一方堂居酒屋

營業中

休息中

今日搵朋友吹水，又想搵d可以坐得耐嘅地方，我朋友帶我去呢間樓上居酒屋，佢話d野好好食同坐得舒服，我地就叫咗以下幾款野食。清酒煮蜆,蜆粒粒都好大隻，連埋d湯一齊食，食落好鮮味，好香清酒味，仲有好多菇喺個湯入面，幾足料。壽司六貫，d魚非常新鮮，佢地d壽司飯係有味飯，每啖壽司都有驚喜。三文魚芝士卷，個賣相好靚，三文魚卷物包住有味壽司飯同埋軟淋淋嘅芝士，上面仲有蟹子，估唔到三文魚同芝士都幾夾。他他魷魚圈，炸到外皮脆卜卜，熱辣辣，點埋個醬一齊食，送酒一流。燒雞腎，食落唔會太硬，加埋d燒汁一齊燒，好惹味。燒雞皮，燒到脆卜卜，d油脂冇晒，食落好香口。燒雞翼，燒到個皮好脆，而雞肉仲好嫩滑。煙肉蝦卷，燒到外面果層煙肉好香，入面蝦肉好爽口，原來煙肉同蝦係咁夾。