朝

營業中

休息中

上星期去咗太子食呢間幾出名嘅居酒屋—朝，食物都幾好食，價錢為中上，岩曬慶祝嘅日子食～首先我地叫左個芒果蟹籽沙律開下胃，估唔到都幾大盤👍🏻之後叫左店員推介嘅吞拿魚腦天3切，油脂感重，吞拿魚味重，超級好食！除此之外，我地點左大啡菇、車厘茄、唐揚一口辣芝士、燒辣味墨魚咀，呢2款辣味小食真係頗辣，唔食得辣嘅朋友記得小心～另外仲有西京銀雪魚、鹽燒白饅串、黑豬肉腸、豚肉紫酥卷、熊本牛肉串，呢幾款都十分推介，味道熟度適中、調味料唔會遮蓋本身食材嘅味道，肉質好juicy❤️最後叫左個冷烏冬結尾，烏冬夠煙靭夠凍，伴嘅冷麵湯唔會太鹹，唔錯！