影片
更多
2025-05-28
418 瀏覽
去咗尖沙咀行街，行到諾士佛台，心諗不如試下日本嘢食啦，點知意外發現間寶藏餐廳！上到四樓，成間舖充滿日式風格裝修，好靜好舒服，同樓下嘅繁囂完全隔絕，好似去咗日本咁！.🌟南瓜沙律 南瓜蓉加炸蓮藕片，南瓜蓉甜甜哋好似蕃薯味，就算蓮藕片食晒，淨食南瓜蓉都好好味！蓮藕片本身都帶甜，一啲都唔油膩，仲似食緊零食咁。.🌟忌廉蟹肉波波 外皮炸到脆卜卜，入面係鮮甜蟹肉溝濃郁忌廉，口感好滑，點埋酸甜醬好開胃，旁邊仲有蔬菜可以解膩。.🌟燒羊架 羊架外脆內嫩，肉汁爆出嚟，面頭撒咗黑胡椒同迷迭香，擠啲檸檬汁落去，酸酸哋可以平衡油膩感，味道更加豐富。.🌟串燒 叫咗幾款串燒，全部都好正，燒得好香！特別推介呢兩款： 燒牛舌 - 厚切又多汁，炭火燒到外層少少焦，入面軟嫩有咬口，加檸檬汁更加鮮味。 燒魷魚骨 - 外皮脆香，入面有嚼勁又鮮甜，炭火鎖住魷魚香味，撒啲七味粉仲正！.🌟芝士玉子燒 嫩滑蛋捲包住流心芝士，加埋即磨蘿蔔蓉，清新得嚟又帶出鮮味，口感好綿密。.🌟特上壽司十貫 有木魚、拖羅、立魚、魷魚、吞拿魚、油甘魚、牡丹蝦同帆立貝刺身壽司，軍艦就有蔥吞拿魚蓉同海膽。刺身鮮甜到入口即化，醋飯軟硬適中，配埋即磨
.
🌟南瓜沙律
南瓜蓉加炸蓮藕片，南瓜蓉甜甜哋好似蕃薯味，就算蓮藕片食晒，淨食南瓜蓉都好好味！蓮藕片本身都帶甜，一啲都唔油膩，仲似食緊零食咁。
.
🌟忌廉蟹肉波波
外皮炸到脆卜卜，入面係鮮甜蟹肉溝濃郁忌廉，口感好滑，點埋酸甜醬好開胃，旁邊仲有蔬菜可以解膩。
.
🌟燒羊架
羊架外脆內嫩，肉汁爆出嚟，面頭撒咗黑胡椒同迷迭香，擠啲檸檬汁落去，酸酸哋可以平衡油膩感，味道更加豐富。
.
🌟串燒
叫咗幾款串燒，全部都好正，燒得好香！特別推介呢兩款：
燒牛舌 - 厚切又多汁，炭火燒到外層少少焦，入面軟嫩有咬口，加檸檬汁更加鮮味。
燒魷魚骨 - 外皮脆香，入面有嚼勁又鮮甜，炭火鎖住魷魚香味，撒啲七味粉仲正！
.
🌟芝士玉子燒
嫩滑蛋捲包住流心芝士，加埋即磨蘿蔔蓉，清新得嚟又帶出鮮味，口感好綿密。
.
🌟特上壽司十貫
有木魚、拖羅、立魚、魷魚、吞拿魚、油甘魚、牡丹蝦同帆立貝刺身壽司，軍艦就有蔥吞拿魚蓉同海膽。刺身鮮甜到入口即化，醋飯軟硬適中，配埋即磨山葵同醬油，完美！
.
🌟海鮮丼
一見到五顏六色嘅刺身已經流晒口水！海膽超甜，厚切吞拿魚肥美，有啲入口即化，有啲有咬口，樣樣都有特色。
.
🌟葡萄燒酒
好濃葡萄味，偏甜帶少少酒香，好易入口，配海鮮好夾。
.
🌟Gin Back
Gin酒味好突出，比較濃烈，適合配刺身，鍾意飲濃酒嘅朋友一定要試！
張貼
