aira

唔係傳統日本居酒屋 而係行入去有紅燈籠 佛像 中式衣櫃但食日本嘢嘅地方😂出面仲有個露天酒吧 成件事少違和但又吹佢唔脹 又幾有feel😂一打開個menu 見到定價都算偏高 即刻同啲fd say sorry但見佢哋豁出去咁嗌 我就唔內疚了🙂‍↕️最後人均食咗700幾(太飽)但整體食物質素我覺得可以! 全晚嘅MVP 一定係個燒豆腐 想像中同望落都好乾但唔會估到佢係外脆內軟 香豆味 豆腐滑 仲要爆汁!雞蠔肉咁大卷同用紫蘇葉做配搭係第一次食通常去其他舖頭先都係就咁串起佢燒嗰種免治雞肉棒用新鮮走地雞腿肉打成 味道夠濃郁 另外想讚下雖然$48一串嘅雞軟骨 但佢串到密密麻麻份量係滿足到我的🙂‍↕️仲要每粒都香口夠味 飽滿唔乾不過最貴嘅A5和牛吐司就反而冇乜驚喜 唔太抵仲有個好signature嘅粟米天婦羅 覺得冇乜味其他嘢就普通 串燒大部分都好食 係除咗呢個牛舌芯太硬總結係一間可以encore嘅居酒屋 不過有啲菜式9點後先供應 呢樣嘢就不太友好網上見到好多cm話啲嘢食勁等 服務態度又唔好我哋嗰晚反而完全冇呢個問題😮🤍A5和牛魚子醬吐司($148) | Rating: 7/10🤍醬燒豆腐($48) | Rating: 9/10🤍雞蠔肉($68) | Rating: 8.5/10🤍手剁免治雞肉棒($68) | Rating: 8/10🤍明太子蛋白玉子燒($58) | Rating: 7/10🤍雞軟骨($48) | Rating: 8.8/10🤍雞翼($58) | Rating: 7/10🤍多春魚($68) | Rating: 7.5/10🤍蘆筍豚肉卷($48) | Rating: 7.5/10🤍牛舌芯($68) | Rating: 5/10🤍日本果粟天婦羅($88) | Rating: 6.5/10🤍明太子飯團($58) | Rating: 6.5/10🤍山葵芝士拼日本淮山($58) | Rating: 6/10🤍蓬來泉 和 純米吟釀($560/720ml) …查看更多

訂了晚上7:30幾個人慶祝生日，到場才發現餐牌所有燒物都是小食，只有燒飯團是主食，但唔知點解餐牌會註明是晚上九點後才供應，比較飽肚的玉子燒也是如此，侍應說可先落單，九點後再上菜。其實這個安排已經有少少怪，我哋正常晚飯時間入座，唯一的主食你話九點後先有，即係焗住叫人叫多啲小食，我哋都唔介意，每碟細細件，都叫咗好多，諗住食勁多都夠飽。點知每一樣食物上菜時間勁慢，大家長期處於肚餓等待的狀態，等到九點見到好多燒飯團燒好，但又不上菜，多番催促之下9:40左右先至每人得一嚿飯團，以為等咗好耐會好好食，點知燒到乾晒，硬到咬唔開仲胃痛。玉子燒亦都等咗差唔多兩個鐘都冇到，問職員話要燒完飯團先燒玉子燒，都算，等到10點都仲未有得食，一怒之下叫佢取消order，大佬7:30落單，等你等到10點都冇得食，整體安排又逼人叫好多小食，最重要係唔飽又等得耐。其實食客都唔介意俾錢，如果你食物質素係可以，但係佢用埋呢啲銷售手法逼人叫多啲嘢食，但質素又追唔上，有少少被騙的感覺，以後不會再來。講返優點，佢侍應生都好有禮貌，我哋cut order後佢都免收我哋其中一碟小食錢，同送每人一小杯mocktail補償。但係我寧願你不如整好啲嘢食，上菜快啲，唔好咁陰濕唔俾人叫主食仲好啦。…查看更多

