影片
更多
2023-08-08
7 瀏覽
今日黎呢間Aira食飯，佢好近尖東站（K11嗰度），一出就係。佢位於四樓，裝修神秘型格，好高私穩度。如果坐近bar位就可以見到廚師整串燒同燒物，個個師傅都好有功架。今晚我地女仔晚餐，想開支清酒飲，店員揀左一支比較易入口既--作 純米吟釀（$580／720ml)，有種梨既清甜香味，好易入口，啱哂我地飲😊仲有得揀靚靚清酒杯，真係好啱我地呢啲少女心😂呢外都讚一讚店員，招呼都幾好，又會介紹每款菜式，唔錯既服務😃。我地今晚食左： 🔸️醬燒豆腐 ($48／件，9.8/10)呢個係必點必點必點！超級好味！佢係用新鮮豆腐去醬燒，入面好嫰滑，外面脆皮好香口，醬汁又好香，真係好好味！不過小心燙口😂 🔸️粟米天婦羅（$88，9.2／10）呢個有驚喜！雖然佢只係粟米粒，但炸得超級酥脆，仲要一啲都唔油膩！上面灑上少少淮鹽，咸咸地甜甜地，食到停唔到口！ 🔸️免治雞肉棒（自家製）（$58／件，9／10）呢個又係超特別，上枱一人一杯好靚😍。佢係自家製用三黃雞再加雞軟骨打成雞肉棒，再另加無菌蛋拌埋一齊食，yummy! juicy! 🤤 🔸️ 雞蠔肉（$68／串，9／10）店員解釋呢個雞蠔肉=雞腿後筋肉，係雞腿最嫰滑位置，形狀
🔸️醬燒豆腐 ($48／件，9.8/10)
呢個係必點必點必點！超級好味！佢係用新鮮豆腐去醬燒，入面好嫰滑，外面脆皮好香口，醬汁又好香，真係好好味！不過小心燙口😂
🔸️粟米天婦羅（$88，9.2／10）
呢個有驚喜！雖然佢只係粟米粒，但炸得超級酥脆，仲要一啲都唔油膩！上面灑上少少淮鹽，咸咸地甜甜地，食到停唔到口！
🔸️免治雞肉棒（自家製）（$58／件，9／10）
呢個又係超特別，上枱一人一杯好靚😍。佢係自家製用三黃雞再加雞軟骨打成雞肉棒，再另加無菌蛋拌埋一齊食，yummy! juicy! 🤤
🔸️ 雞蠔肉（$68／串，9／10）
店員解釋呢個雞蠔肉=雞腿後筋肉，係雞腿最嫰滑位置，形狀似蠔，所以叫雞蠔肉。食落真係咁一般雞肉更juicy更彈牙更嫰滑！🤤🤤
🔸️ 雞心串（$42，8.5／10）
甜甜地，幾有咬口。
🔸️ 大葱雞肝（$42／串，8.8／10）
呢個好味，上面鋪左大葱，食落雞肝仲keep到juicy口感，又有濃郁雞肝味。
🔸️ 大葱豚腩串 （$58／串，8.8／10）
呢個都好好味！䐁腩肥瘦均勻，充滿油香，又有少少脆面，好食！
🔸️ 金箔熊本A5和牛（$158，9.2／10）
呢個超級名貴！好靚既碟再配上好多金箔既日本A5和牛，咬落口真係入口即溶感覺，油香味深入每一個口腔角落，好香牛味！名貴之作！
🔸️ 明太子蛋白玉子燒（$48，9.5／10）
呢個都係熱烈推介！Menu上係寫玉子燒，但店員會再問你要黃色定白色玉子燒，我地就揀左特別既白色，原來佢係用全蛋白做玉子燒，蛋白煎到有少少脆邊，再配埋上面既明太子醬，真係十級好味！個人黎講覺得呢個好抵食！
✏️總括而言，環境坐得舒服，食物質素高，中意食邊端燒飲下酒既朋友，我會推薦呢間
0 瀏覽
0 讚好
0 留言
張貼
