醉翁燒鳥 (已結業)

太子新開業日式居酒屋，白色光鮮大門，裡面以木色為主調。私隱度高，大多為半開放式卡位，每組卡位設有布屏，需要時可以按鐘請店員幫忙。✨櫻花蝦半熟蛋爆彈先用蝦膠包住隻蛋，外層沾滿櫻花蝦後再炸。外層熱辣辣非常脆口，櫻花蝦味濃郁，裡面嘅流心蛋實在吸引🤤高質！✨立鱗炸甘鯛必叫‼️如果我只可以揀一款，我一定會揀呢樣‼️ 以油浸泡魚表皮位置，令魚鱗炸至豎起，非常香口脆身😍而魚肉則非常嫩滑，仲有海苔香。整體一啲都唔油膩，賣相又靚。✨鹽釜原隻鮑魚第一眼睇⋯咁似菠蘿包嘅😂原來用厚厚嘅鹽層包住鮑魚。用酒淋上鹽層，再用火燒🔥僅有🔟秒嘅打卡時間🤪。然後用匙羹敲開鹽層，就可以享用以昆布葉包住嘅鮑魚。鮑魚勁大隻好厚肉，肉質有咬口，仲有少少昆布香味添。✨秘製酥脆唐揚雞唐揚雞本身同出面食嘅未必太大分別，但重點在於自家製嘅胡椒柚子他他醬，味道清新帶少少creamy質感。✨蒜片一口牛肉牛肉粒好多汁，又夠腍，夾埋蒜片一齊食好香口🙌🏻✨芝士年糕 - 裡面係流心芝士，熱辣辣好香濃。不過好易飽肚，建議食半粒就好😆✨雞皮餃子 - 以雞皮取代餃子皮，煎得金黃酥脆，內裡餡料亦好多汁。✨牛舌大根煮 - 湯底清甜，白蘿蔔煮到入哂味， 牛舌夠哂腍。