又有朋友移民，找間好坐的地方farewell. 第一次試這間居酒屋，充滿驚喜，賣相靚，食落口知道不是一般食材。有款超好味籚筍燒䐁肉，一入口我就同朋友講好好味，我竟然掛住食，食完也沒有機會影相只能形容: 這個豚肉好薄燒到接近香脆再配籚筍，是之前未試過的美味。我和朋友傾偈坐到十点半，老闆都出來同我們傾多半個鐘。老闆原來以前只經營酒吧disco二十多年, 這是他第一次自己入廚主理，自己每天到街市採購創作很多好花功夫的料理，因為限量，有些我們加單才想落就已經無貨。老闆話全個五六月個市好靜，七月好d, 今晚全晚有8枱已經意外的好，佢都捱過covid貴租....仍有仔女外國升都無錢供讀，仍努力礸研提高食物水準希望有更多生意捱過去，實在要多多支持。…查看更多

枝豆🟢簡單前菜未去到話好驚艷✨ 但鹽味恰到好處🧂 豆粒飽滿且量多💦 送酒一流🍶 手打免治雞肉棒配月見汁🍗🥚手工製作口感鬆軟👨🏻🍳 雞軟骨粒增加脆度💫 月見蛋黃漿濃郁滑溜🍳 蘸滿食超滿足😋 鵝肝配牛奶麵包🦢🍞邪惡度爆燈💡 鵝肝厚切入口即化🔥 牛奶麵包吸晒油香🧈 面層焦糖脆脆畫龍點睛✨ 有埋金箔成件好igable😍清酒煮蜆🍶🐚湯底清甜帶酒香💫 蜆肉肥美冇沙🌊 飲埋個湯超治癒❤️‍🔥 食完啲蜆我都飲左個湯🥰粟米天婦羅🌽粟米芯鮮甜多汁💦 天婦羅衣薄脆💥 炸起黎食原汁原味少少邪惡🧂 環境日式居酒屋格局🎎 師傅即叫即燒🔥 尖沙咀宵夜好去處🌙可惜有啲菜式例如白鱔都無哂🥲…查看更多

前排嚟到呢間尖沙咀樓上居酒屋 一入嚟就覺得好有feel 會見到師傅係到燒緊啲串燒 出面仲有outdoor area 啲裝飾都擺得好靚 問咗waiter suggest啲招牌嘢食比我地 佢好有耐性咁介紹咗好多嘢比我地食食物全部都唔錯 特別推介佢地個招牌牛骨髓配蒜蓉牛奶包 係出面好少會食到咁大個牛骨髓 滑捋捋嘅牛骨髓 再配上莎莎醬同熱辣辣烘過嘅蒜油牛奶包 味道十分之新奇🥢免治雞肉棒🥢清酒煮蜆🥢本地茄子田樂🥢粟米天婦羅🥢燒白鱔🥢厚切燒鵝肝配蒜蓉牛奶包🥢牛骨髓配蒜蓉牛奶包💰兩人用餐 人均約$500…查看更多

💬幸福嘅一個晚上，老友請食生日飯，想要傾下偈、飲下酒🍸、食下嘢，決定上咗嚟呢間酒吧連串燒居酒屋嘅地方，西式加日式嘅融合，環境寧靜有格調，算有高雅感覺。當晚飲品🍸買一送一，一人飲咗兩杯🍻；食物方面唔選多選擇，但都有啱心水嘅款式，仲有生日蛋糕🎂奉送，非常感謝🥹.———————————————————————————.🥢串燒豆腐🥢串燒牛舌🐮🥢串燒雞腿筋🐔🥢明太子玉子燒🐥🥢串燒美國牛小排🐮🥢味醂魚乾🐟🥢鵝肝多士🪿💬食物都係正常發揮，唔會存在問題於當中，即整即端上枱，味道不錯，全部都係佐酒小食，啱晒氣氛同環境。…查看更多

朋友試過話好食帶我去試，是平日夜晚不太多客，裝修係靚嘅有酒吧feel, 主打串燒，都唔錯嘅！咁第二日要返工，所以冇飲酒，純粹食下傾下。朋友推介的有點，也試了新嘢。首先來客A5和牛魚子醬吐司，配搭係好食嘅，再來是厚切燒鹅肝配蒜蓉牛奶包，這個也是推介，但有點油膩。還有明太子蛋白玉子燒，這個就普通了點；台灣白鱔也好味，朋友介紹我吃雞蠔肉，是雞腿最幼滑部份，不過是沒有蠔肉的😝，朋友試了日本阿波美雞全翼，佢話好食，我也覺得燒得幾好！個人覺得食物質素ok，不過價格頗貴！…查看更多

