嘅燈籠高掛，感受到濃濃嘅中國風。京蔥牛肉配6張麽麼皮牛肉片炒得恰到好處，肉質嫩滑，京蔥嘅香味撲鼻，令牛肉嘅味道更加鮮明，麽麼皮輕輕包住牛肉同京蔥，一口咬落去，可以感受到不同食材嘅層次感。毛血旺辣味爱好者必點，湯底麻辣鮮香，配搭腸仔、午餐肉、牛柏葉、魷魚、豬大腸、鴨血等食材，完全吸收哂麻辣湯底精華，特別叫左一碗白飯。金湯酸菜魚魚肉滑嫩，酸菜微酸帶點爽口，金黃色嘅湯底濃郁微辣，令人食慾大開，湯底入面仲有薯粉，口感有彈性，菇類令湯底更鮮香。百香果檸檬茶百香果嘅獨特香甜與檸檬嘅清新酸味相結合，解辣之選。桃之夭夭賣相吸晴，桃味濃郁，入面仲加左粉紅色爆珠，好有特色。