老友生日 揀咗呢間上樓嘅居酒屋。地方雖然唔係太大 但感覺好舒服 啱晒三五知己坐埋一路傾一路食😀因為係第一次黎 所以就由朋友發辦 唔覺唔覺我哋叫咗十樣野 每樣都好有水準 好好味😋最驚喜係牛骨髓配蒜蓉牛奶包👍🏻…查看更多

話說想搵間餐廳食飯傾下計，點知吾係限用餐時間就收10點（9:30已經比面色你睇、last order、吾該埋左張單先），終於比我搵倒間收02:00又環境、地點、價格…. 合適嘅居酒屋（仲要超好食），真係誠意推介㗎🫶🏻 @河內道 #Aria…查看更多

已經第二次黎呢到食飯😍上次黎過一次，感覺不錯🥰🥰原來已經有新menu 今次令我最驚艷既係牛骨髓配蒜蓉牛奶包一上枱靚到嘩嘩聲😍牛骨髓好好味，配埋蒜蓉包不會太油膩另外日本果粟天婦羅，都俾到驚喜我！果粟不是一般的粟米，暫時全港係得呢到係用日本果粟，好甜🥰 又夠脆卜卜，我好鐘意！醬燒豆腐依舊出色，咬落去超多汁，很惹味甜品配埋櫻花果凍cheese cake 🌸加埋日本當造水果😛😍😍呢一餐真的非常滿足～ …查看更多

平時我嘅御用攝影師咁辛苦幫我拍嘢，今次就等我帶佢去食好嘢慰勞下啦🤣 呢間位於尖東嘅隱世居酒屋 🏮 地方位置好方便其實就係尖東站一出 ，係一間商業大廈樓上 竟然有一間咁好食嘅餐廳 🍴裝修好似無啦啦去咗蘭桂坊咁 🤣🍹🍸🍷而且地方比較隱蔽 ，好適合你自己想私約同朋友食餐飯，但係又唔想同人哋迫 ～ 可以靜靜地同人哋傾偈，但係又唔會好似蘭桂坊咁嘈～聽餐廳負責人講 ，原來佢哋嘅老闆本身都係喺蘭桂坊有餐廳，之後將一啲古董搬咗過嚟擺，唔怪得知個feel咁似真係去咗蘭桂坊啲私人餐廳啦😋 你唔好以為佢係一間普通嘅居酒屋，我發現佢哋嘅食物水準真係拍得住高級酒店！我最欣賞係就係佢嘅 哈哈蝦 🦐 估唔到連蝦頭都食得 😮仲要係咁鬆脆！仲有佢嘅燒鵝肝配蒜蓉牛奶包，一啲都唔肥膩，但係就好入味，同埋好好食👍🏻至於佢嘅牛骨髓配蒜蓉牛奶包 ，就好適合打卡，最啱同朋友去慶祝食㗎啦 📸 佢嘅白玉善哉竟然係紅豆沙配白玉，估唔到喺日本餐廳都會搵到紅豆沙咁中式嘅嘢，真係好fusion 🤭 呢間餐廳其實真係fusion 㗎，佢結合咗西餐酒吧 同埋日本餐廳～ 🇯🇵夠晒特別，唔係一般普通居酒屋咁簡單！…查看更多

對呢間餐廳係有啲失望，環境係幾特別幾靚嘅，但啲安排就好亂☹️ 我哋原本book好位，仲收埋confirmation msg，但去到先發現冇我哋嘅booking record🥲，好彩原來同層嘅酒吧都係佢哋旗下嘅，我哋先有位坐嗰邊兼可以order返居酒屋嘢食😅 已經覺得伏伏哋，就打算叫幾樣嘢試下quality先，好食先再加單…結果只係叫咗7樣嘢但就成個鐘先上齊，我哋都有啲趕時間，未飽都唔夠膽再叫了🥲 所以點解話今次人均消費唔能夠作準就係因為我哋叫咗勁少嘢食咋🥲 食評如下⬇️┈┈┈┈┈┈┈┈┈┈┈┈┈┈┈┈┈┈┈▪️『粟米天婦羅』 $88炸得幾好嘅，唔算好油，但係落得太多味椒鹽有，太鹹了 ▪️『雞頸肉』 $42 普通～ ▪️『免治雞肉棒（鮮走地雞雞腿肉）』 $58普通～ ▪️『多春魚（6條）』 $68燒得夠乾身、香脆 ▪️『蛋白玉子燒』 $58係成餐飯比較滿意嘅一道菜，聽講係用免治雞肉棒用餘嘅蛋白整成嘅，將蛋白整成玉子燒，個面再加啲炙燒明太子醬，不錯～ ▪️『秋葵』 $38我勁好彩呀，食到條勁老嘅秋葵，已經纖維化咗，咬唔到㗎😐 ▪️『雞軟骨餃子棒（5隻）』 $78餃子皮煎得唔好香脆，皮又厚，有啲位好似未熟透咁，個肉餡又散，個個食到扁晒嘴☹️…查看更多

食爐端燒飲cocktail 好有氣氛喔🤍鱈魚乾醬燒豆腐手剁免治雞肉棒雞蠔肉***日本果粟天婦羅金箔魚子醬配日本和牛吐司蛋白玉子燒***櫻花果凍芝士蛋糕***Lychee Mojito | Kyoto Tokyo | Peach Tea❤️❤️❤️❤️❤️❤️❤️❤️❤️❤️❤️👍🏻醬燒豆腐同和牛吐司我都好喜歡下次跟朋友聚會也要在這喔💕aira 📍尖沙咀河內道3-4號世紀商業大廈4樓#爐端燒 #串燒 #居酒屋 #尖沙咀…查看更多

今日幫朋友慶祝生日，喺openrice見到依間d野食好似幾好，而且訂位時還沒有這麼多劣平，就諗住去試下。點知一上到去，佢話比我聽要坐酒吧果邊，本身我係無咩所謂嘅，不過發現原來aira其實就係"where"依間酒吧，如果我知道就一定唔會黎，因為我記憶中where嘅食物係好普通，就算轉左做串燒，都唔覺得會特別出色。到食野方面，首先佢哋人手唔夠，出菜超慢，燒鱔上枱嘅時候係凍嘅，應該係放左好耐先有人送黎。佢寫明因所有野係即叫即燒，所以需時。的而且確係需要好長時間先上一道菜，但完全無因為咁而好食左，就是非常普通嘅串燒，完全唔值這個價錢。非常失望。唔會再幫襯。…查看更多

從來未試過寫差評, 但今次個體驗真係太差, 希望其他人可以避雷. 我又係俾d foodie kol 呃左我去. 響open rice到訂左位, 準時去到, 個環境係幾有feel既, 佢係做屋酒屋+bar~ 現場見每張枱情侶.開始戲肉, 叫野食時候waitress話個鰻魚炒飯要9:30之後先有what??? 你點解唔寫響menu到? 你成個menu得一個主食, 我食飯時間7:30去, 你同我講無, 得d飯團叫, 仲要3款入面, 2款都無...即係明要我叫多d小食啦~ 仲要一d都唔平. 呢個銷售手法好唔得囉!! 所以我都預左食唔飽, 完左轉場食甜品.辛苦左一輪, 終於響雲雲當中揀到有得俾我叫既菜式, 當我以為我去左屋酒屋, 原來我食緊法國餐, 真係從未試過食一餐飯, 個肚係keep住肚餓, 每半個鐘先上一碟, 食完好似食左陣風, 味道又好一般, 完全唔值呢個價錢, 得個樣靚. 到個飯團黎到, 我叫既係名太子飯團, 我食到一半都見唔到名太子, 味道好淡, 細看之下原來分散左響飯粒四周圍, 少得可憐. 我地叫左2粒名太子飯團, 佢都要分開2次上, 究竟個燒飯團既爐幾細少呢?到我最期待既牛骨髓, 係foodie kol 話必嗌既, 我等呢個1個半鐘先黎, 見到我呆左, 原來係食一條牛骨上面少得可憐既肥膏, 一d肉都無, 承惠$188 配埋個麵包食, 完全係油+包, 唔知食緊d咩, 成餐飯我同朋友都覺得最好食係個幾粒麵包...經歷完2個鐘我終於食完..但我仲未飽的,..成餐飯總結, 宣傳與實際完全不相符, 出餐時間特慢, 反映人手嚴重不足, 食物味道很一般只有賣相好睇d..性價比0分, 以後唔會信foodie食評, 為左錢埋沒良心...…查看更多